Éxodo 8:6 - El Nuevo Testamento y unos libros del Antiguo Testamento

⁶ Yun te ni skaa Aarón ndaꞌa de siki ndute ja ka ñuꞌu Egipto, te ni kanakuei likuara ja vi ni ka chitu ti nii ñuu Egipto.

Éxodo 8:6 Iomraidhean Croise

Salmos 105:30

Te ni taꞌu kuaꞌa ndevaꞌa likuara nuu ñuu Egipto, te vi ndee ini veꞌe rey ni kiukuei ti.

Salmos 78:45

Vi ni tetniuu ya kuaꞌa ndevaꞌa chiukun ja ni ka jaa ña ti jin ñayiu Egipto yun, vi likuara ja ni ka saꞌa ti kuaꞌa jakueꞌe.

Salmos 86:8

Tu na in chuꞌchi ja kitnaꞌa inuu jin maa ni, vi Jitoꞌo, te ni tu na in kuu saꞌa tniuu saꞌa maa ni, vi Dios.

Salmos 90:2

Ndee ama ka ja vi junkoo yuku, vi ja saꞌa ni ñuꞌu vi ñuyiu, guaa ndee jananaꞌa vi guaa ndee kiuu sandiꞌi, maa ni kuu Dios.

Éxodo 10:2

Te nagua ja suni kuu ndakani ron nuu seꞌe ron vi nuu señani ron naxa ni saꞌa xeen rin jin ñayiu Egipto vi ndiꞌi tniuu naꞌnu ja ni saꞌa rin neꞌui. Nagua ja saa te vi kuni ron ja maa rin kuu Jitoꞌo ―jiñaꞌa ya.

Éxodo 15:11

Tu na inka ia na kuinio maa ni, vi Jitoꞌo, neꞌu chuꞌchi. Te ni tu na in ia ii vi ia kaꞌnu na kuinio maa ni. Chi saꞌa ni tniuu ja ioo ndevaꞌa kaa, vi tniuu ja luu ndevaꞌa kaa.

Éxodo 7:19

Te jiñaꞌa ka Jitoꞌo nuu Moisés: ―Kuñaꞌa nuu Aarón ja na kiꞌin de yutnu tuu de, te na skata de ndaꞌa de siki nuu ka ñuꞌu ndute Egipto siki yute vi siki kañu ndute, siki jatnu nuu ka ñuꞌu ndute vi siki ndiꞌi nuu ka tavaꞌa ndute, nagua ja na nduu de niñi, te na koo niñi nii ñuu nuu tnii Egipto, te vi ndee nuu ndatniuu yutnu vi ndatniuu yuu ja ñuꞌu ndute na kuꞌun niñi ―jiñaꞌa ya.

Éxodo 9:14

Chi vitna te tetniuu rin ndiꞌi nuu jakueꞌe rin siki ron vi siki tee ka netniuu jin ron vi siki ñayiu ñuu ron, nagua ja jinkuiꞌnu ini ron ja tu na inka ia oo na kuinio ruꞌun ja oo nii ñuyiu.

Éxodo 9:29

Te jiñaꞌa Moisés: ―Vi nani ja na ndee kunu san yuꞌu ñuu yaꞌa, te kaneꞌe san ndaꞌa san ichi nuu oo Jitoꞌo, te junkuiin tajan vi ma kuun ka ñiñi, nagua ja saa, te kuni ni ja Jitoꞌo kuu Jitoꞌo ñundeꞌi yaꞌa.

Isaías 43:10

Te kachi ka Jitoꞌo: “Maa ron ka kuu testiu rin, ja maa rin ni kaji ña jin ron, ja ka jinokuechi ron nuu rin, nagua ja na vi kuni ña ron jin rin, te vi kandija ña ron, saa te vi jinkuiꞌnu ini ron ja maintnoꞌo maa rin kuu ia Dios, te tu na in chuꞌchi oo ama ka ja oo ruꞌun, te ni ma koo ni in yata ruꞌun.

El Apocalipsis 16:13

Te ni jini san ja yuꞌu koo kaꞌnu vi yuꞌu kiti xeen vi yuꞌu tee ndakani tnoꞌo tnoꞌo, ni kekuei uni espíritu kueꞌe ja kaa na kaa saꞌgua.