Éxodo 4:5 - El Nuevo Testamento y unos libros del Antiguo Testamento

⁵ Te jiñaꞌa ya: ―Jin jakaꞌnu yaꞌa, te vi kandija ña de ja ni kenta Jitoꞌo Dios nuu ron, ia ka chiñuꞌu tata ron, Dios ni ka ochiñuꞌu ndi Abraham vi Isaac vi Jacob.

Éxodo 4:5 Iomraidhean Croise

Génesis 12:7

Te yun ni skuni ña Jitoꞌo jin Abram, te jiñaꞌa ya: ―Ñuꞌu yaꞌa kuu ja kuñaꞌa rin nuu tatatnoꞌo ron. Te yun ni saꞌa Abram in altar ja ni soko de nuu Jitoꞌo, chi ni skuni ña ya jin de.

Génesis 17:1

Yun te nuu ni jino Abram kuun xiko xaꞌun kuun kuia, te ni skuni ña Jitoꞌo jin de, te jiñaꞌa ya: ―Maa rin kuu ia Dios kaꞌnu ja ndiꞌi ni ja kuu saꞌa rin, te kuini rin ja kokuu ron in teyii ndaa, te kandija ron nuu rin.

Génesis 18:1

Yun te ni kenta Jitoꞌo nuu oo Abraham nuu in chikoꞌi kaꞌnu ja kuu ñundeꞌi in tee nani Mamre nuu nukoo de kati yeꞌe veꞌe saꞌun ja ka oo de, mamaa ore ni kuu iꞌni iꞌni.

Génesis 26:2

Te yun ni skuni ña Jitoꞌo, te jiñaꞌa ya: ―Masu ja kee ron kiꞌin ron ñuu Egipto, chi kendoo ñuu nuu kaxtnoꞌo maa rin.

Génesis 28:13

Te yun ni jini maa Jitoꞌo, ja oo ya ndee siki escalera yun, te jiñaꞌa ya: ―Maa rin kuu Jitoꞌo Dios tata jaꞌnu ron Abraham vi Dios tata ron Isaac. Te ñuꞌu nuu katuu ron vitna ñuꞌni guaa taa rin nuu maa ron vi nuu tatatnoꞌo ron.

Génesis 48:15

Yun te ni jikantaꞌu de ja jaꞌa José, te jiñaꞌa de: ―Maa Dios ia xiin nuu ni ka ojika ndi tata jaꞌnu rin Abraham vi ndi tata rin Isaac, ia Dios jito jini ña jin rin ndee nuu ni kaku rin vi guaa ndee kiuu vitna,

Génesis 48:3

te jiñaꞌa de nuu José: ―Ia Dios kaꞌnu, ja ndiꞌi ni ja kuu saꞌa ya, ja ni skuni ña ya nuu ni oo rin ñuu nani Luz ja tnii Canaán, te ni kaꞌan ya in javii in javaꞌa jin rin

Éxodo 19:9

Yun te jiñaꞌa Jitoꞌo nuu Moisés: ―Jaa rin nuu oo ron in maꞌñu nuu ndututu nee viko, nagua ja na vi konini ñayiu ñuu nuu kaꞌan rin jin ron. Te saa nagua ja siun ni vi kokandijai nuu ron ―jiñaꞌa ya. Te ni ndakani tuku Moisés nuu Jitoꞌo nagua ni ka kaꞌan ñayiu ñuu.

Éxodo 3:15

Te suni jiñaꞌa ka ia Dios nuu Moisés: ―Suaꞌa kuñaꞌa ron nuu ñayiu Israel: “Jeovaa Dios, ia ka chiñuꞌu tata ni, Dios ni ka oo chiñuꞌu ndi Abraham vi Isaac vi Jacob kuu ia ni tetniuu ña jin san ja vaji san nuu ni”, kuñaꞌa ron. Yaꞌa kuu sivi rin ja oo nikuii nikani, te jin sivi yaꞌa vi kondakakuneꞌe ña ndiꞌi tatatnoꞌo ron nikuii nikani.

Éxodo 3:16

Kuaꞌan te ndaxtutu ron tee ka kuu nijaꞌnu nuu ñayiu Israel te kuñaꞌa ron: “Jeovaa Dios, ia ka chiñuꞌu tata ni, Dios ni ka ochiñuꞌu ndi Abraham vi Isaac vi Jacob kuu ia ni kenta nuu san, te kachi ya: Jandaa ndija ja ni jinkoto rin ñayiu Israel, te ni jini rin ja ndevaꞌa ndetnuni ka saꞌa ña ñayiu Egipto.

Éxodo 3:18

Te vi konini tee ka kuu nijaꞌnu yun tnoꞌo kaꞌan ron, te kiꞌinkuei ron jin de nuu rey ñuu Egipto yun, te suaꞌa vi kuñaꞌa ron: “Ni nukuꞌun ña Jeovaa Dios ñayiu hebreo. Te kuandetu ni joo na kiꞌinkuei san, chi uni kiuu vi kaka san nuu ñuu teꞌa, te saa kentakuei san nuu vi soko san kiti nuu ia Dios san”, vi kuñaꞌa ron.

Éxodo 3:4

Su nuu ni jini Jitoꞌo ja majintnaꞌa Moisés tnu ja kondiaꞌa de, te ni kana ya guaa ndee sagua nuu tnu iñu yun, te jiñaꞌa ya: ―Moisés. Te jiñaꞌa de: ―Yaꞌa oo san.

Éxodo 3:6

Te jiñaꞌa ka ia Dios: ―Maa rin kuu Dios, ia chiñuꞌu tata ron, ia ni ka ochiñuꞌu ndi Abraham vi Isaac vi Jacob. Yun te ni chisaꞌu Moisés nuu de, chi ni yuꞌu de ja kondiaꞌa de ia Dios.

Éxodo 4:1

Yun te jiñaꞌa Moisés nuu ia Dios: ―Te ¿naxa saꞌa san nuu ma vi kandija ña de, ni ma vi konini de tnoꞌo kaꞌan san? Te vi kachi de: “Chia xndaꞌu ña ni ja ni kenta Jitoꞌo Dios nuu ni” ―jiñaꞌa de.

Éxodo 4:31

Te ni ka kandija ñayiu ñuu de nuu ni ka onini ja ndiꞌni Jitoꞌo ja jaꞌi, chi ni jini ya tnundoꞌo ka tnaꞌi. Yun te ni ka chindei xini, te ni ka chiñuꞌi ya.

Éxodo 4:4

Yun te jiñaꞌa Jitoꞌo nuu Moisés: ―Ndakakuiko ichi ndoꞌo ti. Te ni ndakakuiko de ti, te ni nduu ti in yutnu nuu ndaꞌa de.

San Juan 11:15

Te kusii ini san ja jaꞌa in in maa ni ja tu ni ka oo yun, chi saa nagua ja vi kandija guaꞌa ka ni, su na kiꞌon nuu oo ndiyi yun ―jiñaꞌa ya.

San Juan 11:42

Te ja jini san ja siun ni nini ni tnoꞌo kaꞌan san, su ni kaꞌan san tnoꞌo yaꞌa ja kuu javaꞌa maa ñayiu kuaꞌa ka oo yaꞌa, nagua ja na vi kandija ñai ja maa ni ni tetniuu ña jin san ―jiñaꞌa ya.

San Juan 20:27

Yun te jiñaꞌa ya nuu Tomás: ―Chiꞌi xindaꞌa ron ini ndaꞌa rin, te kondiaꞌa ndaꞌa rin, te chiꞌi ndaꞌa ron yika rin, te kuni ron nuu ni tuji, te kandija; ma kokuu ron in tee soꞌo ja tu kandija ―jiñaꞌa ya.

San Juan 20:31

Su ni tee san tnoꞌo yaꞌa nagua ja vi kandija ni ja Jesús kuu Kristu, ia ni tetniuu Dios, vi Seꞌe maa Dios kuu ya. Te jin ja ka kandija ni ya, te vi niꞌi ni ja vi koteku ni nikuii nikani jin maꞌñu sagua ya.

San Juan 5:36

Su sein, chi oo in ja xneꞌe kaji ka na in kuu san saa tnoꞌo ni ndakani Juan, chi tniuu ja ni taa maa Tata Dios ja skunkuu san kuu tniuu kaꞌnu ja saꞌa san yaꞌa. Te tniuu yaꞌa kuu ja ndakani ja jaꞌa san, ja maa Tata Dios kuu ia ni tetniuu ña jin san.

Hechos 7:2

Yun te jiñaꞌa Esteban: ―Tata ñani, vi konini ni tnoꞌo kaꞌan san. Dios, ia yeꞌe tajan, ni kaꞌan ya nuu ndee ndi yuao Abraham nuu ni oo de in ñuu ja tnii Mesopotamia, nuu chiaꞌan ka ja kiꞌin de ja koo de ñuu Harán,

Hebreos 11:16

Su ka ndioo ini in ñuu guaꞌa ka, te suu kuu andivi. Yun guaa ia Dios, chi tu kukanoo ya ja kokuu ya ia Dios ñayiu yun, chi ja ni saꞌa tuaꞌa ya in ñuu nuu vi koi.