Génesis 26:3 - El Nuevo Testamento y unos libros del Antiguo Testamento

³ Te ñuu yaꞌa kondaꞌu ni ron, su koto ña maa rin, te chindee chituu ña rin jin ron, chi nuu maa ron, vi nuu tatatnoꞌo ron guaa taa rin ndiꞌi ñuꞌu yaꞌa nagua ja skunkuu rin tnoꞌo ni kee yuꞌu rin nuu ndi tata yua ron Abraham.

Génesis 26:3 Iomraidhean Croise

Génesis 12:7

Te yun ni skuni ña Jitoꞌo jin Abram, te jiñaꞌa ya: ―Ñuꞌu yaꞌa kuu ja kuñaꞌa rin nuu tatatnoꞌo ron. Te yun ni saꞌa Abram in altar ja ni soko de nuu Jitoꞌo, chi ni skuni ña ya jin de.

Génesis 13:15

Te kuni ron, chi ndiꞌi ñuꞌu yaꞌa taa rin nuu ron vi nuu tatatnoꞌo ron ja vi kokuu ñuꞌi nikuii nikani ni.

Génesis 13:17

Vitna te ndakoo kuaꞌan kaka nuu ron nuu ñuꞌu yaꞌa, te kuni ron na kuaꞌa ja kani vi na kuaꞌa ja jite, chi ndiꞌi yaꞌa taa rin nuu ron ―jiñaꞌa ya.

Génesis 15:18

Te kiuu yun ni saꞌa Jitoꞌo in tratu jin Abram, te jiñaꞌa ya: ―Ñuꞌu yaꞌa guaa kuñaꞌa rin nuu tatatnoꞌo ron, ni kiꞌin guaa ndee yute ñuu Egipto, te ni jinkituu guaa ndee yute kaꞌnu ja nani Éufrates,

Génesis 17:19

Su jiñaꞌa ia Dios: ―Ñaꞌa, masu saa kokuu, chi maa ñasiꞌi ron Sara kuu ñaꞌa koo in seyii jin ron, te xnani ron jin Isaac, chi sui guaa vi ndasaꞌa jaa jin rin in tratu ja kokuu nikuii nikani ni jin mai vi jin tatatnoꞌi ja kikuei nuu kuee ka.

Génesis 17:8

Te taa rin nuu ron ndiꞌi ñuꞌu Canaán nuu oo ron vitna ja kuni mani ron tatatnoꞌo ron kiuu na kuu ron, te ñuꞌu yaꞌa guaa vi saꞌa jajin tatatnoꞌo ron nikuii nikani, te maa rin guaa kokuu ia Dios ñayiu yun.

Génesis 20:1

Yun te ni kee Abraham ñuu nuu ni oo de yun, te kuaꞌan de nuu tnii Neguev. Te ni jinkoo de maꞌñu ñuu Cades jin Shur, saa te ni jino tuku de ja ni ojika ndaꞌu de ñuu Gerar.

Génesis 25:11

Te yata nuu ni jiꞌi Abraham, te ni saꞌa vii saꞌa vaꞌa ña Dios jin seyii de Isaac ja ni oo de yatni nuu oo poso nani ia teku ja ndiaꞌa ña.

Génesis 26:12

Te kuia saa ni jitu Isaac ñuꞌu ñuu nuu ni oo de yun, te vii ndevaꞌa ni kuvaꞌa, chi maa ia Jitoꞌo ni chindee ni chituu ña jin de.

Génesis 26:14

Te ni jinkonevaꞌa kuaꞌa de ndikachi vi kuaꞌa isndiki vi kuaꞌa ñundeꞌi ni ojitu de, guaa ni ka jinkondee ñayiu filisteo ka kuu kuasun ini nuu de.

