Génesis 20:3 - El Nuevo Testamento y unos libros del Antiguo Testamento

³ Su nuu jakuaa saa ni skuni ña ia Dios jin Abimelec nuu jani, te jiñaꞌa ya: ―Vitna kuu ja kuu ron ja jaꞌa ñasiꞌi ni jaka ron jian, chi ñaꞌa oo yii kuu ña ―jiñaꞌa ya.

Génesis 20:3 Iomraidhean Croise

Génesis 12:17

Su ja jaꞌa Sarai ñasiꞌi Abram guaa ni tetniuu Jitoꞌo in kueꞌe xeen ndevaꞌa ja ni ka okuꞌu Faraón jin ndiꞌi ñayiu veꞌe de.

Génesis 12:18

Yun te ni kana ña Faraón jin Abram, te jiñaꞌa de: ―¿Nau ja siaꞌa kaa ja ni saꞌa ña ron? ¿Na tu ni kaxtnoꞌo ndaa ron ja ñasiꞌi ron kuu ña?

Génesis 20:7

Su vitna te ndakuñaꞌa ñasiꞌi de, chi tee ndakani tnoꞌo maa rin kuu de, saa te ndakuatu de ja jaꞌa ron nagua ja koteku ron. Su nuu ja ma ndajioneꞌe ron ñasiꞌi de, te tu na tatna, chi kuu ron jin ndiꞌi ñayiu veꞌe ron vi ja nevaꞌa ron ―jiñaꞌa ya.

Génesis 28:12

Te yun ni jani ja ni jini in escalera nukuiin guaa ndee nuu ñuꞌu yaꞌa, te yituu xtuu tnu ndee ndika andivi. Te yun makakuei vi manukuei ia ka jinokuechi nuu maa Dios nuu escalera yun.

Génesis 31:24

Su nuu jakuaa saa ni skuni ña ia Dios jin Labán, tatatnoꞌo arameo, nuu jani, te jiñaꞌa ya: ―Koto maa ron masu ja koskiti ini tnaꞌa ron jin Jacob ―jiñaꞌa ya.

Génesis 37:5

Te ni ndakani José nuu ñani in jani ni jani, guaa vi viꞌi ka ni ka kaꞌan uꞌu ña de jin.

Génesis 37:9

Ni jani tukui inka jani, te ni ndakani nuu sava ka ñani, te jiñaꞌi: ―Ni jani san ja nikandii vi yoo vi uxi in kimi ni ka jinkindei nuu san ―jiñaꞌi.

Génesis 40:5

Te nduu tee savaꞌa ja jiꞌi Faraón vi tee saꞌa xtaa vixin maa Faraón Egipto yun ja ka oo jin ini vekaa yun, ni ka onevaꞌa de in jani in ni jakuaa yun, te siin siin kei in in jani yun.

Génesis 40:8

Te ka jiñaꞌa de: ―Ni ka onevaꞌa rin in in nuu jani, te tu na in jinkuiꞌnu ini naxa kei ―ka jiñaꞌa de. Yun te jiñaꞌa José: ―Maa Dios kuu ia jinkuiꞌnu ini naxa kei. Vitna te vi ndakani ni naxa ni ka jani ni nuu saa ―jiñaꞌi.

Génesis 46:2

Te ni kaꞌan Dios jin Israel nuu ni skuni ña ya jakuaa yun, te jiñaꞌa ya: ―Jacob, Jacob. Te jiñaꞌa de: ―Yaꞌa oo san.

Salmos 105:14

te tu ni jandetu ia Dios ja vi saꞌa ndevaꞌa ña ñayiu jin, te ja jaꞌi guaa ni kaꞌan xeen ya jin tee ka kuu rey.

Jonás 3:4

Yun te ni kiuu Jonás ini ñuu yun ja ni jika de in kiuu, te ni kana jaa de nuu ñayiu, te jiñaꞌa de: ―Vi konaꞌa ni ja nuu uu xiko kiuu, te xnaa ndiꞌi ia Dios ñuu ni ―jiñaꞌa de.

San Mateo 1:20

Yun ndakani ini de, te ni kixin de, te ni skuni ña in ia jinokuechi nuu maa Dios, te jiñaꞌa ya: ͏―͏José, ndikin tata ndee David, ma koyuꞌu ron ja tnandaꞌa ron jin María ja kokuu ñasiꞌi ron, chi lulu ña ja ñuꞌu jian, maa Espíritu ia Dios ni saꞌa.

San Mateo 27:19

Su nuu nukoo Pilato nuu mesa ja jaꞌnde de kuechi, te ni ndaniꞌi de in tnoꞌo ja ni tetniuu ñasiꞌi de nuu jiñaꞌa ña: ͏―͏Ma kiunduu ni ja xtavi kuechi ni tee ndaa jian, chi ioo ndevaꞌa ni jani san nuu jakuaa ja jaꞌa de ͏―͏jiñaꞌa ña.