Éxodo 6:7 - El Nuevo Testamento y unos libros del Antiguo Testamento

⁷ Te ndakuaka ña rin jin ron, ja vi kokuu ron ñayiu ñuu rin, te kokuu maa rin Dios ron. Saa te vi kuni ron ja maa rin kuu Jeovaa Dios ron ja ni ndeneꞌe ña rin nuu tniuu ndee ndevaꞌa ja ni ka otenini ña tee Egipto ni ka osaꞌa ron.

Éxodo 6:7 Iomraidhean Croise

Génesis 26:3

Te ñuu yaꞌa kondaꞌu ni ron, su koto ña maa rin, te chindee chituu ña rin jin ron, chi nuu maa ron, vi nuu tatatnoꞌo ron guaa taa rin ndiꞌi ñuꞌu yaꞌa nagua ja skunkuu rin tnoꞌo ni kee yuꞌu rin nuu ndi tata yua ron Abraham.

Génesis 28:13

Te yun ni jini maa Jitoꞌo, ja oo ya ndee siki escalera yun, te jiñaꞌa ya: ―Maa rin kuu Jitoꞌo Dios tata jaꞌnu ron Abraham vi Dios tata ron Isaac. Te ñuꞌu nuu katuu ron vitna ñuꞌni guaa taa rin nuu maa ron vi nuu tatatnoꞌo ron.

Salmos 100:3

Vi ndakuni ni ja Jitoꞌo kuu maa ia Dios. Te maa ya ni saꞌa ña, masu yoon ni ka ndasaꞌo mao. Ñayiu ñuu maa ya ka kuo, te ka kuo na kuinio ndikachi ya ja ka jao ite kuii maa ya.

Salmos 81:6

Te kachi ia Dios: “Ni kindee rin in javee ja ni ka ondiso ron, te ni ka ndoo uun ndaꞌa ron jin tniuu ndee ja ni ka osaꞌa ron.

Éxodo 13:14

Te nuu na vi kakan tnoꞌo ña seꞌe ni jin ni xtnee isa: “¿Naxa kei ja siaꞌa ka saꞌa ni?”, te vi kuñaꞌa ni: “Saa chi jin jakaꞌnu ndevaꞌa Jitoꞌo te ni ndeneꞌe ña ya Egipto, ñuu nuu ni ka ojinokuechi rin,

Éxodo 13:3

Yun te jiñaꞌa Moisés nuu ñayiu ñuu de: ―Vi konaꞌa ni kiuu yaꞌa ja ni ndekuei ni Egipto, ñuu nuu ni ka ojinokuechi ni, chi ni ndeneꞌe ña Jitoꞌo nuu ni ka oo ni yun jin ndiꞌi jakaꞌnu maa ya. Te yun kuu ja ma vi kaa ni xtaa vixin ja yiꞌi levadura.

Éxodo 14:18

Saa te vi kuni ñayiu Egipto ja maa rin kuu Jitoꞌo, nuu na saꞌa kaꞌnu rin maa rin jin maꞌñu sagua Faraón vi carreta de vi ñayiu ka yoso kuai de ―jiñaꞌa ya.

Éxodo 14:4

Te saꞌa ndee rin ini anu Faraón, te sondikin ña de jin ron, saa te vi kaꞌan ñayiu ja ia kaꞌnu ndevaꞌa kuu rin jin maꞌñu sagua Faraón vi ndiꞌi soldado de, nagua ja saa te vi kuni ñayiu Egipto ja maa rin kuu Jitoꞌo ―jiñaꞌa ya. Te ni ka saꞌa ñayiu Israel nagua ni kaꞌan ya.

Éxodo 15:16

Te na vi kisi ñayiu ja ka yuꞌu ndevaꞌi. Te jin jakaꞌnu maa ni, te na vi kendoo titiꞌi na kuinio yuu, guaa ndee na vi yaꞌa ñayiu ñuu ni, vi Jitoꞌo, guaa ndee na vi yaꞌa ñayiu ñuu yaꞌa ja ni skaku niꞌnu maa ni.

Éxodo 15:2

Jitoꞌo kuu ia taa jandakui san vi yaa jita san. Maa ya kuu ia ni skaku niꞌnu ña jin san. Maa ya kuu ia Dios san, te chiñuꞌu san ya. Te suu ya kuu ia Dios tata san, te saꞌa kaꞌnu san ya.

Éxodo 16:12

―Ni onini rin ja ka kaꞌan kuechi ñayiu Israel. Kaꞌan nui te kuñaꞌa ron suaꞌa: “Nuu mañini te vi kaa ron kuñu, te tnoꞌo neꞌe vi kaa ron xtaa ndee vi ndutu chii ron. Saa te vi kuni ron ja maa rin kuu Jitoꞌo Dios ron”, jiñaꞌa ya.

Éxodo 16:6

Yun te ka jiñaꞌa Moisés jin Aarón nuu ndiꞌi ñayiu Israel: ―Jañini te vi kuni ni ja maa Jitoꞌo kuu ia ni ndeneꞌe ña ñuu Egipto.

Éxodo 2:11

Te in kiuu nuu ja ni kukaꞌnu Moisés, ni kei kuaꞌin majinkotoi in ñani in tnaꞌi. Te ni jini ja ndee ndevaꞌa tniuu ka saꞌa de. Te suni ni jini ja in tee Egipto kani ndevaꞌa de in tnaꞌi hebreo.

