Éxodo 4:21 - El Nuevo Testamento y unos libros del Antiguo Testamento

²¹ Yun te jiñaꞌa Jitoꞌo nuu Moisés: ―Nuu ndajino ron Egipto, te konaꞌa ron ja saꞌa ron nuu Faraón ndiꞌi tniuu naꞌnu ja ni taa rin nuu ron ja saꞌa ron. Su maa rin saꞌa ndee ini de, te ma kuandetu de ja ndekuei ñayiu ñuu rin.

Éxodo 4:21 Iomraidhean Croise

Génesis 6:3

Yun te jiñaꞌa ia Dios: “Ma kuandetu ka rin ja siun ni koo espíritu rin ini anu ñayiu, chi masu nagua ka kuu saꞌuin, ninoꞌo ni kuñu ka kuu, te yun guaa in ciento oko ni ka kuia guaa vi kotekui”.

Salmos 105:25

Te ni sama ya anu ñayiu Egipto yun ja ni ka skexikoi ñayiu ñuu ya, te ni ka ndakani kueꞌe ini siki ñayiu ka jinokuechi nuu ya.

Salmos 78:43

na ni saꞌa ya tniuu naꞌnu ñuu Egipto vi ni saꞌa ya javii javaꞌa nuu ñundeꞌi Zoán,

Éxodo 10:1

Te jiñaꞌa Jitoꞌo nuu Moisés: ―Kuaꞌan te kaꞌan ron nuu Faraón, chi maa rin ni saꞌa ndee ini de jin tee ka netniuu jin de, nagua ja xneꞌe rin nuu de taka tniuu naꞌnu yaꞌa.

Éxodo 10:20

Su maa Jitoꞌo ni saꞌa ndee ini anu Faraón, te tu ni jandetu de ja ndekuei ñayiu Israel kiꞌinkuei.

Éxodo 10:27

Su maa Jitoꞌo ni saꞌa ndee ini anu Faraón, te tu ni jandetu de ja kiꞌinkuei ñayiu Israel.

Éxodo 11:10

Te visi ni ka saꞌa Moisés vi Aarón ndiꞌi tniuu naꞌnu yaꞌa jin nuu Faraón, su maa Jitoꞌo ni saꞌa ndee ini anu Faraón, te tu ni jandetu de ja ndekuei ñayiu Israel ñuu de.

Éxodo 11:9

Yun te jiñaꞌa Jitoꞌo nuu Moisés: ―Ma konini Faraón tnoꞌo ka kaꞌan ron, su saa nagua ja saꞌa kuaꞌa ka rin tniuu naꞌnu nuu ñuu Egipto ―jiñaꞌa ya.

Éxodo 14:17

Te saꞌa ndee rin ini anu ñayiu Egipto nagua ja na kiukuei de vi sondikin ña de jin ron, te saꞌa kaꞌnu rin maa rin jin maꞌñu sagua Faraón vi jin ndiꞌi soldado de vi carreta de vi tee ka yoso kuai de.

Éxodo 14:4

Te saꞌa ndee rin ini anu Faraón, te sondikin ña de jin ron, saa te vi kaꞌan ñayiu ja ia kaꞌnu ndevaꞌa kuu rin jin maꞌñu sagua Faraón vi ndiꞌi soldado de, nagua ja saa te vi kuni ñayiu Egipto ja maa rin kuu Jitoꞌo ―jiñaꞌa ya. Te ni ka saꞌa ñayiu Israel nagua ni kaꞌan ya.

Éxodo 14:8

Te ni saꞌa ndee Jitoꞌo ini anu Faraón, rey Egipto, te ni sondikin de ñayiu Israel, visi ni ndekuei ñayiu Israel ñuu yun jin jakaꞌnu maa ia Dios.

Éxodo 3:19

Su ja maa rin, chi ja jini rin ja rey Egipto yun, chi ma siaa ña de ja kiꞌinkuei ron nuu ja ma vi tenini ron jin de jin jakaꞌnu rin.

