Éxodo 8:21 - El Nuevo Testamento y unos libros del Antiguo Testamento

²¹ Chi nuu ja ma kuandetu ron ja kiꞌinkuei ñayiu ñuu rin, te tetniuu rin ndiꞌi nuu chiukun siki ron vi siki tee ka netniuu jin ron vi siki ñayiu ñuu ron vi nuu veꞌe ron, te vi chitu ndinuu nuu chiukun veꞌe ñayiu Egipto, te suni saa ni vi koo ti ndee ni nuu ni kuu ja ka oi.

Éxodo 8:21 Iomraidhean Croise

Salmos 105:31

Te ni kaꞌan ia Dios, te ni kikuei kuakuaꞌa chiukun naꞌnu vi chiukun kueli ja ni chitu ti nii ñuu Egipto yun.

Salmos 78:45

Vi ni tetniuu ya kuaꞌa ndevaꞌa chiukun ja ni ka jaa ña ti jin ñayiu Egipto yun, vi likuara ja ni ka saꞌa ti kuaꞌa jakueꞌe.

Éxodo 10:6

Te vi chitu nii ti ini veꞌe ron vi ini veꞌe ndiꞌi tee ka netniuu jin ron vi ini veꞌe ndiꞌi ñayiu Egipto. Te kuaꞌa ndevaꞌa ti vi kokuu ja vini tu ni ka jini ndi tata ron ti, te ni ndi tata jaꞌnu ron, guaa ndee nuu ni jinkoo ñuu yaꞌa ndee kiuu vitna”, kachi ya ―ka jiñaꞌa de. Te vi nani ni ndiꞌi ni ka kaꞌan de, te ni ndekuei de nuu Faraón kuaꞌankuei de.

Éxodo 8:20

Te jiñaꞌa Jitoꞌo nuu Moisés: ―Xtnee te neꞌe ndakoo ron kiꞌin ron kaꞌan ron jin Faraón, chi kiꞌin neꞌe de yute yun, te kuñaꞌa ron nuu de: “Suaꞌa kaꞌan Jitoꞌo: Kuandetu na kiꞌinkuei ñayiu ñuu rin nagua ja na vi chiñuꞌu ñai.

Éxodo 8:22

Te kiuu yun saꞌa siin rin ñuu Gosén nuu ka oo ñayiu ñuu rin, nagua ja vi ni in nuu chiukun ma koo. Saa te kuni ron ja maa rin kuu Jitoꞌo ja oo rin nuu ñuu yaꞌa.

Éxodo 8:24

Te saa ni saꞌa Jitoꞌo. Ni kikuei ndinuu ndindujin nuu chiukun xeen ndevaꞌa nuu veꞌe Faraón vi nuu veꞌe tee ka netniuu jin de vi nii ñuu Egipto, te ni naa ja oo ñuu yun ni ka saꞌa chiukun yun.