San Juan 1:29 - El Nuevo Testamento y unos libros del Antiguo Testamento

²⁹ Yun te inka kiuu tnee suaꞌa, te ni jini ña Juan jin Jesús ja kuaꞌan ya nuu oo de, te jiñaꞌa de: ―Vi kondiaꞌa ni, chi yaꞌa vaji Lelu ia Dios, ia kindee yika kuechi ñayiu ñuyiu.

San Juan 1:29 Iomraidhean Croise

Isaías 53:10

Su saa ni kuini maa Jitoꞌo ja tnaꞌa de tnoꞌo suchi ini vi kuaꞌa tnundoꞌo, te ja siun ni soko de maa de ja jaꞌa yika kuechi ñayiu. Te kuni de ndikin tata de, te koteku de kuakuaꞌa kuia, te jin maꞌñu sagua maa de, te kee guaꞌa nagua kuini Jitoꞌo ja saꞌa ya.

Isaías 53:11

Te nuu yaꞌa tnundoꞌo ja tnaꞌa de, te kuni de ja kee guaꞌa, te kendoo vaꞌa ini de. Te kindee tee ndaa ja jinokuechi nuu rin yika kuechi kuaꞌa ñayiu, te kondiso kotavi maa de jakueꞌe ka saꞌa ñayiu yun.

Isaías 53:7

Te ka kuun ka kani ña vi ndevaꞌa ndetnuni ni ka saꞌa ña, su tu ni kaꞌan saꞌun de; te ni ka jaka ña ja kuu de na kuinio lelu. Te tu ni kaꞌan saꞌun de, ni tu ni june de yuꞌu de ja kaꞌan de na kuinio ndikachi ja ni tu ndaꞌi ti nuu ka sete ti.

Zacarías 13:1

’Te kiuu yun koo in nuu ndute nagua ja yun vi ndakate ndikin tata David vi ñayiu Jerusalén, mai ja vi ndundoo yika kuechi vi jatneꞌe ka oo jin.

San Mateo 1:21

Te koo in seyii ña, te vi xnani ron jin Jesús, chi sui skaku niꞌnu ñayiu ñui nuu yika kuechi ͏―͏jiñaꞌa ya suaꞌa.

San Mateo 20:28

Te suni saa ni sein ja kuu san Seꞌe Teyii, chi masu vaji san ja vi kunukuechi ñayiu nuu san, chi vaji san ja kunukuechi san nuu ñayiu, te soko san maa san ja junkuꞌun yaꞌu nagua ja kuaꞌa ñayiu ndatau san nuu jakueꞌe ͏―͏jiñaꞌa ya.

San Juan 1:35

Te inka kiuu tnee suaꞌa ka otutu Juan jin uu tee ka skuaꞌa jin de.

San Juan 1:36

Te nuu ni jini de Jesús, ja jiondita ya yun, te jiñaꞌa de: ―Tee yun kuu Lelu ia Dios.

San Juan 1:43

Te inka kiuu tnee suaꞌa, te ni ndakani ini Jesús ja noꞌo ya Galilea, te yun ni ka junkuntnaꞌa ya jin Felipe, te jiñaꞌa ya: ―Kondikin ña ni na kiꞌinkueio.

San Juan 2:1

Te nuu uni ka kiuu, te ni ka saꞌa in viko tnandaꞌa ñuu Caná ja tnii Galilea, te yun ni oo nana siꞌi Jesús nuu viko yun.

San Juan 3:16

’Chi ni kutoo ndevaꞌa ña ia Dios jin ñayiu ñuyiu, yun guaa ni jiñaꞌa ya invaa Seꞌe ya, nagua ja ndiꞌi ñayiu ka kandija ña jin ya ma vi junai, chi vi niꞌi ja vi kotekui nikuii nikani.

San Juan 4:42

Te ka jiñaꞌi nuu ñasiꞌi yun: ―Masu ka kandija ka san maintnoꞌo tnoꞌo ni ndakani ni, chi vi ni ka onini maa san, te ni ka jini ndaa san ja suu ia yaꞌa kuu Kristu, ia skaku niꞌnu ñayiu ñuyiu ―ka jiñaꞌi.

San Juan 6:51

Maa san kuu xtaa taa ja teku ja makuun ndee andivi, te na ñayiu kaa xtaa yaꞌa, te kotekui nikuii nikani. Te xtaa ja kuñaꞌa san kuu yiki kuñu san, te kuñaꞌa san nagua ja vi koteku ñayiu ñuyiu ―jiñaꞌa ya.

