Éxodo 6:6 - El Nuevo Testamento y unos libros del Antiguo Testamento

⁶ Te yun kuu ja kuaꞌan, te suaꞌa kuñaꞌa ron nuu ñayiu Israel: “Maa rin kuu Jeovaa, te xtajioo rin ndiꞌi tniuu ndee ja ka tenini ña tee Egipto ka saꞌi, te skaku niꞌnu rin jin nuu tnundoꞌo ka tnaꞌi ja ka satniuu uin. Te nuu skaku niꞌnu rin jin, te xneꞌe rin jakaꞌnu rin nuu saꞌa rin tniuu naꞌnu ja sandaa rin kuechi.

Éxodo 6:6 Iomraidhean Croise

Salmos 77:16

Nuu ni jini ña ndute mar jin ni, vi Dios, te ni yuꞌu de, te vi ni kisi kaꞌa ndute mar ja ni yuꞌu.

Salmos 81:11

’Su tu ni ka kuini ñayiu ñuu rin ja vi konini tnoꞌo ni kaꞌan rin, te ni tu ni ka kuini ñayiu Israel ja vi kuantnoꞌo ñai.

Salmos 81:6

Te kachi ia Dios: “Ni kindee rin in javee ja ni ka ondiso ron, te ni ka ndoo uun ndaꞌa ron jin tniuu ndee ja ni ka osaꞌa ron.

Salmos 81:7

Te nuu ni ka tnaꞌa ron tnoꞌo suchi ini, ni ka kana ron nuu rin, te ni skaku niꞌnu ña rin, te ndee nuu viko tnutnuu yun oo rin, te ni onini rin tnoꞌo ka kaꞌan ron, te ni jito tnuni ña rin nuu ñuꞌu ndute nuu nani Meriba.

Éxodo 1:11

Yun te ni ka jani de tee ni ka otanuni nuu ñayiu Israel, te ni ka otenini ña de ja vi saꞌi tniuu ndee ndevaꞌa nuu ni ka saꞌi ñuu naꞌnu ndevaꞌa ja kuu ñuu Pitón vi Ramesés, nagua ja tavaꞌa rey Faraón yun ndiꞌi ja kee nuu ñundeꞌi.

Éxodo 12:41

Te vi maa kiuu ja jino kuun ciento oko uxi kuia, te ndiꞌi ñayiu maa Jitoꞌo ni kekuei ñuu Egipto, te yukun kani kuiti kuaꞌankuei.

Éxodo 12:51

Te vi maa kiuu yun ni ndeneꞌe ña Jitoꞌo jin ñayiu Israel nuu ñuu Egipto, te vi yukun kani kuiti kuaꞌankuei.

Éxodo 13:14

Te nuu na vi kakan tnoꞌo ña seꞌe ni jin ni xtnee isa: “¿Naxa kei ja siaꞌa ka saꞌa ni?”, te vi kuñaꞌa ni: “Saa chi jin jakaꞌnu ndevaꞌa Jitoꞌo te ni ndeneꞌe ña ya Egipto, ñuu nuu ni ka ojinokuechi rin,

Éxodo 13:16

Te jin ja ka saꞌa ni yun na kokuu na kuinio in seña ja kondee nuu ndaꞌa ni axi tnee ni, nagua ja vi kondakaꞌan ni, chi jin jakaꞌnu ndevaꞌa maa Jitoꞌo, te ni ndeneꞌe ña ya nuu ñuu Egipto ―jiñaꞌa Moisés.

Éxodo 13:3

Yun te jiñaꞌa Moisés nuu ñayiu ñuu de: ―Vi konaꞌa ni kiuu yaꞌa ja ni ndekuei ni Egipto, ñuu nuu ni ka ojinokuechi ni, chi ni ndeneꞌe ña Jitoꞌo nuu ni ka oo ni yun jin ndiꞌi jakaꞌnu maa ya. Te yun kuu ja ma vi kaa ni xtaa vixin ja yiꞌi levadura.

Éxodo 15:13

Te jin jandaꞌu ini ni ndeka ni ñayiu ñuu yaꞌa ja ni skaku niꞌnu ni. Te jin jakaꞌnu ni ndeka ni jin ndee veꞌe ii nuu oo maa ni.