Génesis 26:24

Te ni skuni ña Jitoꞌo jin de jakuaa yun, te jiñaꞌa ya: Maa rin kuu Dios ndi tata ron Abraham. Te ma koyuꞌu ron, chi oo maa rin jin ron, te chindee chituu ña rin jin ron, te skaya kuakuaꞌa rin ndikin tata ron ja jaꞌa ndi Abraham, tee ni ojinokuechi nuu rin, jiñaꞌa ya.

Génesis 28:13

Te yun ni jini maa Jitoꞌo, ja oo ya ndee siki escalera yun, te jiñaꞌa ya: ―Maa rin kuu Jitoꞌo Dios tata jaꞌnu ron Abraham vi Dios tata ron Isaac. Te ñuꞌu nuu katuu ron vitna ñuꞌni guaa taa rin nuu maa ron vi nuu tatatnoꞌo ron.

Génesis 28:15

Te oo maa rin jin ron, te koto ña rin ndeni nuu ni kuu ja kiꞌin ron, te chindee chituu ña maa rin ja ndajiokuiin ron ñuu yaꞌa, chi ma xndendoo ña rin guaa ndee na skunkuu rin ndiꞌi tnoꞌo ni kaꞌan rin nuu ron ―jiñaꞌa ya.

Génesis 31:3

Yun te jiñaꞌa Jitoꞌo nuu Jacob: ―Ndajiokuiin kuanoꞌo ñuu ron nuu ka oo yua ron vi tnaꞌa kuikin ron, te koo maa rin jin ron ―jiñaꞌa ya.

Génesis 35:12

Te nuu maa ron taa rin ñuꞌu ja ni jiñaꞌa rin nuu Abraham vi nuu Isaac, te nuu na kuu ron te kuñaꞌa rin ñuꞌu ñuu yaꞌa nuu ndikin tata ron ―jiñaꞌa ya.

Génesis 39:2

Su oo Jitoꞌo jin José, te ni chindee ni chituu ña ya jin ja ni kee guaꞌi ni oi veꞌe lamui tee Egipto yun.

Génesis 39:21

Su Jitoꞌo, chi oo ya jin José, te ni kaꞌan ndaꞌu ni kaꞌan kee ña ya. Yun te ni saꞌa ya ja ni junkuaan ini tee tatnuni nuu tee ka yiꞌi vekaa yun ja saꞌa José.

Génesis 48:21

Te jiñaꞌa Israel nuu José: ―Vitna te ja ni jino kiuu ja kuu rin, su ia Dios chi koo ya jin ndiꞌi ron, te saꞌa ya ja vi ndajiokuiin ron nuu ñuꞌu ndi tata jaꞌnu ron.

Génesis 50:24

Te jiñaꞌa José nuu ñani de: ―Ja ni kuyatni ja kuu san, su ia Dios, chi vi jandaa ja kikoto ña ya, te saꞌa ya ja ndekuei ni ñuu yaꞌa, te vi ndanuu ni nuu ñuꞌu ni kee yuꞌu ya ja taa ya nuu ndi tata jaꞌnuo Abraham vi nuu ndi tata jaꞌnuo Isaac vi nuu ndi tatao Jacob.

Salmos 105:8

Chi siun ni naꞌa ya tratu ni saꞌa ya vi tnoꞌo ja ni tatnuni ya nuu kuakuaꞌa ñayiu ja vi koo nuu yaꞌa kuaꞌa ndevaꞌa ka kuia.

Salmos 105:9

Te suu kuu tratu ja ni saꞌa ya jin Abraham vi tnoꞌo ja ni kee yuꞌu ya nuu Isaac.

Salmos 32:8

Te kachi Jitoꞌo: “Kaxtnoꞌo maa rin nuu ron, vi xneꞌe rin na ichi kaka na ichi kuu ron, vi koxteku ña maa rin, vi kinuu guaꞌa ña rin jin ron.