Hechos 13:39

Te yun guaa ndiꞌi ñayiu ja ka kandija Jesús vi niꞌi ja kuakaꞌnu ini ia Dios yika kuechi, nuu ña ni kuu ja vi niꞌi nuu Ley Moisés ja konekaꞌnu ini ya.

Hechos 8:32

Te nuu tutu ii kaꞌu de yun yoso suaꞌa: Ni ka jaka ña ñayiu jin de na kuinio in ndikachi ja kuu ti, vi na kuinio in lelu ja tu ndaꞌi ti nuu ka sete ti. Te saa tu ni june de yuꞌu de ja kaꞌan de.

1 Corintios 15:3

Chi xtnañuꞌu ka ni kaxtnoꞌo san nuu ni tnoꞌo ja ni niꞌi san nuu Jesukristu: Ja ni jiꞌi ya ja jaꞌa yika kuechio, nagua yoso nuu tutu ii.

2 Corintios 5:21

Chi visi tu na yika kuechi ni saꞌa Kristu, su ja jaꞌa yoon, te ni skuiso siki ña ia Dios yika kuechio, nagua ja jin maꞌñu sagua Kristu, te ni ka nduo ñayiu ndaa nuu ia Dios.

Gálatas 1:4

Chi ni soko Jesukristu maa ya ja ni jiꞌi ya ja jaꞌa yika kuechio, nagua ja saa te skaku niꞌnu ña ya nuu ñuyiu kueꞌe ja ka oo vitna, chi saa kuini maa Dios, ia kuu Tatao, ja saꞌa ya.

Gálatas 3:13

Te Kristu, chi ni tniuyaꞌu ya ja ni ndatau ña ya nuu tnoꞌo kaꞌan Ley ja ni ka tau tniaꞌo siki yika kuechio, chi maa ya ni tau tniaꞌa nuu ia Dios ja jaꞌo, chi yoso nuu tutu ii: “Na tau tniaꞌa ndiꞌi ñayiu ja intakaa nuu in yutnu”, kachi tutu ii.

1 Timoteo 2:6

Te suu ya kuu ia ni soko maa ja ni tniuyaꞌu ya ja jaꞌa ndiꞌi ñayiu ja ni skaku niꞌnu ña ya, te yun ni xneꞌe ya maa ya ja ni ka jini ñayiu tniuu ni saꞌa ya kiuu ni jani maa ia Dios.

Tito 2:14

Te suu maa ya kuu ia ni soko maa ja jaꞌa in ion, nuu ni tniuyaꞌu ya ndiꞌi yika kuechio, te ni ndasavii ña ya ja vi kokuo ñayiu ñuu maa ya, te na vi kondioo ndevaꞌa inio ndiꞌi tniuu guaꞌa ja vi saꞌo.

Hebreos 1:3

Te xneꞌe Seꞌe ya naxa yeꞌe tajan maa Dios, te vi ni ndaku ña ya naxa oo maa ia Dios, te maa ya jito ndiꞌi jin tnoꞌo kaꞌnu ja kaꞌan ya. Te nuu ni ndasavii ya yika kuechio, te mandaa ya ndee andivi ja ni jinkoo ya ichi ndaꞌa kuaꞌa maa ia Dios.

Hebreos 2:17

Te ja jaꞌa yun guaa vi oo vi kaa ya nagua ka ndaa ñani ya, nagua ja saa te ni jinkokuu ya in sutu kuu nijaꞌnu ja ni skunkuu ndaa ya nuu ia Dios. Te ni kundaꞌu ini ña ya jin, ja ni soko ya maa ya, saa te ni kindee ya yika kuechi ñayiu.

Hebreos 9:28

Te suni Kristu, chi invaa ni jichi ni soko ya maa ya ja kindee ya yika kuechi kuakuaꞌa ñayiu, te nuu ndajiokuiin ya inka jichi ja ndii ya, te ma ndii ya ja kindee ka ya yika kuechi ñayiu, chi ndii ya ja skaku niꞌnu ya ñayiu ka ndetu kaꞌnu ña jin ya.

1 Pedro 1:19

chi ni ndatau ña ya jin niñi Jesukristu ja ndee yaꞌu ndevaꞌa ka, ja ni soko ya maa ya na kuinio in lelu, kiti oo vii oo vaꞌa.

1 Pedro 2:24

Te maa Jesukristu ni jiso siki ndiꞌi yika kuechio nuu ni jiꞌi ya yika cruz, nagua ja vi kuo nuu yika kuechio, te vi ndatekuo ja vi kaka ndao nuu ichi ya. Chi jin ja ni tuji ya, te ni ka nduvaꞌa yoon.

