Génesis 1:1 - El Nuevo Testamento y unos libros del Antiguo Testamento

¹ Ndee jaxtnañuꞌu ja ni junkoo ñuyiu, ni saꞌa ia Dios andivi jin ñuyiu.

Génesis 1:1 Iomraidhean Croise

Salmos 102:25

Chi ndee jaxtnañuꞌu ni saꞌa maa ni ñuyiu, te jin ndaꞌa maa ni ni saꞌa ni andivi.

Salmos 104:24

Nase kuakuaꞌa tniuu ni saꞌa ni, vi Jitoꞌo, te ndiꞌi ni saꞌa ni jin jandichi ni, te oo chitu ndiꞌi ja ni saꞌa ni nuu ñuyiu.

Salmos 104:30

Te nuu tetniuu ni Espíritu ni, te ka ndakaya ti, te ja saa saꞌa ni, te ndasaꞌa jaa ni ñuyiu.

Salmos 115:15

Te na saꞌa vii saꞌa vaꞌa ña Jitoꞌo, ia ni saꞌa andivi vi ñuyiu.

Salmos 121:2

Te ia chituu ña jin san kuu maa Jitoꞌo, ia ni saꞌa andivi vi ñuyiu.

Salmos 124:8

Chi maa Jitoꞌo kuu ia chindee chituu ña jion, vi maa ya kuu ia ni saꞌa andivi vi ñuyiu.

Salmos 134:3

Te ndee Sión na tetniuu Jitoꞌo Dios javii javaꞌa ya siki ni, ia ni saꞌa andivi vi ñuyiu.

Salmos 136:5

Te maa ya ni saꞌa andivi jin ja ndichi ini maa ya, chi nikuii nikani kundaꞌu ini ña ya jion.

Salmos 146:6

Chi maa ya ni saꞌa andivi vi ñuyiu vi ndute mar vi ndiꞌi tuꞌu ja oo nuu, te siun ni skunkuu ya tnoꞌo ndaa ja kaꞌan ya.

Salmos 33:6

Chi jin tnoꞌo kaꞌan Jitoꞌo, te ni junkoo andivi, te jin ja tiutachi ya, te ni ka junkoo ndiꞌi kimi.

Salmos 33:9

Chi ni kaꞌan ya, te ndiꞌi ni junkoo, te ni tatnuni ya, te ndiꞌi ka junkoo yutnu.

Salmos 8:3

Te nuu ndiaꞌa san andivi ja ni saꞌa maa ni, vi yoo vi kimi ja ni jani ni,

Salmos 8:4

te ndakani ini san: “¿Nagua ka kuu ñayiu ja kokuꞌun ini ni ja jaꞌi?” Te tu nagua ka kuu saꞌun seꞌe teyii ja kondiꞌni ni ja jaꞌi.

Salmos 90:2

Ndee ama ka ja vi junkoo yuku, vi ja saꞌa ni ñuꞌu vi ñuyiu, guaa ndee jananaꞌa vi guaa ndee kiuu sandiꞌi, maa ni kuu Dios.

Salmos 96:5

Chi ndiꞌi chuꞌchi sava ka ñuu, chi masu nagua ka kuu saꞌun, su maa Jitoꞌo Dios kuu ia ni saꞌa andivi.

Éxodo 20:11

Chi iñu kiuu ni saꞌa Jitoꞌo Dios andivi vi ñuꞌu vi ndute mar vi ndiꞌi tuꞌu ja oo nui. Te ni ndatatu ya kiuu kuu uja. Te yun guaa ni saꞌa ii Jitoꞌo kiuu ndatatu, te ni kaꞌan ya ja kiuu ii kuu.

Proverbios 16:4

Ndiꞌi ni saꞌa Jitoꞌo ja vi kunukuechi nuu ya, te vi ndee ñayiu kueꞌe ni saꞌa ya nagua ja kiꞌinkuei vi kai kiuu sandaa ya kuechi.