Éxodo 3:20

Su tetniuu maa rin taka jakueꞌe siki ñayiu Egipto, te xneꞌe rin ndiꞌi tniuu naꞌnu saꞌa rin jin nui. Yun te saa siaa ña Faraón ja kiꞌinkuei ron.

Éxodo 7:13

Su visi ni saa, te ni saꞌa ndee ini Faraón, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 7:3

Te maa rin saꞌa ndee ini Faraón, te saꞌa rin kuaꞌa tniuu naꞌnu Egipto ja vi saꞌu kuii ini ñayiu.

Éxodo 8:11

Te vi kujioo likuara yun nuu ni vi nuu veꞌe ni, nuu tee ka netniuu jin ni, vi nuu ñayiu ñuu ni, te maa ni ka yute Nilo vi koo ti ―jiñaꞌa de.

Éxodo 8:15

Su nuu ni jini Faraón ja tu ka ti oo, te ja ni nukuꞌun vaꞌa ini de, te ni saꞌa ndee tuku de anu de, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo.

Éxodo 8:32

Su ni saꞌa ndee tuku Faraón anu de, te tu ni jandetu de ja ndekuei ñayiu Israel kiꞌinkuei.

Éxodo 9:12

Su Jitoꞌo ni saꞌa ndee anu Faraón, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo nuu Moisés.

Éxodo 9:35

Te ni saꞌa ndee ini Faraón, te tu ni jandetu de ja kiꞌinkuei ñayiu Israel, nagua ja ni kaꞌan Jitoꞌo jin maꞌñu sagua Moisés.

Isaías 63:17

¿Te nau ja ni jandetu ni, vi Jitoꞌo san, ja ni ka kujioo san nuu ichi ni, te ni saꞌa ndee ni ini anu san ja tu ka yuꞌu niꞌnu ña san? Ndajiokuiin ni nuu ka oo san ja jaꞌa maa san ja ka jinokuechi san nuu ni, vi tatatnoꞌo ja ka kuu san kuenta maa ni.

San Juan 12:40

Ni jasi ia Dios nduchi nui, te ni ka kundee ndevaꞌa ini anui, nagua ja ma vi kuni jin nduchi nui, ni ma vi jinkuiꞌnu ini ja vi ndasamai mai, te vi kiundui nuu ya, te ndasaꞌa ya ndee ini ndee anui kaꞌan nuu tutu ii.

Romanos 1:28

Te ja siun tu ni ka kuini ja vi ndakuni ja ia Dios kuu ya, guaa ni skana ichi ña ya ja ka ndakani neꞌe ini, vi ka saꞌi taka jakueꞌe ndevaꞌa ja masu ja vi saꞌi kuu.

Romanos 9:18

Te yun guaa kundaꞌu ini ya na ñayiu kuini ya ja kundaꞌu ini ya, te saꞌa ndee ya anu na ñayiu kuini ya ja saꞌa ndee ya ini anui.

2 Corintios 2:16

Te nuu ñayiu vi jinaa kenta in xiko tneꞌe ja xneꞌe ndaa ja vi kui, su nuu ñayiu vi kaku niꞌnu, chi kenta in xiko asin ja xneꞌe ndaa ja vi kotekui. Te ni ion ma kentao saꞌo tniuu yaꞌa nuu ja ma chindee chituu ña ya jion.

1 Pedro 2:8

Te suni kaꞌan nuu tutu ii: Suu ya kuu yuu ja skachi jaꞌa ñayiu vi kava ja saꞌa ja ka kanakau ñayiu. Kachi tutu ii. Chi ka kachi jaꞌa ñayiu nuu ka kuu soꞌi ja vi konini tnoꞌo ia Dios, te ña ka jain ja vi kandijai, chi saa inu taꞌu mai.