Génesis 6:3 - El Nuevo Testamento y unos libros del Antiguo Testamento

³ Yun te jiñaꞌa ia Dios: “Ma kuandetu ka rin ja siun ni koo espíritu rin ini anu ñayiu, chi masu nagua ka kuu saꞌuin, ninoꞌo ni kuñu ka kuu, te yun guaa in ciento oko ni ka kuia guaa vi kotekui”.

Génesis 6:3 Iomraidhean Croise

Génesis 6:2

Te ni ka jini seꞌe ia Dios ja luu ka ndaa sesiꞌi ñayiu, guaa ni ka ndioo ini ñai, te ni ka kaji suchi ka jintnaꞌa ini kai, te ni ka jaka tnaꞌa jin.

Salmos 78:39

Chi ni ndakaꞌan ya ja in ñayiu ñuyiu suaꞌa ni ka kui, na kuinio nuu junkiꞌi tachi, te yaꞌa kuaꞌan, te tu ndajiokuiin ka.

Salmos 90:10

Te kuia ja ka teku san kuu maa ni uni xiko uxi kuia, te ñayiu inu ndakui ka kentakuei kuun xiko kuia. Su visi kuaꞌa kuia ka teku san, su ndimaa ni ka satniuu ndee ndevaꞌa san, te kuaꞌa tnundoꞌo tnuneni ka tnaꞌa san, te kuia, chi ñama yaꞌa, te suni sein, chi ñama ka jiꞌi san.

Isaías 57:16

Chi masu vi siun ni koxtavi kuechi rin ñayiu ñuu rin, ni masu vi nikuii nikani kokiti ini rin, chi nuu tuu, te ndiꞌi ñayiu ni saꞌa rin vi kuita nuu rin.

Isaías 63:10

Su ni ka kusoꞌo ñayiu nuu ya, te ni ka saꞌi ja ni kusuchi ini ya, te yun kuu ja ni ka onee uꞌu tnaꞌi jin ya te ni ndakoo maa ya ja ni ka jaxin tnaꞌa ya jin.

San Juan 3:6

Chi na in kaku jin yiki kuñu, te ñayiu ñuyiu kui. Te na in kaku jin Espíritu ia Dios, te ñayiu jaa kui, chi oi jin Espíritu ya.

Hechos 7:51

’Su maa ni, chi vi saa inu ndee ini ni, na kuinio ñayiu tneꞌe ja tu ka jini ichi Dios ja vi konini, chi siun ni ka oo ni siki Espíritu ia Dios, nagua ni ka osaꞌa ndi yua ni, te vi saa ni kuaꞌankuei ni.

1 Tesalonicenses 5:19

Te ma vi junkani ni tniuu saꞌa maa Espíritu ia Dios.