Génesis 10:5 - El Nuevo Testamento y unos libros del Antiguo Testamento

⁵ Tee yaꞌa ka kuu tatatnoꞌo Jafet ja ni ka yagua de ni ka jinkoo de yuꞌu ndute mar, te yun ni ka saꞌa ñuu in in maa de jin ñayiu veꞌe de vi nagua saꞌan ka kaꞌan maa maa de.

Génesis 10:5 Iomraidhean Croise

Génesis 10:20

Tee yaꞌa ni ka okuu seꞌe Cam jin ndiꞌi ñayiu veꞌe de vi saꞌan ka kaꞌan maa maa de vi in in ñuu nuu ni ka jinkoo de.

Génesis 10:25

Te ni oo uu seyii Heber, in ni onani Peleg, chi kiuu saa ni teꞌnde ñuꞌu ja ni ka jinkoo siin siin ñayiu yun guaa ni xnani ña de siun, te inka de ni onani Joctán.

Génesis 10:32

Tee yaꞌa ni ka okuu seꞌe Noé ja ni ka jitenuu tatatnoꞌo ndi uni seyii de nii ñuyiu nuu ni ka saꞌa ñayiu ñuu naꞌnu ja ni ka jinkoi nuu kuee ka ja ni kii diluvio ja ni ndachitu ndute na ni xnaa de ñuyiu.

Génesis 10:4

Te seꞌe Javán ni ka onani Elisa, Tarsis, Quitim jin Dodanim.

Génesis 10:6

Te seꞌe tee ni onani Cam ni ka onani Cus, Misraim, Fut jin Canaán.

Génesis 9:19

Te ndi uni tee yaꞌa ni ka okuu seyii Noé, te suu de ni ka ndaskaya kuaꞌa tatatnoꞌo ja ni ndachitu ñuyiu.

Ester 10:1

Te ni jikan rey Asuero xuꞌun impuestu nuu ñayiu ndiꞌi ñuu nuu tatnuni de, vi ndee nuu ñayiu ñuu kueli ja ka oo yuꞌu ndute mar.

Salmos 72:10

Te rey ka oo Tarsis vi ñayiu ka oo yuꞌu ndute mar kikuei jin ja vi skutaꞌu ñai jin de. Te rey ka oo ñuu Sabá vi ñuu Seba kikuei de ja vi kuñaꞌa de xuꞌun impuestu nuu de.

Isaías 40:15

Te ja nuu maa ia Dios, chi ñayiu ñuyiu ka kui na ni kuinio yuyu ndute ja junkuei nuu in yajin axi na kuinio ñuyaka ja tu vee saꞌun nuu ja na soneo nuu chikuaꞌo. Te ñuu ja ka oo maꞌñu ndute mar, chi inuu ni ka ndei jin in ñuti luluu nuu maa ya.

Isaías 41:5

Ni ka jini ñayiu ka oo jika, guaa ndee yuꞌu ndute mar, te ni ka yuꞌi, te vi ni ka kisi ñayiu ka oo ndee jaꞌa ñuyiu ja ni ka yuꞌi, te ja ni ka ndututui ja mandikuei.

Isaías 42:10

Vi kata ni nuu Jitoꞌo in yaa jaa, ndiꞌi maa ni ja ka oo ni ndee jaꞌa ñuyiu, vi kata ni nuu ia Dios. Te maa ni ja ka jiondita ni nuu ndute mar, vi ndiꞌi kiti ja ka oo nuu ndute mar jian, vi ñayiu ka oo ñuu jika, vi saꞌa kaꞌnu ni ya.

Isaías 42:4

Te ma kutnuu de, ni ma kuita de vi guaa ndee na kundee de ja saꞌa ndaa de kuechi ñayiu ñuyiu. Te vi kondetu kaꞌnu ñayiu ñuu ja ka oo jika ja vi kaxtnoꞌo tnoꞌo de nui.

Isaías 49:1

Vi konini ni tnoꞌo kaꞌan san, maa ni ja ka oo ni yuꞌu ndute mar, vi maa ni ja ka oo ni ñuu jika. Ni kana ña Jitoꞌo jin san ndee nuu inee ii san chii siꞌi san, te ja ni kaꞌan ya sivi san ndee nuu kuini ka ja kaku san.

Isaías 51:5

Te ja oo yatni rin ja sandaa rin, chi ja ñuꞌu ichi rin ja skaku niꞌnu ña rin, te jin jakaꞌnu rin kotatnuni rin nuu ñayiu in in ñuu. Te ñayiu ka oo jika, chi ka ndetu kaꞌnu ñai, te ka kukanu ini ñai ja chindee chituu rin jin.

Isaías 59:18

Te vi na kuu na kuu nagua ni ka saꞌi, saa kuñaꞌa ya yaꞌu ja vi niꞌi. Tetniuu ya tnundoꞌo siki ñayiu ka kaꞌan uꞌu ña jin ya, te tetniuu ya yaꞌu ja kuini ja vi niꞌi maa ñayiu ka jaxin tnaꞌa jin ya. Te suni saa ni saꞌa ya jin ñayiu ka oo jika.

Isaías 60:9

Te jandaa ndija ja maa rin ka ndetu ñayiu ka oo taka ñuu jika. Te xtnañuꞌu ka barco ñayiu ñuu Tarsis kikuei ja ndikuei jin seꞌe ron ja ka oi ndee ñuu jika yun, te kikuei jin plata vi oro ja ka nevaꞌi, nagua ja na koo jayiñuꞌu nuu maa rin ja kuu rin Jitoꞌo, ia Dios ron, ia ii ñayiu Israel, chi ni saꞌa kaꞌnu ña rin jin ron.

Daniel 11:18

Yun te ndakoo rey ichi norte yun siki ñuu ka oo yuꞌu ndute mar ja vi kaxin tnaꞌa de. Te kakuiko de kuaꞌa ñuu yun, su ndakoo in tee tatnuni inka ñuu, te junkani de ja kanoo ja jiñaꞌa de nuu ñuu yun, te saꞌa de ja ndendoo kanoo maa rey yun.