San Juan 1:14 - El Nuevo Testamento y unos libros del Antiguo Testamento

¹⁴ Te tnoꞌo yun ni kuu teyii, te ni oo ya neꞌu yoon, te ni ka jini san ja yeꞌe tajan ya, chi nuu maa Tata Jaꞌnuo vaji ja yeꞌe tajan ya, chi invaa maa ya kuu Seꞌe ia Dios. Te nuu maa Seꞌe ya oo tnoꞌo ndaa vi kaꞌan ndaꞌu kaꞌan kee ña ya, chi saa oo maa ya.

San Juan 1:14 Iomraidhean Croise

Salmos 2:7

Te jiñaꞌa rey yun: “Na kaxtnoꞌo san tnoꞌo ni kaꞌan ia Dios nuu ni kaꞌan ya suaꞌa: Seꞌe maa rin kuu ron, te maa rin ni saꞌa kaꞌnu ña jin ron vitna.

Salmos 45:2

Maa ni kuu in tee luu ka naꞌa neꞌu seyii ñayiu, te kaꞌan ni tnoꞌo vii ndevaꞌa, te yun guaa siun ni saꞌa vii saꞌa vaꞌa ña ia Dios.

Salmos 85:9

Chi jandaa ja yatni ñuꞌu oo ia Dios ja skaku niꞌnu ya ñayiu ka yuꞌu niꞌnu ña jin ya, nagua ja koo ja yeꞌe tajan ya nuu ñuo.

Isaías 40:5

Yun te xneꞌe Jitoꞌo ja yeꞌe tajan ya, te in ni vi kuni ndiꞌi ñayiu, chi saa kaꞌan maa Jitoꞌo.

Isaías 53:2

Te ni jaꞌnu tee jinokuechi yun nuu maa ia Dios, na kuinio in yutnu yute ja ni nana ndee tnu, te ni kee yoꞌo tnu nuu ñuꞌu yichi. Te tu naꞌa vii de, ni tu luu kaa de ja kondiaꞌo de, ni tu naꞌa guaꞌa de ja kondioo inio de.

San Mateo 1:16

Te Jacob ni okuu yua José yii María. Ñaꞌa yun ni okuu nana Jesús, ia nani Kristu.

San Lucas 2:11

chi ni kaku in lulu ñuu David, in suchi skaku niꞌnu ñayiu, te sui kuu Kristu, ia ni tetniuu Dios ja kui Jitoꞌo.

San Lucas 2:7

Te tu ni niꞌi nuu de veꞌe nuu vi koo de jin, guaa in nuu ka nuꞌni kiti yun, ni kaku lului. Te yun ni kaku seꞌe xnañuꞌi, te ni tniusuku ñai jin in saꞌun, te ni jakintuu ñai nuu in tnundoo ja kee ja ka jaa kiti.

San Lucas 9:32

Te vi kusun ndevaꞌa Pedro jin uu ka tee yun ka kaꞌan de, su ni ka jandee ini de ni ka ondito de, te ni ka jini de ja ka yeꞌe ka tajan Jesús ka nukuiin ya jin uu ka tee yun.

San Juan 1:1

Ndee jaxtnañuꞌu ja ni junkoo ñuyiu ja oo in tnoꞌo, te tnoꞌo yaꞌa oo jin ia Dios, te maa ia Dios kuu tnoꞌo yaꞌa.

San Juan 11:40

Te jiñaꞌa Jesús: ―Ja ni kaꞌan san nuu ni ja nuu ja kandija ni, te kuni ni jakaꞌnu ia Dios ―jiñaꞌa ya.

San Juan 14:6

Te jiñaꞌa Jesús: ―Maa san kuu ichi guaꞌa vi tnoꞌo ndaa, vi maa san jiñaꞌa ja ka teku ñayiu. Te ni in ñayiu ma kuu kenta nuu Tata Dios nuu ja masu jin maꞌñu sagua maa san.

San Juan 14:9

Te jiñaꞌa Jesús: ―Felipe, ja ni kunaꞌa ka oo, ¿te a vi tu jini ña ni jin san? Chi na in jini ña jin san, te jini Tata san. ¿Te nau ja kaꞌan ni: “Xneꞌe ni Tata ni”?

San Juan 17:22

Ni saꞌa kaꞌnu san jin, nagua ni saꞌa kaꞌnu ña maa ni jin san, nagua ja invaa ni ñayiu na vi kokui, nagua invaa ni ia ka kuu mao.

San Juan 17:24

’Kuini san, vi Tata, ja ndenu koo san, te suni yun na vi koo ñayiu ja ni taa ni nuu san, nagua ja na vi kuni naxa kuu kaꞌnu san ni saꞌa maa ni. Chi ja kutoo ña ni guaa ndee nuu chiaꞌan ka ja junkoo ñuyiu vi guaa ndee vitna.

