Éxodo 9:16 - El Nuevo Testamento y unos libros del Antiguo Testamento

¹⁶ Su jandaa ja ni jandetu rin teku ron, nagua ja xneꞌe rin jakaꞌnu rin nuu ron, nagua ja saa te ndiꞌi ñayiu nii ñuyiu vi kuni jakaꞌnu kuu rin.

Éxodo 9:16 Iomraidhean Croise

Salmos 106:8

Su ni skaku niꞌnu ña ya nagua ja na koo jayiñuꞌu nuu maa ya, saa te ni xneꞌe ya jakaꞌnu ya.

Salmos 64:9

Yun te ndiꞌi ñayiu vi koyuꞌu niꞌnu ia Dios, te vi ndakani tniuu naꞌnu saꞌa ya, te vi junkuiꞌnu ini tniuu saꞌa ya.

Salmos 76:10

Te ja ka kiti ini ñayiu nduu yaa ja vi katai nuu ni, te visi joo luluu ni ka ñayiu vi kendoo, su vi saꞌa kaꞌnu ñai jin ni.

Éxodo 14:17

Te saꞌa ndee rin ini anu ñayiu Egipto nagua ja na kiukuei de vi sondikin ña de jin ron, te saꞌa kaꞌnu rin maa rin jin maꞌñu sagua Faraón vi jin ndiꞌi soldado de vi carreta de vi tee ka yoso kuai de.

Éxodo 14:4

Te saꞌa ndee rin ini anu Faraón, te sondikin ña de jin ron, saa te vi kaꞌan ñayiu ja ia kaꞌnu ndevaꞌa kuu rin jin maꞌñu sagua Faraón vi ndiꞌi soldado de, nagua ja saa te vi kuni ñayiu Egipto ja maa rin kuu Jitoꞌo ―jiñaꞌa ya. Te ni ka saꞌa ñayiu Israel nagua ni kaꞌan ya.

Éxodo 18:11

Vitna te jini kaji san ja Jitoꞌo kuu ia kaꞌnu ka saa nuu ndiꞌi chuꞌchi, chi nuu ni ka saꞌa ñayiu jakueꞌe siki ñayiu ñuu maa ya, te ni ndakoo ya siki ñayiu ka saꞌa jakueꞌe yun ―jiñaꞌa de.

Éxodo 9:15

Chi nuu ja siun kaꞌan rin, te kuu tetniuu rin vitna jakaꞌnu rin siki ron vi siki ñayiu ñuu ron jin in kueꞌe xeen, te xnaa ña rin nuu ñuyiu nuu siun.

Éxodo 9:17

Su visi ni saa, te oo ni ron siki ñayiu ñuu rin, te tu jandetu ron ja kiꞌinkuei.

Proverbios 16:4

Ndiꞌi ni saꞌa Jitoꞌo ja vi kunukuechi nuu ya, te vi ndee ñayiu kueꞌe ni saꞌa ya nagua ja kiꞌinkuei vi kai kiuu sandaa ya kuechi.

Malaquías 1:11

“Chi guaa ndee nuu jinonta nikandii vi ndee nuu kee, ndiꞌi tuꞌu ñayiu ñuu vi konee yiñuꞌu nuu rin, te nii nuu vi koteñuꞌu ñayiu suja vixin nuu rin ja ka chiñuꞌu ñai, te vi sokoi kiti vii nuu rin, chi kaꞌnu kuu rin neꞌu ñayiu ñuyiu”, kachi Jitoꞌo, ia ndakui ndevaꞌa.

Malaquías 1:14

“Na tau tniaꞌa ñayiu kee yuꞌu ja sokoi in kiti yii oo vaꞌa, te chia xndaꞌu ñai, chi in kiti tu ovaꞌa kuu kiti sokoi nuu rin ja kuu rin Jitoꞌo. Te maa rin kuu rey ja kuu kaꞌnu ka, te vi koyuꞌu ña ñayiu ka oo ndiꞌi ñuu jin rin”, kachi Jitoꞌo, ia ndakui ndevaꞌa.

Romanos 9:17

Chi suni saa yoso nuu tutu ii ja ni kaꞌan ya jin Faraón guaa ndee jananaꞌa: “Ni jani ña rin jin ron ja kuu ron rey, nagua ja saa te xneꞌe rin tniuu kaꞌnu saꞌa rin nuu ron, nagua ja kutenuu sivi rin ja vi kuni ñayiu nii ñuyiu”, jiñaꞌa ya.

Romanos 9:22

Te suni saa saꞌa ia Dios, chi kuini ya xneꞌe ya ja kiti ini ya nuu ñayiu ka saꞌa jakueꞌe ja vi kuni ndiꞌi ñayiu tniuu kaꞌnu ja saꞌa ya jin. Su ni jandee jakaꞌnu ini ya jin ñayiu ka saꞌa jakueꞌe yun, ja vi tniuyaꞌui jin ja ka saꞌi, ja kuaꞌankuei nuu vi nai.

1 Pedro 2:19

Chi chindee chituu ña ia Dios nuu ja vi kundee ini ni nuu tnundoꞌo nuu ka xtavi kuechi ña ñayiu, te masu nagua ka saꞌa ni siki ñayiu yun.

1 Pedro 2:8

Te suni kaꞌan nuu tutu ii: Suu ya kuu yuu ja skachi jaꞌa ñayiu vi kava ja saꞌa ja ka kanakau ñayiu. Kachi tutu ii. Chi ka kachi jaꞌa ñayiu nuu ka kuu soꞌi ja vi konini tnoꞌo ia Dios, te ña ka jain ja vi kandijai, chi saa inu taꞌu mai.

Judas 1:4

Chi ni ka kiunduu yuꞌu sava tee ka xndaꞌu ña neꞌu maa ni. Te tee yun, chi ndee janaꞌa ja ka yikuaꞌa de nuu ia Dios ja vi tniuyaꞌu de yika kuechi de, chi tee kueꞌe ndevaꞌa ka kuu de, te ka tee ni de ja Dios, chi ia ndaꞌu ini kuu ya, te kuu vi saꞌa de taka janeꞌe jayichi, te tu ka ndakuni de ja invaa maa Jitoꞌo Jesukristu kuu ia tatnuni nuu ndiꞌi.