1 Pedro 3:18

Chi suni saa ni tnaꞌa Jesukristu tnundoꞌo nuu ni jiꞌi ya invaa jichi ja jaꞌa yika kuechi ndiꞌo. Te ia vii ia vaꞌa kuu ya, su ni tnaꞌa ya tnundoꞌo ja jaꞌa yoon ja ni ka okuo ñayiu kueꞌe, nagua ja ndakuaka ña ya noꞌokueio nuu ia Dios. Chi ni jiꞌi ya jin yiki kuñu ya, su ni ndateku ya ni saꞌa Espíritu maa ia Dios.

1 Juan 2:2

Te maa Jesukristu kuu ia ni soko maa ya ja jaꞌa yika kuechio, te masu nani ja jaꞌa yoon, chi suni ja jaꞌa yika kuechi ndiꞌi ñayiu ñuyiu.

1 Juan 3:5

Te ja ka jini maa ni ja ni kii Jesukristu ñuyiu yaꞌa ja ni kindee ya yika kuechio, te tu saꞌun na yika kuechi maa ya.

1 Juan 4:10

Te yaꞌa kuu nuu xneꞌe naxa kutoo ña ia Dios, te masu yoon ni ka kutoo Dios, chi maa ya ni kutoo ña, te yun guaa ni tetniuu ya Seꞌe ya, ja ni jiꞌi ya nuu ni tniuyaꞌu ya yika kuechio.

El Apocalipsis 1:5

Te suni vaji nuu Jesukristu, ia kuu testiu ndaa, ia ni ndateku xtnañuꞌu ka neꞌu ndiyi, ia tatnuni nuu taka rey ka oo ñuyiu. Te ni kutoo ña Jesukristu jin yoon guaa ni ndakate ya yika kuechio jin niñi ya.

El Apocalipsis 12:11

Su ni ka kundee ñanio siki Tachi yun jin maꞌñu sagua niñi Lelu ia Dios vi jin tnoꞌo ia Dios ja ni ka ndakani de, chi tu ni ka yuꞌu de ja vi skunaa de maa de, chi saa suaꞌa ni ka oo anu de ja vi kuu de ja jaꞌa tnoꞌo ya.

El Apocalipsis 13:8

Te ndiꞌi ñayiu ñuyiu ni ka chiñuꞌu kiti xeen yun, ñayiu ja tu ka yoso sivi ndee kiuu xtnañuꞌu nuu ni jinkoo ñuyiu nuu liuru teku ja nevaꞌa Lelu ia Dios, ia ni jati niñi ja ni jiꞌi ya nuu cruz.

El Apocalipsis 14:1

Yun te ni ndakoto san, te ni jini san ja nukuiin Lelu ia Dios nuu yuku Sión, ka oo ya jin in ciento kuun xiko kuun mil ñayiu, te tnei ka ndee sivi maa ya vi sivi maa Tata ya, ia kuu Dios.

El Apocalipsis 14:10

nuu saa te kiti ndevaꞌa ini ia Dios nuu ñayiu yun, te ma kuakaꞌnu ini ya, chi tnaa ña ya nuu ñuꞌu ja kai jin azufre, te yun kokai kojinjin jin nuu ia ka jinokuechi nuu Dios vi Lelu ya.

El Apocalipsis 14:4

Te suchi yaꞌa ka kuu suchi tu ni ka nitnaꞌa saꞌun jin ñasiꞌi, chi ka oo ndutui. Te suchi yaꞌa ka kuu suchi ka ndikin ña jin Lelu ia Dios ndeni nuu ni kuu ja kuaꞌan ya. Te suchi yaꞌa ka kuu suchi ni ka kaku niꞌnu neꞌu teyii. Te mai ka kuu na kuinio in jaxtnañuꞌu ja kee nuu ñundeꞌi ja ni ka soko nuu ia Dios vi nuu Lelu ya.

El Apocalipsis 15:3

Te ka jitai yaa ni tau Moisés, tee ni ojinokuechi nuu ia Dios, vi yaa Lelu maa Dios ja kaꞌan suaꞌa: Kaꞌnu vi vii ndevaꞌa tniuu saꞌa ni, vi Jitoꞌo Dios, ja kuu ni ia ndakui ndevaꞌa, te ndiꞌi ni ja kuu saꞌa ni, te ka oo ndaa ka oo ndija ichi ni ja kuu ni Rey taka ñuu.

El Apocalipsis 17:14

Te vi ndakoo de vi kaxin tnaꞌa de jin Lelu ia Dios, su kundee Lelu ya. Chi maa ya kuu Jitoꞌo nuu taka jitoꞌo, te maa ya kuu Rey nuu taka rey. Te ñayiu ka oo jin ya, chi ñayiu ni kaji maa ia Dios vi ni kana ña ya vi ka skunkuu guaꞌi ―kachi ia jinokuechi nuu Dios.

