Génesis 11:4 - El Nuevo Testamento y unos libros del Antiguo Testamento

⁴ Yun te ni ka kachi de: ―Na vi saꞌo in ñuu kaꞌnu jin in torre ja vi na jinonta ndee andivi, te saa nagua ja na vi koteku tnoꞌo, nagua ja ma vi kutenuo nuu ñuyiu ―ni ka ndatnoꞌo tnaꞌa de.

Génesis 11:4 Iomraidhean Croise

Génesis 6:4

Te ni ka oo ñayiu inu sukun vi inu ndatnu ja ni ka okuu gigante kiuu yun. Te suni nuu ni ka nitnaꞌa seꞌe ia Dios jin seꞌe ñayiu ñuyiu, te ni ka jinkoo seꞌi, te tee yun ni ka okuu tee ndakui ndee janaꞌa, te vi ni ka oteku tnoꞌo de ja tee xeen ni ka okuu de.

Salmos 107:26

te ni ndaa ndute yun guaa ndee andivi, vi ni nuu de ndee kaꞌa ndute mar. Te vi tu ka na inu anu de ja ka yuꞌu ndevaꞌa de nuu jakueꞌe yun.

Salmos 92:9

Chi jandaa, vi Jitoꞌo san, ja ndiꞌi ja ka kaꞌan uꞌu ña jin ni vi naa, te vi kutenuu ndiꞌi ñayiu ka saꞌa jakueꞌe.

Proverbios 10:7

Ja ka ndakaꞌan ña jin ñayiu ndaa kuu in javii javaꞌa. Su ja teku tnoꞌo ñayiu kueꞌe, chi ñama ka naa ini.

Daniel 4:11

Te ni jaꞌnu yutnu yun, te ni kuu ndakui ndevaꞌa tnu, te vi ni jinonta xtuu tnu ndee ndika andivi, te vi ndee jika, te ndijin nukuiin tnu.

Daniel 4:22

Te yutnu yun kuu maa ni, vi tata rey, ja ni kuu sukun ni, te ni kuu ndakui ndevaꞌa ni. Te ja ni kuu kaꞌnu ndevaꞌa ni yun ni kenta ndee andivi, te ja tatnuni ni jika guaa ndee nuu jinkituu jaꞌa ñuyiu.

Daniel 4:27

Te yun kuu ja jikantaꞌu san nuu ni, vi tata rey, ja kuantaꞌu ni joo tnoꞌo xteku ña san: Saꞌa ndaa ni, te ma saꞌa ka ni yika kuechi. Ma saꞌa ka ni jakueꞌe, te kaꞌan ndaꞌu kaꞌan kee ni ñayiu ka kundaꞌu. Chi axi saa vatuni saa, te kokunuu ka ja koo vii koo vaꞌa ni, vi rey ―jiñaꞌi.

Daniel 4:30

te ni kachi de: “Yaꞌa kuu maa ñuu kaꞌnu Babilonia ja ni saꞌa maa rin ja kuu maa ñuu nuu tatnuni rin. Te ni saꞌa rin jin ndiꞌi jakaꞌnu rin, nagua ja na koo jayiñuꞌu nuu maa rin”, kachi de.

San Lucas 1:51

Ni saꞌa ya tniuu naꞌnu jin jakaꞌnu ya. Te ni kindee ya taka tniuu kueꞌe ka ndakani ini ñayiu inu teyii ndevaꞌa.

San Juan 5:44

¿Te naxa kuu vi kandija maa ni? Te ka nduku ni ja vi kaꞌan yiñuꞌu ni jin in in maa ni, te masu ka nduku ni jayiñuꞌu vaji nuu ia Dios.