Éxodo 6:6

Te yun kuu ja kuaꞌan, te suaꞌa kuñaꞌa ron nuu ñayiu Israel: “Maa rin kuu Jeovaa, te xtajioo rin ndiꞌi tniuu ndee ja ka tenini ña tee Egipto ka saꞌi, te skaku niꞌnu rin jin nuu tnundoꞌo ka tnaꞌi ja ka satniuu uin. Te nuu skaku niꞌnu rin jin, te xneꞌe rin jakaꞌnu rin nuu saꞌa rin tniuu naꞌnu ja sandaa rin kuechi.

Éxodo 7:17

Te suaꞌa kaꞌan Jitoꞌo: Vitna te kuni ron ja maa rin kuu Jitoꞌo. Chi jin yutnu nee Aarón, te kani de ndute ñuꞌu yute Nilo yaꞌa, te nduu de niñi.

Isaías 41:20

nagua ja na vi kuni ndiꞌi ñayiu nuu vi kondiaꞌi, te na vi skuaꞌa guaꞌi, te vi jinkuiꞌnu ini ja maa rin kuu Jitoꞌo, ja saꞌa rin ndiꞌi yaꞌa, maa rin kuu ia Dios ñayiu Israel ja ni jani ini yaꞌa.

Isaías 49:23

Te tee ka kuu rey vi nduu yua ron ja vi ndakuaka ndaꞌu ña, te ñaꞌa ka kuu reina vi kokuu ñaꞌa vi kokoto ña jin ron, te vi jinkindei ndee nuu ñuꞌu nuu ron, ja vi konee yiñuꞌi, te vi yundei ñuyaka ka ndaa siꞌin ron. Saa te vi kuni ron ja maa rin kuu Jitoꞌo, te ma vi kendoo kanoo ñayiu ka ndetu kaꞌnu ña jin rin.”

Isaías 49:26

Te ñayiu ni ka tandaꞌu ña jin ron, saꞌa rin ja vi ndakaa tnaꞌa mai, te vi ndajini jin niñi mai na kuinio ja ka jiꞌi vinu. Saa te ndiꞌi ñayiu ñuyiu vi kuni ja maa rin kuu Jitoꞌo, ia skaku niꞌnu ña, ia ni ndatau ña nuu tnundoꞌo, ia ndakui ndevaꞌa ja kuu rin ia Dios Jacob.”

Isaías 51:15

Chi maa rin kuu Jitoꞌo ron, te sivi rin kuu Jeovaa, ia ndakui ndevaꞌa. Te maa rin kagua ndute mar, te saꞌa rin ja ka kañu xeen ola ndute yun.

Isaías 60:16

Te koteku ron jin xikui ñayiu ñuu naꞌnu, te kokaa ron jakuika ka nevaꞌa tee ka kuu rey. Saa te kuni ron ja maa rin kuu Jitoꞌo ron, te maa rin skaku niꞌnu ña jin ron. Maa rin kuu ia ndakui Jacob ja ni ndatau ña rin jin ron.

Isaías 63:8

Chi ni kachi ya: “Jandaa ndija ja ñayiu ñuo ka kui, te ma vi xndaꞌu ñai”, ni kachi ya. Te ni skaku niꞌnu ña ya.

Zacarías 13:9

Te ñayiu vi kendoo yun saꞌa rin ja vi tnaꞌi kuaꞌa tnundoꞌo nagua saꞌa ñayiu jin plata ja tnai nuu ñuꞌu te ndasavii, axi nagua saꞌa ñayiu jin oro ja jito tnuni. Saa saꞌa rin jin ñayiu vi kendoo yun. Yun te vi ndakakuneꞌe ñai jin rin, te konini rin tnoꞌo ka kaꞌin, te kuñaꞌa rin ja ñayiu ñuu rin ka kui, te vi kachi: “Jitoꞌo kuu ia Dios mao”. Kachi ya.

San Mateo 22:32

“Maa rin kuu Dios Abraham vi Dios Isaac vi Dios Jacob”? Chi ia Dios, masu Dios ñayiu ka jiꞌi kuu ya, chi ia Dios ñayiu ka teku kuu ya ͏―͏jiñaꞌa ya.

Romanos 8:31

Nuu saa, ¿te naxa ka vi kachio? Chi nuu ja ka oo jin ia Dios, te tu na in kuu koo sikio.

Hebreos 11:16

Su ka ndioo ini in ñuu guaꞌa ka, te suu kuu andivi. Yun guaa ia Dios, chi tu kukanoo ya ja kokuu ya ia Dios ñayiu yun, chi ja ni saꞌa tuaꞌa ya in ñuu nuu vi koi.

1 Pedro 2:10

Te ndee ama ka, chi masu ñayiu ñuu ia Dios ni ka okuu ni, su vitna, chi ñayiu ñuu maa ya ni ka nduu ni. Te ndee ama ka, chi tu ni okundaꞌu ini ña ia Dios jin ni, su vitna, chi kundaꞌu ini ña ya jin in in maa ni.

El Apocalipsis 21:3

Te ni jini san in tnoꞌo ja kana jaa ndee nuu mesa nuu tatnuni, te kachi: ―Vi kondiaꞌa chi vitna, te oo ndiaꞌa ia Dios neꞌu ñayiu. Koo ya jin ñayiu, te mai vi kokuu ñayiu ñuu ya, te koo maa ya jin, nagua ja kokuu ya ia Dios mai.

El Apocalipsis 21:7

Te na ñayiu kundee nuu jakueꞌe, te niꞌi ndiꞌi yaꞌa ja saꞌa jajin, te kokuu rin ia Dios mai, te mai kokuu seꞌe rin.