Jonás 4:11 - El Nuevo Testamento y unos libros del Antiguo Testamento

¹¹ Te ndee ka ruꞌun ja ma tnaꞌu ini rin jin ñuu Nínive, te in ñuu kaꞌnu kuu ja xnaa rin, te viꞌi ka ciento oko mil lulu kueli ka oo, te lulu yun, chi tu na kuechi. Te suni saa ni ka oo kuaꞌa ndevaꞌa kiti ―jiñaꞌa ia Dios suaꞌa nuu Jonás.

Jonás 4:11 Iomraidhean Croise

Génesis 9:10

vi jin ndiꞌi kiti ka teku ja ka oo jin ron vitna, na kuinio kiti ndagua vi kiti oo kuun ndaꞌa vi ndiꞌi kiti yuku vi ndiꞌi kiti ni ndekuei jin ron nuu arca jian ja kuu ndiꞌi kiti oo ñuyiu.

Salmos 104:14

Te saꞌa ni ja ka jite yuku kuii ja ka jaa kiti tata, vi ka jite ja ka jitu ñayiu, nagua ja vi niꞌi ja vi kai nuu ñundeꞌi.

Salmos 36:6

Te tniuu ndaa ja saꞌa ni kuu na kuinio yuku sukun, te tnundoꞌo ja tetniuu ni nuu sandaa ni kuechi kuu na kuinio in mar ja kaꞌnu vi kunu. Te maa ni, vi Jitoꞌo, guaa jito jini ni ñayiu vi kiti.

Jonás 1:2

―Kuaꞌan kaꞌan ron nuu ñayiu ñuu kaꞌnu Nínive ja na vi konaꞌi ja ja oo yatni kiuu ja xnaa rin ñui, chi ja ni kenta kuakuaꞌa jakueꞌe ka saꞌi ja ni jini rin ―jiñaꞌa ya suaꞌa.

Jonás 3:10

Yun te ni jini ia Dios ja ka saꞌa ñayiu Nínive, ja ni ka samai mai, te tu ka saꞌa kai janeꞌe jayichi. Te ni ndatnaꞌnu ini ya, te tu ni xnaa ña ya, nagua ni tatnuni ya ja kaꞌan Jonás.

Jonás 4:10

Yun te jiñaꞌa ia Dios: ―Konaꞌa ja masu roon ni xtee yutnu jian, te ni masu suu roon ni saꞌa ja kuaꞌnu tnu. Chi vija in jakuaa, te ni jite sanaa maa tnu, te suni vi in jakuaa ni te ni naa tnu. Te vini saa, te tnaꞌu ini ron jin tnu.

San Mateo 18:33

¿A ma kuu kundaꞌu ini ron tee ka jinokuechi jin ron, nagua ni kundaꞌu ini rin jin maa ron?”, jiñaꞌa de.