Salmos 39:12

’Konini ni tnoꞌo ndakuatu san nuu ni, vi Jitoꞌo. Konini ni joo ja kana ndaꞌu san nuu ni, te ma kondiaꞌa ña ni suaꞌa ni ja ndaꞌi san jin tenuu san. Chi kuu san na kuinio in ñayiu inka ñuu, axi na kuinio in ñayiu jika ndaꞌu nuu ni, nagua ni ka ojika ndaꞌu ndi tata velu san nuu ñuyiu.

Éxodo 2:24

Te ni onini ia Dios ja ndaꞌu ndevaꞌa ka saꞌi, te ndakaꞌan ya tratu ni saꞌa ya jin Abraham vi Isaac vi Jacob.

Éxodo 3:12

Te jiñaꞌa ia Dios: ―Kuaꞌan chi koo maa rin jin ron, te yaꞌa kokuu in seña nuu ron ja maa rin ni tetniuu ña jin ron: Nuu ndeneꞌe ron ñayiu ñuu rin Egipto yun, te ndikuei ndiꞌi ron nuu yuku yaꞌa vi chiñuꞌu ña ron ―jiñaꞌa ya.

Éxodo 6:4

Te suni ni saꞌa rin in tratu jin de ja kuñaꞌa rin ñuꞌu ñuu Canaán, ñuꞌu nuu ni ka oo de na ni ka jikanuu ndaꞌu de.

Éxodo 6:7

Te ndakuaka ña rin jin ron, ja vi kokuu ron ñayiu ñuu rin, te kokuu maa rin Dios ron. Saa te vi kuni ron ja maa rin kuu Jeovaa Dios ron ja ni ndeneꞌe ña rin nuu tniuu ndee ndevaꞌa ja ni ka otenini ña tee Egipto ni ka osaꞌa ron.

Éxodo 6:8

Te nusiaꞌa ña rin nuu ñuꞌu ja ni kee yuꞌu rin ja kuñaꞌa rin nuu Abraham vi nuu Isaac vi nuu Jacob, te taa rin nuu maa ron ja vi saꞌa jajin ron. Chi maa rin kuu Jeovaa” ―jiñaꞌa ya.

Isaías 43:2

Nuu vi yaꞌa ron nuu ndute kunu ndevaꞌa, te koo maa rin jin ron, te nuu vi yaꞌa ron yute, te ma vi saꞌu ron nuu ndute yun, te nuu vi yaꞌa ron nuu ñuꞌu, te ma vi kai ron ni ma kakiꞌin ña yaa ñuꞌu yun jin ron.

Isaías 43:5

Te ma vi koyuꞌu ron, chi koo maa rin jin ron, te ndee ichi nuu kana nikandii vi ndee ichi nuu kee ya nukuaka rin ñayiu ka kuu tatatnoꞌo ron, te ndatatutu ña rin.

Filipenses 4:9

Vi saꞌa ni ndiꞌi nagua ni kaxtnoꞌo san, te ni ka jantaꞌu ni, vi nagua ni ka onini ni ja ni kaꞌan san, vi nagua ni ka ondiaꞌa ni ja ni saꞌa san, te vi koo ni jin maa Dios, ia taa jamani ya.

Hebreos 11:9

Chi ni kandija de, guaa ni ojika ndaꞌu ni de nuu ñuꞌu inka ñuu ja ni kee yuꞌu ia Dios ja kuñaꞌa ya nuu de. Te ni saꞌa de in veꞌe saꞌun ni oo de, te suni saa ni ka oo Isaac vi Jacob, ja suni inuu ni ni ka niꞌi de tnoꞌo ni kee yuꞌu ia Dios.

Hebreos 6:17

Te yun guaa nuu ni kuini ia Dios ja xneꞌe kaji ka ya tnoꞌo ni kaꞌan ya nuu ñayiu vi niꞌi taꞌu tnoꞌo ni kee yuꞌu ya, te vi oo ini oo anu ya ja skunkuu ya tnoꞌo ni kaꞌan ya yun, te ma ndasama saꞌun ya, yun guaa ni kee yuꞌu ya nuu maa ya.