Génesis 8:1 - El Nuevo Testamento y unos libros del Antiguo Testamento

¹ Yun te saa ni ndakaꞌan ña ia Dios jin Noé vi ndiꞌi kiti yuku vi kiti kuun ndaꞌa ja ka oo jin de ini arca yun, te ni saꞌa ya ja ni jinkiꞌi tachi ñuyiu, te ni nuu joo ndute.

Génesis 8:1 Iomraidhean Croise

Génesis 19:29

Saa ni kuu na ni xnaa ia Dios ñuu ni ka ndaa yoso kaꞌnu kaꞌnu yun ja ni ka onani Sodoma jin Gomorra nuu ni oo Lot. Su ni ndakaꞌan ña ia Dios jin Abraham, guaa ni keneꞌe ña ya jin Lot ñuu yun ja ni skaku niꞌnu ña ya nuu tnundoꞌo na ni ka kai ñuu yun.

Génesis 30:22

Yun te ni ndakaꞌan ña ia Dios jin Raquel, te ni onini ya ja ni jikantaꞌu ña, te ni jandetu ya ja kuu koo seꞌe ña.

Génesis 9:10

vi jin ndiꞌi kiti ka teku ja ka oo jin ron vitna, na kuinio kiti ndagua vi kiti oo kuun ndaꞌa vi ndiꞌi kiti yuku vi ndiꞌi kiti ni ndekuei jin ron nuu arca jian ja kuu ndiꞌi kiti oo ñuyiu.

Salmos 105:42

Chi ni ndakaꞌan ya tnoꞌo ii, ja ni kaꞌan ya nuu Abraham, tee ni ojinokuechi nuu ya.

Salmos 106:4

Ndakaꞌan ña ni jin san, vi Jitoꞌo, nuu kundaꞌu ini ni ñayiu ñuu ni, kuꞌun ini ña ni jin san kiuu kii ni ja skaku niꞌnu ni ñayiu,

Salmos 115:12

Chi ni ndakaꞌan ña Jitoꞌo jion, te saꞌa vii saꞌa vaꞌa ña ya, chi saꞌa vii saꞌa vaꞌa ya ñayiu Israel, vi saꞌa vii saꞌa vaꞌa ya ñayiu ka kuu tatatnoꞌo Aarón.

Salmos 132:1

Ndakaꞌan ni naxa ni ndoꞌo David, vi Jitoꞌo, vi ndiꞌi tnundoꞌo ni tnaꞌa de.

Salmos 136:23

Te maa ya kuu ia ndakaꞌan ña jion nuu ja ka kuita saꞌuon, chi nikuii nikani kundaꞌu ini ña ya jion.

Salmos 137:7

Ndakaꞌan ni, vi Jitoꞌo, jakueꞌe ni ka saꞌa ñayiu Edom, kiuu ja ni ka xnai ñuu Jerusalén, te ka kachi: “Vi xnaa ni ñuu Jerusalén. Vi xnaa ndiꞌi ni guaa ndee kaꞌa veꞌe.”

Salmos 29:10

Maa Jitoꞌo tatnuni ya nuu sau, te junkoo ya tatnuni ya ja kuu ya rey nikuii nikani.

Salmos 36:6

Te tniuu ndaa ja saꞌa ni kuu na kuinio yuku sukun, te tnundoꞌo ja tetniuu ni nuu sandaa ni kuechi kuu na kuinio in mar ja kaꞌnu vi kunu. Te maa ni, vi Jitoꞌo, guaa jito jini ni ñayiu vi kiti.

Éxodo 14:21

Yun te ni skata Moisés ndaꞌa de ichi siki ndute mar, te ni saꞌa Jitoꞌo ja ni jinkiꞌi in tachi niꞌi ja vaji ichi nuu kana nikandii niñu niñu jakuaa yun. Te ni teꞌnde sagua ndute yun ja ni nune in ichi ja kuu ñuꞌu yichi maꞌñu sagua de.

Éxodo 15:10

Su ni tiutachi ni ndute mar, te ni chisaꞌu ña de jin. Te ni ka saꞌu de na kuinio kaa vee ndevaꞌa nuu ndute ndakui ndevaꞌa yun.

Éxodo 2:24

Te ni onini ia Dios ja ndaꞌu ndevaꞌa ka saꞌi, te ndakaꞌan ya tratu ni saꞌa ya jin Abraham vi Isaac vi Jacob.

Proverbios 25:23

Tachi ja vaji ichi ndaꞌa kuaꞌo saꞌa ja kuun sau, te yaa ja kaꞌan kueꞌe siki ñayiu saꞌa ja nduxeen nuu ñayiu yun.

Isaías 44:27

Maa rin kuu ja tatnuni ja yichi ndee kaꞌa ndute mar, te tatnuni rin ja na vi yichi yute.

Jonás 4:11

Te ndee ka ruꞌun ja ma tnaꞌu ini rin jin ñuu Nínive, te in ñuu kaꞌnu kuu ja xnaa rin, te viꞌi ka ciento oko mil lulu kueli ka oo, te lulu yun, chi tu na kuechi. Te suni saa ni ka oo kuaꞌa ndevaꞌa kiti ―jiñaꞌa ia Dios suaꞌa nuu Jonás.

Zacarías 10:11

Te vi tnaꞌi kuakuaꞌa tnundoꞌo nuu vi ndayaꞌi nuu ndute mar, te tatnuni rin nuu ola ndute yun ja na jinkuiin, te yichi ndiꞌi ndute yute Nilo, te xnaa rin ndiꞌi tnoꞌo teyii ñayiu Asiria, te skiꞌin Egipto jandakui.

El Apocalipsis 16:19

Yun te ni teꞌnde maa ñuu kaꞌnu ja ni kuu siin uni kuaꞌa, te ni junkuei ndiꞌi ñuu ja ka oo ñuyiu. Saa te ni ndakaꞌan ia Dios maa ñuu kaꞌnu Babilonia, te ni tetniuu ya tnundoꞌo ndevaꞌa ja ni ka tnaꞌi, chi ni kiti ndevaꞌa ini ya siki yika kuechi ja ka saꞌi yun.

El Apocalipsis 18:5

Chi ja ni kaya ndevaꞌa yika kuechi ka saꞌi, te ja ni jinonta ndee andivi, te ja ni ndakaꞌan ia Dios ndiꞌi jakueꞌe ka saꞌi.