Jonás 3:8 - El Nuevo Testamento y unos libros del Antiguo Testamento

⁸ Te ndiꞌi ni jin ndee kiti ni vi kekuiꞌnu ni saꞌun ndayi, te vi ndakakuneꞌe ni ia Dios jin ndiꞌi ni jin anu ni. Te vi kujioo ni nuu ichi kueꞌe, te ma vi saꞌa ka ni janeꞌe jayichi ni ka osaꞌa ni.

Jonás 3:8 Iomraidhean Croise

Isaías 58:6

Ñaꞌa, chi ja ni kaji maa rin ja vi kondite ron kuu ja vi kujioo ron nuu jakueꞌe ka saꞌa ron, te vi saꞌa ndaa ron, chi na kuinio ja ka nuꞌni ron nuu jakueꞌe yun. Te vi siaa ron ñayiu ka saꞌa ndevaꞌa ron na kiꞌinkuei mai, te vi kujioo ron nuu ndiꞌi jakueꞌe ja ka ndiso ron.

Isaías 59:6

Te xtuaꞌa ja ka kikui yun, chi tu jiniuꞌu ja vi kuiꞌnu ñayiu, ni ma kuu vi kisaꞌui jin ja ka kikui yun. Te ja ka saꞌi, chi ninoꞌo ni jakueꞌe ka saꞌi, te ka saꞌa xeen ndevaꞌi jin ndaꞌi.

Daniel 4:27

Te yun kuu ja jikantaꞌu san nuu ni, vi tata rey, ja kuantaꞌu ni joo tnoꞌo xteku ña san: Saꞌa ndaa ni, te ma saꞌa ka ni yika kuechi. Ma saꞌa ka ni jakueꞌe, te kaꞌan ndaꞌu kaꞌan kee ni ñayiu ka kundaꞌu. Chi axi saa vatuni saa, te kokunuu ka ja koo vii koo vaꞌa ni, vi rey ―jiñaꞌi.

Jonás 1:14

Yun te ni ka ndakakuneꞌe de ia Dios, te ka jiñaꞌa de: ―Jitoꞌo, ma kuatu ndiaꞌa maa ni ja vi kuu san ja kuechi tee yaꞌa. Te nuu ja tu na kuechi de oo, te ma vi tavi kuechi san ja kuu de, chi ka jini san, vi Jitoꞌo, ja maa ni, chi saꞌa ni nagua kuini maa ni ―ka jiñaꞌa de.

Jonás 1:6

Te saa ni jini tee ndeka ñayiu ka satniuu nuu barco yun. Yun te ni jino de ja ni ndoneꞌe ña de, te jiñaꞌa de: ―¿Nagua saꞌa ni yaꞌa, vi seꞌe ja la ñuaꞌna? Ndakoo ni te ndakakuneꞌe ni chuꞌchi ni, a saa vatuni kundaꞌu ini ña ya, te skaku niꞌnu ña ya ja ma vi kuo ―jiñaꞌa de suaꞌa.

San Mateo 3:8

Vi saꞌa ndaa ni na kuinio in yutnu guaꞌa ja kuun javixin, te vi ndatnaꞌu ini ni, te kiukuei ni ichi ia Dios.

Hechos 26:20

Chi vi saa suaꞌa ñama ni jinkondee san ni ndakani san tnoꞌo ya, xtnañuꞌu ka nuu ñayiu Damasco, te saa ni jaꞌan san nuu ñayiu Jerusalén vi ni jikanuu san nii taka ñuu tnii Judea, vi suni nuu ñayiu sava ka tatatnoꞌo, ja na vi ndatnaꞌu ini yika kuechi, te na vi kiundui nuu ia Dios, te na vi saꞌi javaꞌa nagua ja na vi xneꞌi mai ja jandaa ja ni ka ndatnaꞌu ini.

Hechos 3:19

Te yun guaa vi ndatnaꞌu ini ni taka jakueꞌe ka saꞌa ni, te vi ndiokuiin ni ichi ia Dios, nagua ja na kindee ya yika kuechi ni, te saa nagua ja saꞌa ya ja vi kokusii ini ni.

El Apocalipsis 11:3

Te tetniuu rin uu testiu rin ja vi ndakani tnoꞌo rin nuu in mil uu ciento uni xiko kiuu. Te vi kuiꞌnu de saꞌun ndayi ja ka tnaꞌu ini de ―kachi ya.