Génesis 3:10 - El Nuevo Testamento y unos libros del Antiguo Testamento

¹⁰ Te jiñaꞌa de: ―Ni jini soꞌo san ja kana ni jiondita ni neꞌu yutnu kuii yaꞌa, chia kaa vichi san, te yun guaa ni yuꞌu san, te ni tayuꞌu nuu san ―jiñaꞌa de.

Génesis 3:10 Iomraidhean Croise

Génesis 2:25

Te nduu Adán jin ñasiꞌi de ni ka oo vichi, su tu ni ka okuu kanoo de.

Génesis 3:11

Te jiñaꞌa Dios: ―¿Na in ni kaxtnoꞌo nuu ron ja oo vichi ron? ¿A masu ni jaa ron javixin yutnu ni tatnuni rin ja ma kuu kaa ron?

Génesis 3:7

Yun te vi nuu saa ni ka jini nduu de jakanoo ja siun ka ndaa vichi de. Te ni ka kiku de ndaꞌa tnu tichi iuu, te ni ka chisaꞌu de maa de jin ña.

Salmos 119:120

Te vi suaꞌa niꞌi yiki kuñu san ja yuꞌu ña san, te yuꞌu niꞌnu san tnoꞌo ja xtaku ni nuu san.

Éxodo 20:18

Te ndiꞌi ñayiu Israel ni ka jini ja vi yeꞌe te kuun tajan, vi ja ndaꞌi trompeta, vi kana ñuaꞌa yuku yun. Te nuu ni ka jini ñayiu ñuu ja siun kuu, te vi suaꞌa ka niꞌi ja ka yuꞌu ndevaꞌi, te jika ni ka oi ka ndiaꞌi.

Éxodo 20:19

Yun te ka jiñaꞌi nuu Moisés: ―Kaꞌan maa ni, te na vi konini san, su ma kaꞌan ia Dios nuu san, nagua ja ma vi kuu san ―ka jiñaꞌi.

Éxodo 3:6

Te jiñaꞌa ka ia Dios: ―Maa rin kuu Dios, ia chiñuꞌu tata ron, ia ni ka ochiñuꞌu ndi Abraham vi Isaac vi Jacob. Yun te ni chisaꞌu Moisés nuu de, chi ni yuꞌu de ja kondiaꞌa de ia Dios.

Isaías 47:3

Te na tuu ndijin ja ka ndaa vichi ron, te na vi kuni jakanoo ron, chi ndaxtenaa rin ñayiu, te ni in ñayiu ma kaku nuu ndaꞌa rin”, kachi ia Dios.

Isaías 57:11

¿Te na in ni siuꞌu ña jin ron ja ni yuꞌu ron, te ni xndaꞌu ña ron? Te tu ndakaꞌan ña ron jin rin, ni tu ni ndakani ini ron jin ruꞌun. ¿Te a chia tu kaꞌan saꞌun ni rin ndee ja ni kuu nanaꞌa? Yun kuu ja tu yuꞌu niꞌnu ña ron.

1 Juan 3:20

Su nuu ja anuo xtavi kuechi ña na in jakueꞌe ka saꞌo, te kaꞌnu ka kuu ia Dios saa anuo, te maa ya, chi jini ya ndiꞌi nagua ka saꞌo.

El Apocalipsis 16:15

Te ni kachi Jitoꞌo: ―Vi kuun ini guaꞌa, chi sanaa ni te ndenta rin na kuinio in kuiꞌna. Te na taꞌu na ndetu ñayiu tu kixin ini vi niꞌnui saꞌuin, nagua ja ma kokaka vichi ja tnaꞌi ja kanoo nuu ñayiu ―kachi ya.