El Apocalipsis 19:7

Te na vi kokuu sii inio, te vi ja ka osii inio, te na vi chiñuꞌo ya, chi ja ni jino kiuu ja tnandaꞌa Lelu maa ia Dios, chi ja ka otuaꞌa ñayiu maa Dios ja vi kokui na kuinio suchi ja vi tnandaꞌi jin ya.

El Apocalipsis 19:9

Te kachi ia jinokuechi nuu Dios: ―Tee tnoꞌo yaꞌa: “Na taꞌu na ndetu ñayiu ni kana ya ja vi koi nuu viko tnandaꞌa Lelu ia Dios”. Te kachi ka ya: ―Tnoꞌo yaꞌa kuu tnoꞌo ndaa ja ni kaꞌan maa ia Dios ―kachi ya.

El Apocalipsis 21:14

Te jaꞌa muro ja ndesi ñuu yun ka oo uxi uu kava naꞌnu ja ka yituu guaꞌa ña, te nuu in in kava yun ka yoso in in sivi ndi uxi uu tee ni chitniuu Jesús, ia kuu Lelu maa ia Dios.

El Apocalipsis 21:27

Su ma kuu saꞌun kiuu in jatneꞌe. Te ni ma kuu kiuu ñayiu saꞌa janeꞌe jayichi axi ja xndaꞌui inka ñayiu, chi maa ni ñayiu ka yoso sivi nuu liuru ja vi kotekui ja nevaꞌa Lelu maa ia Dios, guaa kuu ja kiukuei.

El Apocalipsis 21:9

Yun te ni kii in ia neꞌu ndi uja ia ka jinokuechi nuu Dios ja ka nee ya ndi uja vasu ja ka ñuꞌu chitu ndi uja tnundoꞌo sandiꞌi ni ka, te kachi ya nuu san: ―Neꞌe yaꞌa, te na xneꞌe rin suchi vi tnandaꞌa jin Lelu ia Dios ja kokuu ñasiꞌi ya ―kachi ya.

El Apocalipsis 5:6

Yun te ni jini san ja maꞌñu sagua mesa nuu tatnuni vi nuu ka oo ndi kuun ia ka teku, maꞌñu ia ka kuu nijaꞌnu yun, nukuiin in Lelu ia Dios ja vi naꞌa ka nuu ni tuji ja ni ka jaꞌni ña jin ti. Te oo uja ndiki vi uja nduchi nuu Lelu yun, ja kuu ndi uja espíritu ia Dios ja ni tetniuu ya nii ñuyiu.

El Apocalipsis 5:8

Te nuu ni tnii ti tutu yun, te ni ka jinkuiin jiti ndi kuun ia ka teku jin ndi oko kuun ia ka kuu nijaꞌnu nuu Lelu yun. Te ndiꞌi ka nee arpa, vi ka nee koꞌo ja ka kuu oro, ja ka ñuꞌu chitu suja vixin, te suja yun kuu taka tnoꞌo ja ka ndakuatu ñayiu maa ia Dios.

El Apocalipsis 6:1

Yun te ni jini san ja ni jaꞌnde Lelu ia Dios in seyu yun, te ni jini san in ia neꞌu ndi kuun ia ka teku ja kaꞌan ya na kuinio nuu kana tajan, te kachi ya: ―Neꞌe, te kondiaꞌa ron.

El Apocalipsis 6:16

Te ka jiñaꞌi nuu yuku vi nuu kava: ―Junkuei siki rin, te tayuꞌu ña ron nuu ia nukoo nuu mesa nuu tatnuni, vi nuu Lelu ia Dios ja kiti ini ya siki rin.

El Apocalipsis 7:14

Te jiñaꞌa san: ―Maa ni kuu ja jini, vi Jitoꞌo san ―jiñaꞌa san. Te kachi ya: ―Ñayiu yaꞌa ka kuu ñayiu ni ka yaꞌa nuu kuaꞌa ndevaꞌa tnundoꞌo. Te ni ka ndakatei saꞌun ka niꞌnui jin niñi Lelu, te ni nduyaa vivii.

El Apocalipsis 7:17

Chi koto ña maa Lelu Dios, ia oo maꞌñu nuu oo mesa nuu tatnuni Dios, nagua jito in ñayiu ndikachi. Te kondeka ña maa ya jin ja kiꞌinkuei nuu kee ndute teku. Te ndasichi maa ia Dios ndiꞌi ndute nui ―kachi ia kuu nijaꞌnu yun.