Éxodo 8:15 - El Nuevo Testamento y unos libros del Antiguo Testamento

¹⁵ Su nuu ni jini Faraón ja tu ka ti oo, te ja ni nukuꞌun vaꞌa ini de, te ni saꞌa ndee tuku de anu de, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 8:15 Iomraidhean Croise

Éxodo 14:5

Yun te ni ka kaxtnoꞌo nuu rey Faraón ja ni ka jino yuꞌu ñayiu Israel kuaꞌankuei, te ni ka ndasama ini Faraón jin tee ka netniuu jin de siki ñayiu Israel, te ni ka kachi de: ―¿Nau ja siaꞌa kaa ja ni ka saꞌo ioo ni ka jandetuo ja kuaꞌankuei ñayiu Israel, te ma vi kunukuechi kai nuo? ―ka kachi de.

Éxodo 4:21

Yun te jiñaꞌa Jitoꞌo nuu Moisés: ―Nuu ndajino ron Egipto, te konaꞌa ron ja saꞌa ron nuu Faraón ndiꞌi tniuu naꞌnu ja ni taa rin nuu ron ja saꞌa ron. Su maa rin saꞌa ndee ini de, te ma kuandetu de ja ndekuei ñayiu ñuu rin.

Éxodo 7:4

Te visi ni saa, te ma konini Faraón tnoꞌo ka kaꞌan ron. Su yun te kuantniuu rin ndiꞌi jakaꞌnu rin siki Egipto, te jin tniuu naꞌnu saꞌa rin tetniuu rin tnundoꞌo ja jaꞌa jakueꞌe ka saꞌi yun. Te ndeneꞌe rin ñayiu ñuu rin Israel nuu ñuu Egipto, te ndee yukun kani kuiti kiꞌin jin rin.

Éxodo 8:14

Te ni ka xtutu ñayiu montoo naꞌnu ti nii nuu, te ni chitu xiko ndeꞌe nii ñuu yun.

Éxodo 8:16

Yun te jiñaꞌa Jitoꞌo nuu Moisés: ―Kuñaꞌa nuu Aarón ja na kaneꞌe de yutnu nee de, te na kuun de nuu ñuyaka ñuꞌu, nagua ja na nduu chiuku ja na koo nii ñuu Egipto ―jiñaꞌa ya.

Éxodo 8:28

Te jiñaꞌa Faraón: ―Kuandetu san ja kiꞌinkuei ni ndee nuu ñuꞌu teꞌa ja vi soko ni kiti nuu Jitoꞌo Dios ni, su ma kiꞌinkuei jika ndevaꞌa ni. Su vi kakantaꞌu ni ja jaꞌa san nuu ia Dios ―jiñaꞌa de.

Éxodo 8:29

Te jiñaꞌa Moisés: ―Vi nani ja ndekuei kunu san nuu ni, vi tata rey, te kakantaꞌu san nuu Jitoꞌo ja xtnee, te vi kujioo ndinuu nuu chiukun, te ma vi koo ka ti nuu ni, te ni nuu tee ka netniuu jin ni, te ni nuu ñayiu ñuu ni. Su ma koxndaꞌu ka ña ni ja kokasi niꞌnu ni ja kiꞌinkuei ñayiu ñuu san ja vi sokoi nuu Jitoꞌo ―jiñaꞌa de.

Éxodo 8:32

Su ni saꞌa ndee tuku Faraón anu de, te tu ni jandetu de ja ndekuei ñayiu Israel kiꞌinkuei.

Éxodo 8:8

Yun te ni kana ña Faraón jin Moisés vi Aarón, te jiñaꞌa de: ―Vi ndakuatu ni nuu Jitoꞌo nagua ja na xtajioo ya likuara yaꞌa nuu san vi nuu ñayiu ñuu san, saa te kuandetu san ja kiꞌinkuei ñayiu ñuu ni, nagua ja vi sokoi kiti nuu Jitoꞌo ―jiñaꞌa de.

Proverbios 26:11

Te na kuinio tiꞌina ja ndajiokuiin ti ndakaa ti ja ni ndujan ti, saa kuu jin ñayiu vasa ja ndajiokuiin saꞌi ja tu jiniuꞌu.

Proverbios 29:1

Ñayiu saꞌa ndee ini nuu ka kuxeen nui, vi sanaa ni te nai, te tu na tatna ja kakui.

Hebreos 3:15

Chi saa kaꞌan nuu tutu ii: Nuu ja vi konini ron tnoꞌo kaꞌan ia Dios vitna, te ma vi saꞌa ndee ron ini anu ron, nagua ni ka saꞌa ñayiu ja ni ka ndakoi siki ya.

Hebreos 3:8

te ma vi saꞌa ndee ron ini anu ron, nagua ni ka saꞌa ñayiu ja ni ka ndakoi siki ya, te ni ka skeꞌi ya nuu ñuꞌu teꞌa yun.

El Apocalipsis 16:9

Te ndiꞌi ñayiu ni ka kai jin ja iꞌni xeen yun. Su visi ni saa, te tu ni ka ndatnaꞌu ini, te ni tu ni ka saꞌa kaꞌnu ñai jin ya, chi saa suaꞌa ni ka kaneꞌi jin sivi ia Dios, ja nevaꞌa ya jakaꞌnu siki jakueꞌe yaꞌa.