Proverbios 3:19

Chi jin jandichi maa Jitoꞌo, te ni saꞌa ya ñuyiu. Te jin ja jinkuiꞌnu ini ya, te ni saꞌa yutnu ya andivi.

Isaías 40:21

¿A vi tu ka jini ni ja ia kaꞌnu kuu Dios? ¿A tu na ndee ka nini ni yun? ¿A tu ni ka ndakani nuu ni ndee jaxtnañuꞌu? ¿A tu ka jinkuiꞌnu ini ni naxa ni jinkoo ñuyiu?

Isaías 40:26

Vi ndanenuu ichi andivi, te vi kondiaꞌa na in ni saꞌa ndiꞌi ja ka oo andivi, te maa tatnuni ja yukun yukun ka jinonta ti, te ndakana sivi ña jin ndi in ndi in kimi, te ni in ti tu na kiti jaꞌni ña. Chi maa ya kuu ia ndakui ndevaꞌa, te jin jakaꞌnu ya tatnuni ya nuu ndiꞌi ti.

Isaías 40:28

¿Te a tu ka jini ni axi tu na ndee ka nini ni ja maa Jitoꞌo, kuu ia Dios ja oo ya nikuii nikani? Te maa ya ni saꞌa ninii ndee jaꞌa ñuyiu, te ni tu kuita ya, ni tu tunini ya, te ni tu na in kenta kuni ja jini ya.

Isaías 42:5

Te maa Jitoꞌo Dios kuu ia ni saꞌa andivi, te ni ndaskaa ya, ia ni saꞌa guaꞌa ñuꞌu vi ndiꞌi jakaꞌnu oo nui, ia ni jiñaꞌa ja ka ndakuantachi ñayiu ñuyiu, vi ja ka teku ndiꞌi ja ka jichi ka kanda nuu ñuyiu. Te jiñaꞌa ya suaꞌa nuu tee jinokuechi nuu ya:

Isaías 44:24

Te suaꞌa kaꞌan Jitoꞌo, ia ni ndatau ña, ia ni saꞌa ña ndee chii siꞌi ron: “Maa rin kuu Jitoꞌo, ia ni saꞌa ndiꞌi ja oo yaꞌa, te maintnoꞌo maa rin ni jata andivi vi ni jani yutnu rin ñuyiu, te tu saꞌun na in ni chituu ña jin rin.

Isaías 45:18

Chi suaꞌa kaꞌan Jitoꞌo, ia ni saꞌa andivi, ia kuu Dios ja ni saꞌa ya ñuyiu, ia ni saꞌa na ni jinkoo ñuyiu, te tu ni saꞌa ya ja koo uun, chi ni saꞌa ya ja vi koo ñayiu, te kachi ya: “Maa rin kuu Jitoꞌo, te tu na inka ia oo saa ruꞌun.

Isaías 51:13

¿Te a ja ni ka ndunaa ini ron Jitoꞌo ron, ia ni saꞌa ña jin ron, ia ni jata andivi vi ni jani yutnu ñuyiu? ¿Te nau ja ndiꞌi ni kiuu ka yuꞌu ron nuu ka jini ron ja kiti ndevaꞌa ini tee saꞌa ndevaꞌa ndetnuni ña jin ron nuu nduku de naxa xnaa ña de jin ndiꞌi ron? Su vitna, ¿ndenu oo jakiti ini tee saꞌa ndevaꞌa ndetnuni ña jin ron?

Isaías 51:16

Te taa rin tnoꞌo rin ja kaꞌan ron, te chisaꞌu ña rin jin kati ndaꞌa rin, chi ni jata rin andivi, te ni skuja rin nuu ni jani rin ñuyiu, te jiñaꞌa rin nuu ñayiu ñuu Sión: Ñayiu ñuu maa rin ka kuu ron.”

Isaías 65:17

Te kachi ia Dios: “Ja oo rin ja saꞌa rin in andivi jaa vi in ñuyiu jaa. Te vi ndunaa ini ñayiu ja ni oo ndee jaxtnañuꞌu, te tu na in kondakaꞌan saꞌun ka.