San Juan 18:37

Yun te ni jikan tnoꞌo ña Pilato jin ya: ―Nuu saa te ¿a rey kuu ron? ―jiñaꞌa de. Te jiñaꞌa Jesús: ―Saa kaꞌan maa ni ja rey kuu san. Te yun guaa ni kaku san, te vaji san nuu ñuyiu yaꞌa nagua ja ndakani san tnoꞌo ndaa. Te ndiꞌi ñayiu ka oo jin tnoꞌo ndaa ka nini tnoꞌo kaꞌan san ―jiñaꞌa ya.

San Juan 2:11

Te tniuu kaꞌnu yaꞌa ni saꞌa Jesús jaxtnañuꞌu ñuu Caná ja tnii Galilea. Te saa ni kuu ja ni xneꞌe ya jakaꞌnu ya, te ni ka kandija ña tee ka skuaꞌa jin ya.

San Juan 3:16

’Chi ni kutoo ndevaꞌa ña ia Dios jin ñayiu ñuyiu, yun guaa ni jiñaꞌa ya invaa Seꞌe ya, nagua ja ndiꞌi ñayiu ka kandija ña jin ya ma vi junai, chi vi niꞌi ja vi kotekui nikuii nikani.

San Juan 3:18

’Chi na ñayiu kandija ña jin ya, te ma tavi kuechi. Su na ñayiu tu kandija ya, te ja ni tavi kuechi, chi tu ni kandijai Kristu, ia kuu invaa Seꞌe Dios.

San Juan 6:51

Maa san kuu xtaa taa ja teku ja makuun ndee andivi, te na ñayiu kaa xtaa yaꞌa, te kotekui nikuii nikani. Te xtaa ja kuñaꞌa san kuu yiki kuñu san, te kuñaꞌa san nagua ja vi koteku ñayiu ñuyiu ―jiñaꞌa ya.

San Juan 8:32

Te vi kuni ni tnoꞌo ndaa, te tnoꞌo ndaa yun siaa ña ja ma vi kunukuechi ka ni ―jiñaꞌa ya.

Hechos 13:33

Te tnoꞌo yaꞌa ja ni skunkuu ia Dios nuu yoon ja ka kuo tatatnoꞌo de. Te yun ni saꞌa ya nuu ni ndaxteku ya Jesús, nagua yoso nuu Salmo kuu uu nuu kaꞌan: Seꞌe maa rin kuu ron, te maa rin ni saꞌa kaꞌnu ña jin ron vitna, kaꞌan suaꞌa.

Romanos 8:3

Chi ni saꞌa ia Dios nagua tu ni kuu saꞌa Ley Moisés, chi vita kuu Ley, te ndakui ka yiki kuñu. Yun guaa ni tetniuu ia Dios Seꞌe ya ja ni kii ya ja vi oo vi kaa ya na kuinio in tee ja oo yika kuechi. Te ni soko ya maa ya ja jaꞌa yika kuechi yun, saa te ni xtau tniaꞌa ia Dios yika kuechi ka saꞌo.

Romanos 9:5

Te suni tatatnoꞌo ndi nijaꞌnu san ka kui, te nuu tatatnoꞌo san yun ni kii Kristu ja ni kuu ya in ñayiu. Te maa ya kuu Dios ja tatnuni ya siki ndiꞌi. Te kaꞌnu kuu ya nikuii nikani. Saa na kokuu.

1 Corintios 15:47

Te tee xtnañuꞌu ja ni oo ñuyiu, chi jin ñuyaka ñuꞌu ni saꞌa ña ia Dios. Te tee kuu uu ja kuu maa Jitoꞌo, chi ndee andivi oo ya.

2 Corintios 12:9

Su kachi Jitoꞌo nuu san: “Saa ni kuu, chi chindee chituu ña rin jin ron, te nuu ñayiu vita xneꞌe guaꞌa ka rin jakaꞌnu rin”, kachi ya. Yun guaa kuu teyii san ja vita san nagua ja jin sein xneꞌe Jesukristu jakaꞌnu ya.

Gálatas 4:4

Su nuu ni kenta ja ni skunkuu tiempu ja ni jani maa ia Dios, te ni tetniuu ya Seꞌe ya ja ni skaku ña in ñasiꞌi judio, te ni kaku ya ja kunukuechi ya nuu Ley Moisés,

Efesios 3:8

Te maa san ja in tee nuu ka kuu san nuu in tee lule saꞌun nuu ndiꞌi ñayiu ñuu maa ia Dios, su ni taa ya in tniuu guaꞌa ndevaꞌa ja ndakani san tnoꞌo vaꞌa Jesús nuu ñayiu sava ka tatatnoꞌo, tnoꞌo ja ma kentakueio vi kunio na kuaꞌa kuika ja kuu tnoꞌo maa Jesukristu.

Colosenses 1:19

Chi saa ni junkuaan ini Tata Dios ja ndiꞌi naxa oo ya ja kuu ya Dios, te saa oo Seꞌe ya.

