Génesis 26:12 - El Nuevo Testamento y unos libros del Antiguo Testamento

¹² Te kuia saa ni jitu Isaac ñuꞌu ñuu nuu ni oo de yun, te vii ndevaꞌa ni kuvaꞌa, chi maa ia Jitoꞌo ni chindee ni chituu ña jin de.

Génesis 26:12 Iomraidhean Croise

Génesis 24:1

Te Abraham, chi ja ni kuu nijaꞌnu saꞌun de, te ni chindee ni chituu ña Jitoꞌo jin de.

Génesis 24:35

Te Jitoꞌo, chi ni chindee ni chituu ya lamu san ja ni kuu kuika ndevaꞌa de. Ni jiñaꞌa ya ndikachi vi isndiki vi xuꞌun kuu oro vi xuꞌun kaa kuu plata vi kameyu vi mentu vi teyii vi ñasiꞌi ja ka jinokuechi nuu de.

Génesis 25:11

Te yata nuu ni jiꞌi Abraham, te ni saꞌa vii saꞌa vaꞌa ña Dios jin seyii de Isaac ja ni oo de yatni nuu oo poso nani ia teku ja ndiaꞌa ña.

Génesis 26:29

ja ma saꞌa ña ni in jakueꞌe nani ni ka saꞌa ña san in javaꞌa jin ni. Te ni in san ña ni keꞌe ña jin ni, te tnoꞌo sii ini ni ka ndatetniuu ña san ja vaji ni. Su vitna te ia Dios, guaa chindee chituu ña jin ni ―ka jiñaꞌa de.

Génesis 26:3

Te ñuu yaꞌa kondaꞌu ni ron, su koto ña maa rin, te chindee chituu ña rin jin ron, chi nuu maa ron, vi nuu tatatnoꞌo ron guaa taa rin ndiꞌi ñuꞌu yaꞌa nagua ja skunkuu rin tnoꞌo ni kee yuꞌu rin nuu ndi tata yua ron Abraham.

Génesis 30:30

Chi joo ni ti ni onevaꞌa ni nuu ni kee san, su Jitoꞌo ni chindee ni chituu ña jin ni, te ni kaya ndevaꞌa ti ja oo san. ¿Su na kiuu saa jinkondee san ja satniuu maa san ja niꞌi san ja kokuu san jin ñayiu veꞌe san? ―jiñaꞌa de.

Salmos 67:6

Te vii ndevaꞌa na kuvaꞌa nuu ñundeꞌi, chi maa ni, vi Dios, ja kuu ni ia Dios maa san, saꞌa ña ni javii javaꞌa.

Salmos 72:16

Te na koo kuaꞌa triu nuu ñuu de, te na kava kuaꞌa triu nuu yuku, te na vi kokanda yoko triu na kuinio yutnu ka oo Líbano, te na vi kaya kuaꞌa ñayiu vi koo ñuu de na kuinio yuku ja nana kuaꞌa nuu ñundeꞌi.

Proverbios 10:22

Javii javaꞌa ja taa Jitoꞌo kuu ja saꞌa kuika ña, te tu tetniuu ya jin tnoꞌo suchi ini.

Zacarías 8:12

“Chi saꞌa rin ja vi koo mani ndikin tata yun, te kokuun vii ndevaꞌa uvai, vi kokuvaꞌa vii ndevaꞌa nuu ñundeꞌi, te konuu yuyu ndee andivi, te saꞌa rin ja ndiꞌi yaꞌa vi saꞌa jajin ñayiu vi kendoo ñuu yaꞌa.

San Mateo 13:23

Su ndikin tata ni junkuei nuu ñuꞌu guaꞌa ñuꞌu kokin, kuu ñayiu nini tnoꞌo vaꞌa ia Dios, te jinkuiꞌnu ini. Te ñayiu yaꞌa kuu na kuinio in ndikin tata ja kee in ciento vi sava uni xiko vi sava oko uxi ja invaa ni ndikin tata yun ͏―͏jiñaꞌa ya.

San Mateo 13:8

Te sava ni junkuei nuu ñuꞌu guaꞌa ñuꞌu kokin nuu ni kee in ciento ja invaa ndikin tata vi sava uni xiko vi sava oko uxi.

San Marcos 4:8

Su sava ka ndikin tata yun, ni junkuei nuu ñuꞌu guaꞌa, ñuꞌu kokin. Ni jite te ni jaꞌnu, te ni kuvaꞌa vii ndevaꞌa. Sava ni kee oko uxi ja invaa ndikin tata, te sava uni xiko, vi sava in ciento ja invaa ni ndikin tata ―jiñaꞌa ya.

1 Corintios 3:6

Sein, chi na tnoꞌo ja ni skute san tnoꞌo ya ini anu ni, te Apolos na tnoꞌo ja ni joso de ndute nuu ni kaxtnoꞌo ka de tnoꞌo ya nuu ni. Su maa ia Dios skuaꞌnu ña ja ni ka jija niꞌnu ni nuu tnoꞌo ya.