Zacarías 12:1

Yaꞌa kuu in tnoꞌo ni kaꞌan ia Dios ja jaꞌa ñayiu Israel. Jitoꞌo Dios kuu ia ni saꞌa andivi vi ni saꞌa ya ja ni jinkoo ñuyiu, vi ni jiñaꞌa ya ja jichi ja kanda ñayiu. Te kachi ya:

San Mateo 11:25

Te kiuu yun ni ndakuatu Jesús, te jiñaꞌa ya: ͏―͏Ndakuantaꞌu san nuu ni, vi Tata Dios, ja kuu ni Jitoꞌo andivi vi ñuyiu, chi ni tayuꞌu ni taka yaꞌa nuu ñayiu ndichi vi ñayiu jinkuiꞌnu guaꞌa ini, te ni ndaxneꞌe ni nuu ñayiu ka kuu na kuinio suchi kueli.

San Marcos 13:19

Chi koo ndevaꞌa tnundoꞌo kiuu yun ja ni tu na in jini guaa ndee nuu ni jinkoo jaa ñuyiu ja ni saꞌa ia Dios vi guaa ndee kiuu vitna, te ni ma koo ka tnundoꞌo yun.

Hechos 14:15

te ka jiñaꞌa de: ―¿Nau ja siaꞌa ka saꞌa ni? Te suni ñayiu ka kuu sein na kuinio in in maa ni. Te yun kuu ja vajikuei san ka kaxtnoꞌo san ja vi xndoo ni ndiꞌi ja tu jiniuꞌu yaꞌa, te vi kiunduu ni ichi Dios teku, ia ni saꞌa andivi vi nuu ñuꞌu jin ndute mar vi ndiꞌi ja oo nui.

Hechos 17:24

’Te suu maa Dios yaꞌa kuu ia ni saꞌa ñuyiu vi ndiꞌi ja oo nui. Maa ya kuu Jitoꞌo andivi vi ñuyiu, te ma kuu kondesi ya in veñuꞌu ja ka saꞌa ñayiu jin ndaꞌi.

Hechos 4:24

Yun te nuu ni ka onini de, te inuu inuu ni ka ndakuatu de nuu ia Dios, te ka jiñaꞌa de: ―Jitoꞌo Dios, ja tatnuni maa ni siki ndiꞌi, maa ni kuu ia Dios ja ni saꞌa ni andivi vi ñuꞌu vi ndute mar vi ndiꞌi ja oo nui,

Romanos 11:36

Chi nuu maa ya vaji taka ja oo, te maa ya jito ndiꞌi, te ja vi koo nuu maa ya ka kuu. Te na vi kochiñuꞌo ya ja ia kaꞌnu ndevaꞌa kuu ya nikuii nikani. Saa na kokuu.

1 Corintios 8:6

Su nuu mao, chi tu na inka ia, chi invaa ni maa Tata Jaꞌnuo, ia ni saꞌa ndiꞌi ja oo ñuyiu vi andivi, te ka tekuo ja vi koo nuu maa ya. Te suni oo invaa ni Jitoꞌo Jesukristu, te jin maꞌñu sagua maa ya, te ka oo yoon, vi ndiꞌi ja oo ñuyiu vi andivi.

Efesios 3:9

Te ndakaxtnoꞌo kaji san nuu ndiꞌi ñayiu ndee ja kuu tnoꞌo ni ndakani ini Dios ja saꞌa ya, ia ni saꞌa ndiꞌi ja oo ñuyiu, ja kuu tnoꞌo ni yiyuꞌu ndee janaꞌa.

Hebreos 1:10

Te suni jiñaꞌa ya nuu Seꞌe ya: Maa ron kuu Jitoꞌo ja ni saꞌa ñuyiu ndee jaxtnañuꞌu, te jin ndaꞌa ron ni saꞌa ron andivi.

