Génesis 11:7 - El Nuevo Testamento y unos libros del Antiguo Testamento

⁷ Vitna te na kiꞌinkueio, te yun na vi skunu nuu inio jin nuu vi samao saꞌan ja na vi kaꞌan in in, nagua ja ma vi jinkuiꞌnu nuu tnaꞌa ka ini ―ni kaꞌan Jitoꞌo.

Génesis 11:7 Iomraidhean Croise

Salmos 33:10

Maa Jitoꞌo saꞌa ja tu jiniuꞌu nagua ka ndakani ini ñuu naꞌnu ja vi saꞌi, vi ndasama ya nagua ka skaka tnaꞌa ñayiu ja vi saꞌi.

Salmos 55:9

Su xnaa ni jin ñayiu yun, vi Jitoꞌo san. Skunu nuu ini ni jin, chi ndimaa ni ja ka jaxin tnaꞌi kuu ja jini san, te ka nee uꞌu tnaꞌi nuu ñuu.

Génesis 1:26

Yun te ni kaꞌan Dios: “Na vi saꞌo teyii vi nagua ka ndaa mao na kava de vi nagua ka oo ka ndaa mao, te na kotatnuni de nuu chiaka vi nuu ndiꞌi kiti ndagua ichi andivi vi kiti tata ja oo kuun ndaꞌa vi kiti yuku vi ndiꞌi kiti ñuu maa nuu ñuꞌu”.

1 Corintios 14:23

Chi nuu ja ndiꞌi ni ja ka skuaꞌa ni ni ka ndututu ni in ni nuu, te ndiꞌi ni ka kaꞌan inka nuu saꞌan ja tu ka jini ni, te na kiuu in ñayiu ni kiunduu jaa axi ñayiu tu kandija, te vi kachi ja ka ndukueꞌe ni.

Salmos 2:4

Su kuaku ndee ña Dios, ia tatnuni ndee andivi, te skexiko ya ja ka ndakani ini ñayiu yun.

Génesis 42:23

Su tu ni ka jini de ja junkuiꞌnu ini José tnoꞌo ka ndatnoꞌo de, chi ni oo tee kaꞌan uu saꞌan ja ndakaxtnoꞌo de nuu José vi nuu ñani de naxa ka kaꞌan de.

Génesis 11:5

Yun te ni kii Jitoꞌo ja kondiaꞌa ya veꞌe ka jakin ñayiu ka oo yun naxa kaa ñuu yun vi torre ja ka saꞌa de yun.

Génesis 10:20

Tee yaꞌa ni ka okuu seꞌe Cam jin ndiꞌi ñayiu veꞌe de vi saꞌan ka kaꞌan maa maa de vi in in ñuu nuu ni ka jinkoo de.

Génesis 3:22

Te jiñaꞌa Jitoꞌo Dios: “Vitna te ni jinkuꞌun kaji ini teyii na kuinio ndee in mao, chi ja jini de nagua kuu javaꞌa vi jakueꞌe, te kana saa skaa de ndaꞌa de, te kuneꞌe de kiti vixin yutnu taa ja teku, te kaa de ti, te koteku de nikuii nikani”.

Génesis 10:32

Tee yaꞌa ni ka okuu seꞌe Noé ja ni ka jitenuu tatatnoꞌo ndi uni seyii de nii ñuyiu nuu ni ka saꞌa ñayiu ñuu naꞌnu ja ni ka jinkoi nuu kuee ka ja ni kii diluvio ja ni ndachitu ndute na ni xnaa de ñuyiu.

Génesis 10:5

Tee yaꞌa ka kuu tatatnoꞌo Jafet ja ni ka yagua de ni ka jinkoo de yuꞌu ndute mar, te yun ni ka saꞌa ñuu in in maa de jin ñayiu veꞌe de vi nagua saꞌan ka kaꞌan maa maa de.

Éxodo 4:11

Te jiñaꞌa Jitoꞌo: ―¿Te na in ni saꞌa yuꞌu ñayiu? Te maa rin kuu Jitoꞌo ja ni saꞌa ñayiu ka kuu ñiꞌi vi ñayiu soꞌo vi ñayiu kuꞌu nuu vi ñayiu inu ndijin nuu.