Génesis 2:7 - El Nuevo Testamento y unos libros del Antiguo Testamento

⁷ Yun te ni kiꞌin Jitoꞌo Dios ñuyaka ñuꞌu, te ni saꞌa ya teyii. Ni tiutachi ya xtnii de, te ni niꞌi de ja ni kuu ndakuaan tachi de, te ni kuu de in teyii teku ñuyiu.

Génesis 2:7 Iomraidhean Croise

Génesis 1:27

Te ni saꞌa ia Dios teyii vi nagua kaa nagua oo maa ya, ni saꞌa ya teyii vi ñasiꞌi.

Génesis 2:6

Chi suaꞌa ni ni onana yoko nuu ñuꞌu, te ni ojinkoo yuyu ja ni ojoso nii nii nuu ñuꞌu.

Génesis 3:19

Te ndee tnaa ndee tatu ron, te saa koniꞌi ron ja vi kokaa ron guaa ndee nuu ndajiokuiin ron ja nduu ron ñuꞌu, chi ñuꞌu ni kuvaꞌa ron, te jin ñuyaka ñuꞌu kuu ron, te suni ñuyaka nduu ron ―jiñaꞌa Dios suaꞌa.

Génesis 3:23

Te ni keneꞌe ña Jitoꞌo nuu ka oo yutnu kuii Edén yun, te ni nusiaꞌa ña ya nuu oo ñuꞌu ja ni saꞌa ña ya ja na kokutu de.

Génesis 7:22

Ndiꞌi tuꞌu ja ni ka ojichi ni ka okanda ñuyiu yaꞌa ja ni ka ondakuantachi jin xtnii vi ndiꞌi ja ni ka oteku ñuyiu ni ka jiꞌi ndiꞌi.

Salmos 100:3

Vi ndakuni ni ja Jitoꞌo kuu maa ia Dios. Te maa ya ni saꞌa ña, masu yoon ni ka ndasaꞌo mao. Ñayiu ñuu maa ya ka kuo, te ka kuo na kuinio ndikachi ya ja ka jao ite kuii maa ya.

Salmos 103:14

Chi ja jini ya naxa ni ka kuvaꞌo, te ja naꞌa ya ja ñuyaka ni ka kuo.

Proverbios 20:27

Anu ñayiu kuu lámpara maa Jitoꞌo ja sieꞌe nii ini anu ñayiu, te jini ya naxa oo.

Isaías 64:8

Su visi ni saa, vi Jitoꞌo san, te maa ni kuu tata yua san, chi ka kuu san na kuinio ndeꞌi, te maa ni kuu ia ni saꞌa ña, chi jin ndaꞌa maa ni kuu ja ni saꞌa ña ni jin ndiꞌi san.

Zacarías 12:1

Yaꞌa kuu in tnoꞌo ni kaꞌan ia Dios ja jaꞌa ñayiu Israel. Jitoꞌo Dios kuu ia ni saꞌa andivi vi ni saꞌa ya ja ni jinkoo ñuyiu, vi ni jiñaꞌa ya ja jichi ja kanda ñayiu. Te kachi ya:

San Juan 20:22

Yun te ni tiutachi ya nuu ka oo de, te jiñaꞌa ya: ―Vi niꞌi ron Espíritu ia Dios.

Hechos 17:25

Ni tu jiniuꞌu ya ja na in saꞌa nagua koo nuu ya axi nagua jaꞌni ña jin ya. Chi suu maa ya kuu ia taa ja ka teku ndiꞌo vi ja ka ndakuantachio vi ndiꞌi ja ka nevaꞌo.

Romanos 9:20

Su maa ni, ¿na in kuu ni ja kondakan tnoꞌo ni nagua saꞌa ia Dios? ¿A kuu kaꞌan in kisi ñuꞌu nuu ñayiu ni saꞌa ña jin: “¿Nau ja saa siaꞌa ni saꞌa ña ni jin san?”

1 Corintios 15:45

Chi saa yoso nuu tutu ii: “Tee xtnañuꞌu ja ni saꞌa ia Dios ni okuu Adán ja ni okuu de ñayiu teku”, kachi tutu. Su Adán sandiꞌi ni ka kuu maa Jesukristu ja kuu ya espíritu ja taa ya ja ka tekuo.

1 Corintios 15:47

Te tee xtnañuꞌu ja ni oo ñuyiu, chi jin ñuyaka ñuꞌu ni saꞌa ña ia Dios. Te tee kuu uu ja kuu maa Jitoꞌo, chi ndee andivi oo ya.

2 Corintios 4:7

Su ka nevaꞌa san in jakuika ndevaꞌa ja ka tavaꞌa san nuu yiki kuñu san ja kuu na kuinio in kisi ñuꞌu, nagua ja xneꞌe ja nuu maa ia Dios vaji jakaꞌnu ndevaꞌa yaꞌa, te masu nuu maa san.

2 Corintios 5:1

Chi ka jinio ja yiki kuñuo ja oo nuu ñuyiu yaꞌa kuu na kuinio in veꞌe saꞌun ja teꞌnde, te naa. Su ndasavaꞌa ia Dios in yiki kuñu jao ja kuu na kuinio in veꞌe ja oo nikuii nikani andivi, in veꞌe ja tu ni saꞌa ñayiu jin ndaꞌi.

1 Timoteo 2:13

Chi xtnañuꞌu ka ni saꞌa Dios Adán, te nuu kuee ka ni saꞌa ya Eva.

Hebreos 12:9

Chi suni ni ka oo tatao nuu ñuyiu yaꞌa nuu ni ka okuelio, te ni ka ondakanu ndaa ña de jion nuu ichi, su ni ka onee yiñuꞌo nuu de. Nuu saa te guaꞌa ka kuu ja vi kuantnoꞌo guaꞌo nuu Tata Dios oo ndee andivi nagua ja vi kotekuo.