Génesis 49:3 - El Nuevo Testamento y unos libros del Antiguo Testamento

³ Rubén, maa ron kuu seyii xtnañuꞌu rin, seꞌe ndakui ka rin ja kuu ron seꞌe xtnañuꞌu rin nuu ni ochitu chitu rin. Kaꞌnu ka kuu ron ja vi kiñuꞌu ñani ron nuu ron, vi kaꞌnu ka kuu ron ja kotatnuni ron.

Génesis 49:3 Iomraidhean Croise

Génesis 29:32

Yun te ni jinkuꞌun lulu Lea, te suchi yii kui nuu ni kakui, guaa ni xnani ña jin Rubén, chi ni kachi ña: ―Ni jini Jitoꞌo ja kusuchi inio, guaa ni kundaꞌu ini ña ya. Vitna te kokutoo ña yio, chi ni jinkoo seꞌo ―ni kaꞌan ña.

Génesis 35:22

Te nini ka oo Israel nuu ñuꞌu yun, te ni jaꞌan Rubén, te ni ka kixin jin Bilha inka ñasiꞌi tatai, te ni jini soꞌo de ja siun ni saꞌi. Te uxi uu seyii Israel ka oo.

Génesis 35:23

Te seyii Lea ka kuu Rubén, seyii xtnañuꞌu Jacob jin ña, vi Simeón vi Leví vi Judá vi Isacar vi Zabulón.

Génesis 46:8

Te yaꞌa ka kuu sivi seyii Israel ja ni jinokuei Egipto, maa de ja kuu Jacob, vi seyii de. Rubén ni okuu seyii xtnañuꞌu Jacob.

Génesis 48:18

Te jiñaꞌa José nuu tata de: ―Masu saa kuu, vi tata, chi suchi yaꞌa kuu seyii xtnañuꞌu san, guaa xini suchi yaꞌa sonee ni ndaꞌa kuaꞌa ni.

Salmos 105:36

Yun te ni jaꞌni ya ndiꞌi seyii xtnañuꞌu ñayiu Egipto, ndiꞌi seyii xtnañuꞌu ñayiu nuu ka ochitu chitui jin jandakui.

Salmos 78:51

Chi ni saꞌa ya ja ni ka jiꞌi ndiꞌi seyii xtnañuꞌu ñayiu Egipto, ja ka kui tatatnoꞌo Cam.

El Apocalipsis 3:14

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu maa Dios ja jito ñayiu ka skuaꞌa veñuꞌu oo ñuu Laodicea: Suaꞌa kaꞌan ia kaꞌan “saa na kokuu”, ia kuu testiu ndaa, ja kaꞌan ya tnoꞌo ndaa, ia xiin maꞌñu sagua ni saꞌa ia Dios ndiꞌi ja oo ñuyiu.