Hebreos 1:2

Te vitna ja kuu tiempu sandiꞌi kaꞌan ya nuo jin maꞌñu sagua Seꞌe ya, chi jin seꞌe ya ni saꞌa ya ndiꞌi ja oo ñuyiu, te ndiꞌi ni xndendoo ya nuu ndaꞌa Seꞌe ya ja saꞌa jajin ya.

Hebreos 11:3

Chi jin ja ka kandijao, ni ka jinkuiꞌnu inio ja ni saꞌa ia Dios ñuyiu jin tnoꞌo ni kaꞌan ya. Te yun guaa ja ka ndiaꞌo jin nuo vitna, chi ni jinkoo jin ja ma kuu vi kondiaꞌo.

Hebreos 3:4

Ndiꞌi veꞌe, chi oo in tee ni saꞌa, su Dios kuu ia ni saꞌa ndiꞌi ja oo ñuyiu.

2 Pedro 3:5

Chi tu ka kuini ja vi ndakuni ndai, ja ndee janaꞌa ni kuvaꞌa andivi jin tnoꞌo ni kaꞌan ia Dios, te suni saa ni ñuyiu ja ni kuvaꞌa jin ndute, te jin maꞌñu sagua ndute yun ni saꞌa ya ñuꞌu yichi.

1 Juan 1:1

Ka tee san tnoꞌo yaꞌa nuu in in maa ni ja jaꞌa in Tnoꞌo ja oo ndee nuu ni jinkoo jaa ñuyiu, te ni ka onini san Tnoꞌo yun, vi ni ka jini san jin nduchi nuu san vi ni ka ndiaꞌa san, nagua kaa nagua oo, vi ni ka keꞌe san jin ndaꞌa san, te maa Tnoꞌo yun kuu ja teku nikuii nikani.

El Apocalipsis 10:6

Te ni kee yuꞌu ya nuu ia teku nikuii nikani, ia ni saꞌa andivi jin ñuyiu vi ndute mar vi ndiꞌi taka ja oo nui, te ni kachi ya: ―Ja ni kuyatni tiempu ja skunkuu tnoꞌo ni kaꞌan ia Dios.

El Apocalipsis 14:7

Te kana jaa ya: ―Vi koyuꞌu niꞌnu ia Dios, te vi ndasaꞌa kaꞌnu ron ya, chi ja ni jino kiuu ja sandaa ya kuechi. Vi chiñuꞌu ia ni saꞌa andivi vi ñuyiu, ndute mar, vi taka nuu kee ndute ―kachi ya.

El Apocalipsis 21:6

Yun te kachi ka ya: ―Ja ni jino ndiꞌi. Te maa rin kuu jaxtnañuꞌu vi jasandiꞌi, ja ni skejaꞌa vi jaxndiꞌi. Te na ñayiu yichi, te suaꞌa ni kuñaꞌa uun rin ndute ja kee yaꞌa koꞌi, te kotekui nikuii nikani.

El Apocalipsis 22:13

Te maa rin kuu jaxtnañuꞌu vi jasandiꞌi, ja ni skejaꞌa vi jaxndiꞌi, nuu jinkondee vi nuu skundiꞌi ―kachi ya.

El Apocalipsis 3:14

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu maa Dios ja jito ñayiu ka skuaꞌa veñuꞌu oo ñuu Laodicea: Suaꞌa kaꞌan ia kaꞌan “saa na kokuu”, ia kuu testiu ndaa, ja kaꞌan ya tnoꞌo ndaa, ia xiin maꞌñu sagua ni saꞌa ia Dios ndiꞌi ja oo ñuyiu.

El Apocalipsis 4:11

Jitoꞌo san, Dios maa san kuu ni, te kanuu ja kuantaꞌu ni joo ja ka ndasaꞌa kaꞌnu ña san, vi ka chiñuꞌu ña san vi ndiꞌi jakaꞌnu ni, chi maa ni ni saꞌa ndiꞌi ja oo ñuyiu vi andivi, te ndee ja ñuꞌu ka maa ni, te ka oi vi ni ka kuvaꞌi.