Éxodo 8:16 - El Nuevo Testamento y unos libros del Antiguo Testamento

¹⁶ Yun te jiñaꞌa Jitoꞌo nuu Moisés: ―Kuñaꞌa nuu Aarón ja na kaneꞌe de yutnu nee de, te na kuun de nuu ñuyaka ñuꞌu, nagua ja na nduu chiuku ja na koo nii ñuu Egipto ―jiñaꞌa ya.

Éxodo 8:16 Iomraidhean Croise

Salmos 105:31

Te ni kaꞌan ia Dios, te ni kikuei kuakuaꞌa chiukun naꞌnu vi chiukun kueli ja ni chitu ti nii ñuu Egipto yun.

Éxodo 4:23

Te ja ni kaꞌan rin ja kuandetu ron na kiꞌinkuei maa seꞌe rin ja vi chiñuꞌu ñai jin rin. Su ja siun tu kuini ron ja siaa ron jin kiꞌinkuei, yun kuu ja kaꞌni rin seꞌe xtnañuꞌu ron, kachi ya”, kuñaꞌa ron ―jiñaꞌa ya nuu Moisés.

Éxodo 5:1

Yun te ni kiukuei Moisés jin Aarón nuu oo Faraón, te ka jiñaꞌa de: ―Suaꞌa kaꞌan Jitoꞌo, ia kuu Dios ñayiu Israel: “Kuandetu na kiꞌinkuei ñayiu ñuu rin ndee nuu ñuꞌu teꞌa nuu vi saꞌi in viko ja vi chiñuꞌu ñai jin rin, kachi ya” ―ka jiñaꞌa de.

Éxodo 8:15

Su nuu ni jini Faraón ja tu ka ti oo, te ja ni nukuꞌun vaꞌa ini de, te ni saꞌa ndee tuku de anu de, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 8:17

Te saa ni ka saꞌa de. Ni kaneꞌe Aarón yutnu tuu de jika de, te ni kuun de nuu ñuyaka ñuꞌu, te ni nduu ñuyaka yun chiuku ja ni tnaa ña ti jin ñayiu vi kiti. Te ndiꞌi ñuyaka ñuꞌu ni nduu chiuku ja ni oo nii ñuu Egipto.

Éxodo 8:18

Te suni saa ni ka saꞌa tee tasi yun, chi ni ka nduku de jin tniuu tasi ka saꞌa de yun ja vi koo kuaꞌa ka chiuku, su tu ni kuu vi saꞌa de. Te ni tnaa ña chiuku jin ñayiu vi kiti.

Éxodo 8:5

Te jiñaꞌa ka Jitoꞌo nuu Moisés: ―Kuñaꞌa nuu Aarón ja na skaa de ndaꞌa de jin yutnu de ichi nuu ka oo yute vi kañu ndute vi nuu ka ñuꞌu ndute, nagua ja na kanakuei likuara, te na chitu ti nii ñuu Egipto ―jiñaꞌa ya.