Jonás 4:2 - El Nuevo Testamento y unos libros del Antiguo Testamento

² Yun te ni ndakuatu de nuu ia Dios, te jiñaꞌa de: ―Vitna, vi Jitoꞌo san, ¿a masu yun kuu ja ni okaꞌan san nuu ni oo ka san ñuu san Israel? Te yun guaa ni nduku ndee san ja ni jino yuꞌu san nuu ja kuaꞌan san ñuu Tarsis, chi jini guaꞌa san ja ia Dios kaꞌnu ndevaꞌa ini kuu ni, chi luu ndevaꞌa ini ni, te kuekuee kiti ini ni, vi kundaꞌu ini ni ñayiu ja kaꞌan ni ja xnaa ni jin, te ndatnaꞌu ini ni.

Jonás 4:2 Iomraidhean Croise

Salmos 103:8

Ndaꞌu ndevaꞌa ini Jitoꞌo Dios vi kaꞌnu ini ya. Te kuekuee kiti ini ya, vi kutoo ndevaꞌa ña ya jion.

Salmos 145:8

Kaꞌnu ndevaꞌa ini Jitoꞌo Dios vi ndaꞌu ini ya. Kuekuee kiti ini ya, vi kutoo ndevaꞌa ña ya jion.

Salmos 78:38

Su visi ni saa, te ni okundaꞌu ini ña ia Dios jin ñayiu yun, te ni ojakaꞌnu ini ya jakueꞌe ni ka osaꞌi, te tu ni xnaa ña ya jin, te kuaꞌa jichi ni jaꞌnu niꞌnu ya ja kiti ini ya, te tu ni tetniuu ya tnundoꞌo siki ñayiu yun.

Salmos 86:15

Su maa ni, vi Jitoꞌo, chi kuu ni ia Dios ndaꞌu ini vi kaꞌnu ndevaꞌa ini ni, te kuekuee kiti ini ni vi kutoo ni ñayiu, te saꞌa ndaa ni.

Salmos 86:5

Chi ia guaꞌa kuu ni, vi Jitoꞌo san, te jakaꞌnu ini ni yika kuechi ñayiu, te kundaꞌu ndevaꞌa ini ni jin ndiꞌi ñayiu ka ndakakuneꞌe ña jin ni.

Salmos 90:13

¿Nasaa ka kiuu te saa ndajiokuiin ni nuu ka oo san, vi Jitoꞌo san? Kundaꞌu ini ña ni jin san ja ka jinokuechi san nuu ni.

Jonás 1:3

Su tu ni jantnoꞌo Jonás nuu ia Dios, chi saa suaꞌa ni jino yuꞌu de kuaꞌan de ñuu jika nani Tarsis ja kuu jika de nuu Jitoꞌo de kaꞌan de. Yun te kuaꞌan de ja ni jino de in ñuu kaa yuꞌu ndute mar nani Jope. Te yun vija nukuiin in barco ja kee kiꞌin ñuu Tarsis, guaa ni tniuyaꞌu de, te ni kee de nuu barco yun ja kuaꞌan de.

Jonás 3:10

Yun te ni jini ia Dios ja ka saꞌa ñayiu Nínive, ja ni ka samai mai, te tu ka saꞌa kai janeꞌe jayichi. Te ni ndatnaꞌnu ini ya, te tu ni xnaa ña ya, nagua ni tatnuni ya ja kaꞌan Jonás.

Jonás 3:9

Kondioꞌni axi saa kikii sama ini ia Dios, te ndatnaꞌu ini ya ja ma kiti ini ka ya ja xnaa ña ya jion”, ka jiñaꞌa de.

San Lucas 10:29

Te vi ja kuini de ja kendoo vaꞌa de nuu ya, te ni jikan tnoꞌo tuku ña de: ―Te ¿na in kuu in ñani in tnaꞌa san? ―jiñaꞌa de.