Éxodo 4:12 - El Nuevo Testamento y unos libros del Antiguo Testamento

¹² Vitna te kuaꞌan te koo maa rin jin yuꞌu ron, te kaxtnoꞌo maa rin na tnoꞌo kaꞌan ron ―jiñaꞌa ya.

Éxodo 4:12 Iomraidhean Croise

Salmos 105:26

Yun te ni tetniuu ña ia Dios jin Moisés, tee jinokuechi nuu ya, vi jin Aarón, tee ni kaji ya.

Salmos 143:10

Kaxtnoꞌo ni nuu san ja saꞌa san nagua kuini ni, chi maa ni kuu ia Dios san. Te maa espíritu guaꞌa ni, na kondeka konduu ña jin san ja na kaka san ichi ndaa.

Salmos 32:9

Te ma kokuu ron na kuinio kuai, axi na kuinio kiti ndee, ja tu ka jinkuiꞌnu ini ti, ja vi nini kuu ja vi tnaa ñayiu yoꞌo yuꞌu ti, te vi chiꞌi in kaa yuꞌu ti, saa vi kundei ja vi kaꞌnui ti ja jatnaꞌa ña ti jin ron”, kachi ya.

Éxodo 3:12

Te jiñaꞌa ia Dios: ―Kuaꞌan chi koo maa rin jin ron, te yaꞌa kokuu in seña nuu ron ja maa rin ni tetniuu ña jin ron: Nuu ndeneꞌe ron ñayiu ñuu rin Egipto yun, te ndikuei ndiꞌi ron nuu yuku yaꞌa vi chiñuꞌu ña ron ―jiñaꞌa ya.

Éxodo 4:13

Te ni kaꞌan ka Moisés, te jiñaꞌa de: ―Jitoꞌo san, jikantaꞌu san nuu ni ja tetniuu ni ndee inka ñayiu ―jiñaꞌa de.

Éxodo 4:15

Te kaꞌan ron nuu de, kaxtnoꞌo ndiꞌi ron na tnoꞌo kuu ja kaꞌan de, te koo maa rin jin ron nuu kaꞌan ron vi nuu kaꞌan de, te kaxtnoꞌo maa rin nagua kuu ja vi saꞌa ron.

Éxodo 4:16

Te kaꞌan ron nuu Aarón na kuinio ja vi maa Dios kaꞌan jin de, te Aarón kaꞌan nuu tniuu ron jin ñayiu ñuu na tnoꞌo ja vi maa ron kaꞌan.

Isaías 49:2

Te ni saꞌa ya yuꞌu san ja kuu na kuinio in yuchi kani xeen yeyu yeyu, te ni tayuꞌu ña ya nuu kati ndaꞌa ya. Te ni saꞌa ya ja kuu san na kuinio in yutnu ndugua ja ni tuji vii ya, te ni tavaꞌa ña ya nuu itni nuu ka ñuꞌu vaꞌa yutnu ndugua ya.

Isaías 50:4

Maa Jitoꞌo ni tnaa tnoꞌo ndichi yuꞌu san, nagua ja kuni san naxa ndakuñaꞌa san tnoꞌo ndee ini nuu ñayiu mavikuita ichi ya. Te ndiꞌi ni neꞌe xtoto ña ya, te june ya soꞌo san ja konini san tnoꞌo kaꞌan ya nagua saꞌa in tee skuaꞌa.

San Marcos 13:11

Su nuu ka jaka ña de jin ni ja vi junsiaꞌa ña de nuu ndaꞌa tee ka netniuu, te ma vi kondiꞌni ni na tnoꞌo vi kaꞌan ni, ni ma vi ndakani saꞌun ini ni, chi na tnoꞌo taa maa ia Dios ja vi kaꞌan ni ore yun, te tnoꞌo yun vi kaꞌan ni, chi masu maa ni ka kuu ja vi kaꞌan, chi maa Espíritu ia Dios kaꞌan.

San Lucas 11:1

Ni oo in kiuu oo Jesús in nuu ndakuatu ya. Te nuu ni ndiꞌi ni ndakuatu ya, te jiñaꞌa in tee skuaꞌa jin ya: ―Jitoꞌo san, kaxtnoꞌo ni naxa vi ndakuatu san nagua ni saꞌa Juan, tee ni oskuandute, ja ni kaxtnoꞌo de naxa vi ndakuatu tee ni ka oskuaꞌa jin de ―jiñaꞌa de.

San Juan 14:26

Su jin sivi san tetniuu Tata Dios Espíritu maa ya, nagua ja chindee chituu ña ya, te kaxtnoꞌo ya ndiꞌi nani guaa kuu, chi ndaskaꞌan ña ya ndiꞌi tnoