Éxodo 5:1 - El Nuevo Testamento y unos libros del Antiguo Testamento

¹ Yun te ni kiukuei Moisés jin Aarón nuu oo Faraón, te ka jiñaꞌa de: ―Suaꞌa kaꞌan Jitoꞌo, ia kuu Dios ñayiu Israel: “Kuandetu na kiꞌinkuei ñayiu ñuu rin ndee nuu ñuꞌu teꞌa nuu vi saꞌi in viko ja vi chiñuꞌu ñai jin rin, kachi ya” ―ka jiñaꞌa de.

Éxodo 5:1 Iomraidhean Croise

Salmos 119:46

Te kaꞌan san tnoꞌo tatnuni ni nuu tee ka kuu rey, te ma kukanoo san.

Éxodo 10:3

Yun te ni jaꞌankuei Moisés vi Aarón nuu Faraón, te ka jiñaꞌa de: ―Suaꞌa kaꞌan Jitoꞌo Dios ñayiu hebreo: “¿Nasaa ka kiuu te saa nuu soꞌo ron nuu rin? Kuandetu na kiꞌinkuei ñayiu ñuu rin, nagua ja na vi chiñuꞌu ñai jin rin.

Éxodo 10:4

Chi nuu ja vi saa ni jasi niꞌnu ron ja kiꞌinkuei, te xtnee saꞌa rin ja kikuei tika langosta siki ñuu ron.

Éxodo 10:9

Te jiñaꞌa Moisés: ―Kiꞌinkuei san jin suchi kueli san vi tee nijaꞌnu san, vi seyii san vi sesiꞌi san. Kiꞌinkuei san jin ndikachi san vi isndiki san, chi in viko kaꞌnu vi saꞌa san nuu Jitoꞌo ―jiñaꞌa de.

Éxodo 3:18

Te vi konini tee ka kuu nijaꞌnu yun tnoꞌo kaꞌan ron, te kiꞌinkuei ron jin de nuu rey ñuu Egipto yun, te suaꞌa vi kuñaꞌa ron: “Ni nukuꞌun ña Jeovaa Dios ñayiu hebreo. Te kuandetu ni joo na kiꞌinkuei san, chi uni kiuu vi kaka san nuu ñuu teꞌa, te saa kentakuei san nuu vi soko san kiti nuu ia Dios san”, vi kuñaꞌa ron.

Éxodo 4:23

Te ja ni kaꞌan rin ja kuandetu ron na kiꞌinkuei maa seꞌe rin ja vi chiñuꞌu ñai jin rin. Su ja siun tu kuini ron ja siaa ron jin kiꞌinkuei, yun kuu ja kaꞌni rin seꞌe xtnañuꞌu ron, kachi ya”, kuñaꞌa ron ―jiñaꞌa ya nuu Moisés.

Éxodo 6:11

Kuaꞌan te kaꞌan ron jin Faraón, rey ñuu Egipto, ja na kuandetu de kekuei ñayiu Israel ñuu de kiꞌinkuei ―jiñaꞌa ya.

Éxodo 6:27

Te suu maa Moisés vi Aarón yaꞌa ka kuu tee ni ka kaꞌan jin Faraón, rey ñuu Egipto, ja vi ndeneꞌe de ñayiu Israel nuu ñuu Egipto yun.

Éxodo 7:16

Te kuñaꞌa ron nuu de: “Ni tetniuu ña Jitoꞌo Dios ñayiu hebreo jin san ja vaji san nuu ni, te kachi ya ja kuandetu ni na kiꞌinkuei ñayiu ñuu ya, nagua ja na vi chiñuꞌu ñai jin ya ndee nuu ñuꞌu teꞌa. Su ja siun ndee vitna tu kuini ni ja konini ni tnoꞌo kaꞌan san.

Éxodo 7:2

Te kaꞌan ron nuu Aarón ndiꞌi nagua tatnuni rin, te maa ñani ron Aarón kaꞌan nuu Faraón, nagua ja na kuandetu de ndekuei ñayiu Israel nuu ñuu de.

Éxodo 8:1

te jiñaꞌa Jitoꞌo nuu Moisés: ―Kuaꞌan nuu Faraón te kuñaꞌa ron: “Suaꞌa kaꞌan Jitoꞌo: Kuandetu na kiꞌinkuei ñayiu ñuu rin nagua ja na vi chiñuꞌu ñai.

Éxodo 8:16

Yun te jiñaꞌa Jitoꞌo nuu Moisés: ―Kuñaꞌa nuu Aarón ja na kaneꞌe de yutnu nee de, te na kuun de nuu ñuyaka ñuꞌu, nagua ja na nduu chiuku ja na koo nii ñuu Egipto ―jiñaꞌa ya.

Éxodo 8:17

Te saa ni ka saꞌa de. Ni kaneꞌe Aarón yutnu tuu de jika de, te ni kuun de nuu ñuyaka ñuꞌu, te ni nduu ñuyaka yun chiuku ja ni tnaa ña ti jin ñayiu vi kiti. Te ndiꞌi ñuyaka ñuꞌu ni nduu chiuku ja ni oo nii ñuu Egipto.

Éxodo 8:20

Te jiñaꞌa Jitoꞌo nuu Moisés: ―Xtnee te neꞌe ndakoo ron kiꞌin ron kaꞌan ron jin Faraón, chi kiꞌin neꞌe de yute yun, te kuñaꞌa ron nuu de: “Suaꞌa kaꞌan Jitoꞌo: Kuandetu na kiꞌinkuei ñayiu ñuu rin nagua ja na vi chiñuꞌu ñai.

Éxodo 8:27

Te kuini ja vi kaka san uni kiuu nuu ñuꞌu teꞌa, te saa kentakuei san nuu vi soko san kiti nuu Jitoꞌo Dios san, nagua ni tatnuni maa ya ―jiñaꞌa de.

Éxodo 9:1

Yun te jiñaꞌa Jitoꞌo nuu Moisés: ―Kuaꞌan nuu Faraón, te kuñaꞌa ron: “Suaꞌa kaꞌan Jitoꞌo Dios ñayiu hebreo: Kuandetu na kiꞌinkuei ñayiu ñuu rin, nagua ja na vi chiñuꞌu ñai.

Éxodo 9:2

Chi nuu ja ma kuandetu ron ja kiꞌinkuei, te junkani ron jin,

San Mateo 10:18

Te suni vi ndasiaꞌa ña de guaa ndee ndaꞌa tee ka netniuu sava ka ñuu vi nuu ndaꞌa tee ka kuu rey ja jaꞌa sein. Saa te kuu vi ndakani ni tnoꞌo san nuu de vi nuu ñayiu sava ka tatatnoꞌo.

San Mateo 10:28

Te ma vi koyuꞌu ni jin ñayiu jaꞌni, chi yiki kuñu jaꞌni, su anuo chi ma kuu kaꞌni. Chi ja vi koyuꞌu ni kuu ia Dios, chi kuu tetniuu ya anu ni vi yiki kuñu ni nuu andeya.

Hechos 4:29

Te vitna, vi Jitoꞌo san, kondiaꞌa ni ja ka skoto ioo ña de jin san ja ka jinokuechi san nuu ni, te ka jikantaꞌu san ja chindee chituu ña ni ja ma vi yuꞌu san vi kaꞌan san tnoꞌo vaꞌa ni.

1 Corintios 5:8

Nuu saa te na vi saꞌo viko pascua ja vi koo vii ndija anuo, te vi saꞌa ndao, ja kuu na kuinio xtaa vixin ka jao nuu viko yun ja tu na levadura yiꞌi, te ma vi saꞌo jakueꞌe vi janeꞌe jayichi ja kuu na kuinio levadura tuꞌu ja xtivi ña.