Colosenses 2:3

Chi nuu maa ya oo ndiꞌi kuiti tnoꞌo vaꞌa vi tnoꞌo ndichi vi ja jinkuiꞌnu ini.

Colosenses 2:9

Chi ndiꞌi nagua oo ia Dios, te saa oo Jesukristu nuu ni oo ya ñuyiu yaꞌa.

1 Timoteo 3:16

Ja ndaa ja kaꞌnu kuu tnoꞌo ni oyuꞌu ndee janaꞌa ja ka kandijao: Ni xneꞌe Dios maa ya nuu ni kuu ya teyii, Te Espíritu ia Dios kaxtnoꞌo ja oo guaꞌa ndiꞌi tniuu ni saꞌa ya. Te ni ka jini ia ka jinokuechi nuu Dios ja saa ni kuu. Te ni jitenuu tnoꞌo ya nuu ñayiu ñuyiu. Te ni ka kandija sava ñayiu nii ñuyiu tnoꞌo ya. Te mandaa ya kuanoꞌo ya andivi.

Hebreos 1:3

Te xneꞌe Seꞌe ya naxa yeꞌe tajan maa Dios, te vi ni ndaku ña ya naxa oo maa ia Dios, te maa ya jito ndiꞌi jin tnoꞌo kaꞌnu ja kaꞌan ya. Te nuu ni ndasavii ya yika kuechio, te mandaa ya ndee andivi ja ni jinkoo ya ichi ndaꞌa kuaꞌa maa ia Dios.

Hebreos 1:5

Chi tu saꞌun na ama ni kaꞌan ia Dios nuu ni in ia ka jinokuechi nuu ya nagua yoso nuu tutu kaꞌan suaꞌa: Seꞌe maa rin kuu ron, te maa rin ni saꞌa kaꞌnu ña jin ron vitna, ja kuu rin tata ron. Te suni tu ni kaꞌan ya nuu ni in ia ka jinokuechi nuu ya nagua yoso inka tnoꞌo nuu tutu ii nuu kaꞌan suaꞌa: Maa rin kuu tata ron, te maa ron kokuu seꞌe rin.

Hebreos 10:5

Yun guaa nuu ni kii Kristu ñuyiu yaꞌa, te jiñaꞌa ya nuu ia Dios: Tu kuini ni ja ka soko ñayiu kiti jin ja ka sokoi ndatniuu, su ni taa ni yiki kuñu san ja soko san nuu ni.

Hebreos 2:11

Chi maa Jesús ni ndasavii ña jin yoon, te maa ya, chi ia vii kuu ya, te invaa ni Dios kuu yua ndiꞌo. Te yun guaa tu kukanoo Jesús, ia kuu Seꞌe Dios, ja xnani ña ya jion ñani.

Hebreos 5:5

Te suni saa ni kuu jin Kristu, chi masu maa ya ni saꞌa kaꞌnu ya maa ya ja kokuu ya sutu kuu nijaꞌnu, chi suaꞌa maa ia Dios ni jiñaꞌa tniuu kaꞌnu yun, chi ni kaꞌan ya nuu tnoꞌo ya: Seꞌe maa rin kuu ron, te maa rin ni saꞌa kaꞌnu ña jin ron vitna, ja kuu rin tata ron.

1 Juan 4:14

Te maa san, chi ni ka jini san jin nuu san, te ka ndakani san ja ni tetniuu tata Dios Seꞌe ya ja skaku niꞌnu ya ñayiu ñuyiu.

1 Juan 4:9

Chi yaꞌa kuu nuu ni xneꞌe ia Dios ja kutoo ña ya jion, chi ni tetniuu ya invaa Seꞌe ya ja ni kii nuu ñuyiu yaꞌa, nagua ja jin maꞌñu sagua Seꞌe ya, te vi kotekuo nikuii nikani.

2 Juan 1:7

Chi kuakuaꞌa ñayiu ka xndaꞌu ña ni kekuei nuu ñuyiu yaꞌa, te tu ka ndakuni ja Jesukristu ni okuu ndija ya teyii. Te ñayiu ka saꞌa siaꞌa ka kuu ñayiu ka xndaꞌu ña vi ka ndakoi siki Jesukristu.

El Apocalipsis 19:13

Te niꞌnu ya in saꞌun ni indajin nuu niñi, te sivi ya kuu: Tnoꞌo maa ia Dios.

El Apocalipsis 21:3

Te ni jini san in tnoꞌo ja kana jaa ndee nuu mesa nuu tatnuni, te kachi: ―Vi kondiaꞌa chi vitna, te oo ndiaꞌa ia Dios neꞌu ñayiu. Koo ya jin ñayiu, te mai vi kokuu ñayiu ñuu ya, te koo maa ya jin, nagua ja kokuu ya ia Dios mai.