Éxodo 7:13 - El Nuevo Testamento y unos libros del Antiguo Testamento

¹³ Su visi ni saa, te ni saꞌa ndee ini Faraón, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 7:13 Iomraidhean Croise

Éxodo 10:1

Te jiñaꞌa Jitoꞌo nuu Moisés: ―Kuaꞌan te kaꞌan ron nuu Faraón, chi maa rin ni saꞌa ndee ini de jin tee ka netniuu jin de, nagua ja xneꞌe rin nuu de taka tniuu naꞌnu yaꞌa.

Éxodo 10:20

Su maa Jitoꞌo ni saꞌa ndee ini anu Faraón, te tu ni jandetu de ja ndekuei ñayiu Israel kiꞌinkuei.

Éxodo 10:27

Su maa Jitoꞌo ni saꞌa ndee ini anu Faraón, te tu ni jandetu de ja kiꞌinkuei ñayiu Israel.

Éxodo 14:17

Te saꞌa ndee rin ini anu ñayiu Egipto nagua ja na kiukuei de vi sondikin ña de jin ron, te saꞌa kaꞌnu rin maa rin jin maꞌñu sagua Faraón vi jin ndiꞌi soldado de vi carreta de vi tee ka yoso kuai de.

Éxodo 4:21

Yun te jiñaꞌa Jitoꞌo nuu Moisés: ―Nuu ndajino ron Egipto, te konaꞌa ron ja saꞌa ron nuu Faraón ndiꞌi tniuu naꞌnu ja ni taa rin nuu ron ja saꞌa ron. Su maa rin saꞌa ndee ini de, te ma kuandetu de ja ndekuei ñayiu ñuu rin.

Éxodo 7:12

Ni ka skunta de in in maa yutnu ka tuu de, te in in yutnu yun ni ka nduu koo. Su yutnu tuu Aarón ni koko ña jin yutnu ndiꞌi de.

Éxodo 7:14

Yun te jiñaꞌa Jitoꞌo nuu Moisés: ―Kuaꞌan makundee ini ka Faraón, te tu kuini de kuandetu de ja ndekuei ñayiu ñuu Israel.

Éxodo 7:22

Te suni saa ni, ni ka saꞌa tee tasi ja ka oo maa Egipto jin ndiꞌi tnoꞌo tasi ja ka jini de. Te ni saꞌa ndee ini ndevaꞌa ka Faraón. Te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 8:11

Te vi kujioo likuara yun nuu ni vi nuu veꞌe ni, nuu tee ka netniuu jin ni, vi nuu ñayiu ñuu ni, te maa ni ka yute Nilo vi koo ti ―jiñaꞌa de.

Éxodo 8:15

Su nuu ni jini Faraón ja tu ka ti oo, te ja ni nukuꞌun vaꞌa ini de, te ni saꞌa ndee tuku de anu de, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 8:19

Yun te ka jiñaꞌa tee tasi yun nuu Faraón: ―Nuu ndaꞌa maa Dios vaji ndiꞌi yaꞌa ―ka jiñaꞌa de. Su ni saꞌa ndee ini Faraón, te tu ni onini de tnoꞌo ka kaꞌan tee yun, nagua ja ni kaꞌan maa Jitoꞌo.

Éxodo 8:28

Te jiñaꞌa Faraón: ―Kuandetu san ja kiꞌinkuei ni ndee nuu ñuꞌu teꞌa ja vi soko ni kiti nuu Jitoꞌo Dios ni, su ma kiꞌinkuei jika ndevaꞌa ni. Su vi kakantaꞌu ni ja jaꞌa san nuu ia Dios ―jiñaꞌa de.

Éxodo 9:12

Su Jitoꞌo ni saꞌa ndee anu Faraón, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo nuu Moisés.

Éxodo 9:35

Te ni saꞌa ndee ini Faraón, te tu ni jandetu de ja kiꞌinkuei ñayiu Israel, nagua ja ni kaꞌan Jitoꞌo jin maꞌñu sagua Moisés.

Éxodo 9:7

Yun te ni tetniuu Faraón tee ni ka jinkoto kiti ñayiu Israel, te ni ka jini de ja ni invaa kiti ñayiu Israel tu na kiti jiꞌi. Su ni saꞌa ndee ini Faraón, te tu ni jandetu de ja ndekuei ñayiu Israel kiꞌinkuei.

Romanos 1:28

Te ja siun tu ni ka kuini ja vi ndakuni ja ia Dios kuu ya, guaa ni skana ichi ña ya ja ka ndakani neꞌe ini, vi ka saꞌi taka jakueꞌe ndevaꞌa ja masu ja vi saꞌi kuu.

Romanos 2:5

Su ja inu ndee ini anu ni, te tu ka kuini ni ja vi ndatnaꞌu ini ni nuu yika kuechi ni. Te suu kuu ja ka skaya kuaꞌa ni tnundoꞌo kii siki ni, kiuu sandaa ia Dios kuechi.

Hebreos 3:13

Chi suaꞌa vi xteku tnaꞌa in in maa ni in kiuu in kiuu, nini oo ka kiuu tiempu vitna, nagua ja ni in ni ma xndaꞌu ña yika kuechi, te vi saꞌa ndee ni ini anu ni nuu ia Dios.