Génesis 26:2 - El Nuevo Testamento y unos libros del Antiguo Testamento

² Te yun ni skuni ña Jitoꞌo, te jiñaꞌa ya: ―Masu ja kee ron kiꞌin ron ñuu Egipto, chi kendoo ñuu nuu kaxtnoꞌo maa rin.

Génesis 26:2 Iomraidhean Croise

Génesis 12:1

Yun te ni oo in kiuu ni kaꞌan Jitoꞌo nuu Abram, te jiñaꞌa ya: ―Xndoo ndiꞌi ñayiu veꞌe ron vi tnaꞌa kuikin ron vi ñuu ron, te kuaꞌan in ñuu nuu xneꞌe maa rin ja koo ron.

Génesis 12:7

Te yun ni skuni ña Jitoꞌo jin Abram, te jiñaꞌa ya: ―Ñuꞌu yaꞌa kuu ja kuñaꞌa rin nuu tatatnoꞌo ron. Te yun ni saꞌa Abram in altar ja ni soko de nuu Jitoꞌo, chi ni skuni ña ya jin de.

Génesis 17:1

Yun te nuu ni jino Abram kuun xiko xaꞌun kuun kuia, te ni skuni ña Jitoꞌo jin de, te jiñaꞌa ya: ―Maa rin kuu ia Dios kaꞌnu ja ndiꞌi ni ja kuu saꞌa rin, te kuini rin ja kokuu ron in teyii ndaa, te kandija ron nuu rin.

Génesis 17:19

Su jiñaꞌa ia Dios: ―Ñaꞌa, masu saa kokuu, chi maa ñasiꞌi ron Sara kuu ñaꞌa koo in seyii jin ron, te xnani ron jin Isaac, chi sui guaa vi ndasaꞌa jaa jin rin in tratu ja kokuu nikuii nikani ni jin mai vi jin tatatnoꞌi ja kikuei nuu kuee ka.

Génesis 18:1

Yun te ni kenta Jitoꞌo nuu oo Abraham nuu in chikoꞌi kaꞌnu ja kuu ñundeꞌi in tee nani Mamre nuu nukoo de kati yeꞌe veꞌe saꞌun ja ka oo de, mamaa ore ni kuu iꞌni iꞌni.

Génesis 26:24

Te ni skuni ña Jitoꞌo jin de jakuaa yun, te jiñaꞌa ya: Maa rin kuu Dios ndi tata ron Abraham. Te ma koyuꞌu ron, chi oo maa rin jin ron, te chindee chituu ña rin jin ron, te skaya kuakuaꞌa rin ndikin tata ron ja jaꞌa ndi Abraham, tee ni ojinokuechi nuu rin, jiñaꞌa ya.

Salmos 25:12

Ñayiu ja yuꞌu niꞌnu Jitoꞌo, chi kaxtnoꞌo maa ya ja kaji na ichi kakai.

Salmos 37:3

Kukanu ini ni Jitoꞌo, te saꞌa ni javaꞌa, saa te koo ni nuu ñuꞌu ja ni kee yuꞌu ia Dios, te kokaka ni nuu ichi ndaa.

Éxodo 2:24

Te ni onini ia Dios ja ndaꞌu ndevaꞌa ka saꞌi, te ndakaꞌan ya tratu ni saꞌa ya jin Abraham vi Isaac vi Jacob.