San Juan 1:21 - El Nuevo Testamento y unos libros del Antiguo Testamento

²¹ Te ni ka jikan tnoꞌo ña tee yun: ―¿Nuu saa te na in kuu ni? ¿A ndi Elías kuu ni? Te jiñaꞌa de: ―Masu kuu san. ―¿A tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de. ―Masu kuu san ―jiñaꞌa de.

San Juan 1:21 Iomraidhean Croise

Malaquías 4:5

’Vi kondiaꞌa ja tetniuu rin Elías, tee ndakani tnoꞌo rin, ama ka ja kenta kiuu maa Jitoꞌo, ja kokuu in kiuu kaꞌnu ndevaꞌa vi ioo ndevaꞌa kokuu.

San Mateo 11:14

Te nuu ja ka kuini ni vi kuantaꞌu ni ndiꞌi yaꞌa, te suu Juan kuu Elías ja kii.

San Mateo 16:14

Te ka jiñaꞌa de: ͏―͏Sava ñayiu ka kaꞌan ja Juan, tee ni oskuandute kuu ni, te savai, chi Elías, te sava kai ka kaꞌan ja Jeremías axi ndee inka tee ni ondakani tnoꞌo ia Dios ndee janaꞌa kuu ni ͏―͏ka kaꞌan de.

San Mateo 21:11

Te ka jiñaꞌa sava ñayiu: ͏―͏Tee yaꞌa kuu Jesús, tee ndakani tnoꞌo maa ia Dios, tee ñuu Nazaret ja tnii Galilea ͏―͏ka jiñaꞌi.

San Lucas 1:17

Te koxnoꞌi ja kunei ichi kiꞌin ia Jitoꞌo, chi konevaꞌi Espíritu vi jakaꞌnu ni onevaꞌa Elías, tee ni ndakani tnoꞌo ia Dios ndee janaꞌa, nagua saꞌi ja vi koo jamani yua jin seꞌe, te vi kuantnoꞌo ñayiu inu soꞌo, nagua saꞌa tuaꞌi taka ñayiu ja vi kotuaꞌi kiuu na kenta ia Jitoꞌo ―suaꞌa ni kaꞌan ia jinokuechi yun.

San Juan 1:22

Te ka jiñaꞌa tee yun: ―¿Te na in kuu ni? Kaxtnoꞌo ni nagua ja kuu vi ndakani tnoꞌo san nuu tee ni ka tetniuu ña. ¿Te naxa kaꞌan ni siki maa ni? ―ka jiñaꞌa de.

San Juan 1:25

ni ka jikan tnoꞌo ña de, te ka jiñaꞌa de: ―Nuu saa, te ¿nau ja skuandute ni ñayiu, te nuu masu Kristu, ni masu ndi Elías, ni masu tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de.

San Juan 6:14

Te nuu ni ka jini ñayiu yun tniuu kaꞌnu ni saꞌa Jesús, te ka kachi: ―Tee yaꞌa kuu ndija ndaa kuiti tee ndakani tnoꞌo ia Dios ja kii nuu ñuyiu ―ka kachi.

San Juan 7:40

Yun te nuu ni ka onini sava ñayiu kuaꞌa yun tnoꞌo yaꞌa, te ka kachi: ―Jandaa ndija ja tee ndakani tnoꞌo ia Dios kuu tee yaꞌa ―ka kachi.