Éxodo 16:6

Yun te ka jiñaꞌa Moisés jin Aarón nuu ndiꞌi ñayiu Israel: ―Jañini te vi kuni ni ja maa Jitoꞌo kuu ia ni ndeneꞌe ña ñuu Egipto.

Éxodo 18:1

Te ni jini soꞌo Jetro sutu ñuu Madián, tata xiso Moisés, ndiꞌi ja ni saꞌa ia Dios jin Moisés vi jin ñayiu Israel, vi naxa ni ndeneꞌe ña Jitoꞌo jin ñayiu Israel ñuu Egipto.

Éxodo 2:11

Te in kiuu nuu ja ni kukaꞌnu Moisés, ni kei kuaꞌin majinkotoi in ñani in tnaꞌi. Te ni jini ja ndee ndevaꞌa tniuu ka saꞌa de. Te suni ni jini ja in tee Egipto kani ndevaꞌa de in tnaꞌi hebreo.

Éxodo 3:17

Te yun guaa kuini rin ja ndeneꞌe rin jin nuu tnundoꞌo ka tnaꞌi ñuu Egipto yun, te ndakuaka rin jin ja kiꞌinkuei ñuu ñayiu cananeo vi ñayiu heteo vi ñayiu amorreo vi ñayiu ferezeo vi ñayiu heveo vi ñayiu jebuseo, in nuu ñuꞌu ja kee kuaꞌa ja vi kaa vi koꞌi.”

Éxodo 3:8

Te yun kuu ja makuun rin vaji rin ja skaku niꞌnu rin jin nuu ndaꞌa tee Egipto, te ndeneꞌe rin jin ñuu yun ja ndakuaka maa rin jin kiꞌinkuei in ñuu guaꞌa, in ñuu jite, nuu ka oo kuaꞌa ja vi kaa vi koꞌi, kaꞌan rin siki ñuu ñayiu cananeo vi ñayiu heteo vi ñayiu amorreo vi ñayiu ferezeo vi ñayiu heveo vi ñayiu jebuseo.

Éxodo 6:2

Te ni kaꞌan ka Dios nuu Moisés, te jiñaꞌa ya: ―Maa rin kuu Jeovaa.

Éxodo 6:29

te jiñaꞌa ya: ―Maa rin kuu Jitoꞌo, te kaꞌan nuu Faraón, rey Egipto, ndiꞌi tnoꞌo ja kaꞌan rin nuu ron ―jiñaꞌa ya.

Éxodo 6:8

Te nusiaꞌa ña rin nuu ñuꞌu ja ni kee yuꞌu rin ja kuñaꞌa rin nuu Abraham vi nuu Isaac vi nuu Jacob, te taa rin nuu maa ron ja vi saꞌa jajin ron. Chi maa rin kuu Jeovaa” ―jiñaꞌa ya.

Éxodo 7:4

Te visi ni saa, te ma konini Faraón tnoꞌo ka kaꞌan ron. Su yun te kuantniuu rin ndiꞌi jakaꞌnu rin siki Egipto, te jin tniuu naꞌnu saꞌa rin tetniuu rin tnundoꞌo ja jaꞌa jakueꞌe ka saꞌi yun. Te ndeneꞌe rin ñayiu ñuu rin Israel nuu ñuu Egipto, te ndee yukun kani kuiti kiꞌin jin rin.

Éxodo 7:5

Saa te vi kuni ñayiu Egipto ja maa rin kuu Jitoꞌo, nuu vi kuni jakaꞌnu rin ja ndeneꞌe rin ñayiu Israel neꞌu maa ñayiu Egipto ―jiñaꞌa ya.

Hechos 13:17

Ia Dios ñayiu ñuo Israel ni kaji ya ndee ndi yuao, te ni skaya ña ya ja ni ka kuu de in ñuu kaꞌnu, visi ñayiu ni ka ojika ndaꞌu ni ka okuu de nuu ñayiu ñuu Egipto. Su nuu kuee ka, te jin jakaꞌnu ya ni ndeneꞌe ña ya ñuu yun.