Éxodo 4:18 - El Nuevo Testamento y unos libros del Antiguo Testamento

¹⁸ Yun te ni ndee Moisés te kuanoꞌo de, te ni ndajino de veꞌe tata xiso de Jetro, te jiñaꞌa de: ―Vitna te kuini san noꞌo san ñuu Egipto nuu ka oo tnaꞌa kuikin san, nagua ja kuni san a ka teku ni ―jiñaꞌa de. Te jiñaꞌa tata xiso de: ―Kutaꞌu san, kuanoꞌo ni nuu saa, koto kuee ni, te saa kaꞌon ―jiñaꞌa de.

Éxodo 4:18 Iomraidhean Croise

Génesis 45:3

Te jiñaꞌa José nuu ñani de: ―Maa san kuu José. ¿A teku ni tatao? ―jiñaꞌa de. Su tu ni ka niꞌi ñani de na tnoꞌo vi kaꞌan de, chi ni ka yuꞌu ndevaꞌa de nuu ñani de.

Éxodo 2:21

Te ni jantaꞌu Moisés ja kendoo de koo de veꞌe tee yun, te ni jiñaꞌa de sesiꞌi de Séfora ja kondeka Moisés.

Éxodo 3:1

Te Moisés chi ni ojito de ndikachi tata xiso de Jetro ja suni nani de Reuel, tee ni okuu sutu ñuu Madián. Te in kiuu ni jaꞌan jika ndevaꞌa de jin ti nuu ñuꞌu teꞌa yun, te ni kenta de ndee in yuku nani Horeb nuu kuu yuku maa ia Dios.

San Lucas 7:50

Su yun te jiñaꞌa tuku Jesús nuu ñaꞌa yun: ―Vi ja ni kandija ni, te ni kaku niꞌnu ni. Te kuanoꞌo sii ini ni ―jiñaꞌa ya suaꞌa.

Hechos 15:36

Te nuu ni yaꞌa ndee saa kiuu, te jiñaꞌa Pablo nuu Bernabé: ―Vi ndajiokuion na vi nukoto a kukueni ka oo ñani ka skuaꞌa ndiꞌi ñuu nuu ni ka kaxtnoꞌo tnoꞌo vaꞌa Jitoꞌo, nagua ja vi kunio naxa ka kuu de jin tnoꞌo ka kandija de.

Hechos 16:36

Yun te ni kaxtnoꞌo tee jito vekaa yun nuu Pablo, te jiñaꞌa de: ―Ni ka tatnuni tee ka jaꞌnde kuechi, te ka kaꞌan de ja na siaa ña san. Te yun guaa ja kuu kekuei ni, te kiꞌinkuei sii ini maa ni ―jiñaꞌa de.

1 Timoteo 6:1

Ndiꞌi ñayiu ja ka kandija ia Dios ja ni ka kuyaꞌui, te ka jinokuechi nuu in jitoꞌi, na vi konee yiñuꞌi nuu jitoꞌi, nagua ja ma vi kaneꞌe ñayiu sivi ia Dios vi tnoꞌo vaꞌa ya ja ka kaxtnoꞌo.