Génesis 11:6 - El Nuevo Testamento y unos libros del Antiguo Testamento

⁶ Te ni kaꞌan Jitoꞌo: ―Ñayiu ñuu yaꞌa, chi invaa ni ka ndakani ini, te invaa ni saꞌan ka kaꞌin, chi in ni ñuu ndiꞌi, te tniuu ni ka jinkondei ja ka saꞌi vitna, chi tu na in kaꞌnu ña ja vi saꞌi nagua ka kuini mai.

Génesis 11:6 Iomraidhean Croise

Génesis 11:1

Te tiempu saa, chi invaa ni nuu saꞌan ni ka okaꞌan ndi ndiꞌi ñayiu.

Génesis 3:22

Te jiñaꞌa Jitoꞌo Dios: “Vitna te ni jinkuꞌun kaji ini teyii na kuinio ndee in mao, chi ja jini de nagua kuu javaꞌa vi jakueꞌe, te kana saa skaa de ndaꞌa de, te kuneꞌe de kiti vixin yutnu taa ja teku, te kaa de ti, te koteku de nikuii nikani”.

Génesis 6:5

Te ni ndiaꞌa Jitoꞌo ja ni kaya ndevaꞌa jakueꞌe ka saꞌa ñayiu ñuyiu, chi ninoꞌo ni jakueꞌe ka ondakani ini jin anui, te ninoꞌo ni jakueꞌe yun ka osaꞌi.

Génesis 8:21

Te ni jini Jitoꞌo xiko asin ja ni soko de nuu ya, te ni ndakani ini ya jin anu ya: “Vitna te ma xtau tniaꞌa saꞌun kao ñuyiu ja jaꞌa ñayiu, visi ja ndakani ini ñayiu kuu ninoꞌo jakueꞌe, chi jinio ja vi ndee kueli ja ndakani kueꞌe ini. Su ma xnaa saꞌun kao ndiꞌi ja teku oo ñuyiu nagua ni saꞌo vitna.

Génesis 9:19

Te ndi uni tee yaꞌa ni ka okuu seyii Noé, te suu de ni ka ndaskaya kuaꞌa tatatnoꞌo ja ni ndachitu ñuyiu.

San Lucas 1:51

Ni saꞌa ya tniuu naꞌnu jin jakaꞌnu ya. Te ni kindee ya taka tniuu kueꞌe ka ndakani ini ñayiu inu teyii ndevaꞌa.

Hechos 17:26

’Te invaa ni niñi xikui ni saꞌa ya ndiꞌi kuiti ñayiu ja na vi koi nii nuu ñuyiu, vi ja ni chikuaꞌa ña ya na saa tiempu vi koteku ñayiu, vi ndenu vi kuneꞌu in in ñuu,