Génesis 24:42 - El Nuevo Testamento y unos libros del Antiguo Testamento

⁴² Yun te nuu ni kenta san vitna nuu oo poso yun, te ni ndakuatu san nuu ia Dios, te jiñaꞌa san: “Tata Dios ja kuu ni Dios jitoꞌo san Abraham, chindee chituu ña ni nuu ichi jika san vitna,

Génesis 24:42 Iomraidhean Croise

Génesis 24:11

Yun te ni saꞌa de ja ni ka jinkuiin jiti kameyu yun yuñuu yun yatni nuu oo in poso ndute nuu ja mañini saꞌun. Te ore saa kuu ja jaꞌankuei suchi siꞌi ndoo ja ka jinkiꞌin ndute nuu poso yun.

Génesis 24:27

Te jiñaꞌa de: ―Na kutaꞌu ndevaꞌa san nuu ni, vi Jitoꞌo, ja tu ni kundee kuu kaꞌnu ini ni ja xndendoo ni lamu san, te ndeka ndaa kuiti ña ni, vi Dios, ichi vaji san ja ni kenta san veꞌe ñani lamu san ―jiñaꞌa de nuu ia Dios.

Génesis 24:31

Te jiñaꞌa Labán: ―Neꞌe ni na kiꞌon, chi tee ni saꞌa vii ni saꞌa vaꞌa ña Jitoꞌo kuu ni, te nuu ja ni kenta ni, ¿te nau ja oo ni yeꞌe? Te ja ni june san veꞌe nuu ndoo ni, suni ja ni june san nuu vi koo kameyu ni ―jiñaꞌa de.

Génesis 39:3

Te ni jini lamu yun ja oo Jitoꞌo jin José, te ndiꞌi tniuu ni osaꞌi ni okee guaꞌa, chi ni chindee ni chituu ña ya jin.

Salmos 37:5

Kuñaꞌa ni nuu Jitoꞌo ja maa ya na kondeka kunduu ña nuu ichi jika ni. Kukanu ini ni ya, te na chituu ña ya jin ni.

Salmos 90:17

Te na koo javii javaꞌa ni nuu in in san, vi Jitoꞌo san. Saꞌa ni ja na kee guaꞌa tniuu ka saꞌa san jin ndaꞌa san. Janjaan, saꞌa ni ja na kee guaꞌa tniuu ka saꞌa san jin ndaꞌa san.

Hechos 10:22

Yun te ka jiñaꞌa tee yun: ―Vajikuei san, chi ni tetniuu ña capitán Cornelio, in tee vaꞌa, tee yuꞌu niꞌnu ia Dios vi in tee ka kaꞌan vaꞌa vi ka kaꞌan too ña tnaꞌa ni judio kuu de. Te ni kaꞌan in ia jinokuechi nuu Dios jin de, te jiñaꞌa ya ja kana ña de jin ni ja kiꞌin ni veꞌe de ja konini de tnoꞌo kaꞌan ni.

Romanos 1:10

Te jikantaꞌu san nuu ia Dios ja nuu ja kuini maa ya, te na kune ya ichi ja kuu kejioo vaꞌa san jakoto ña san.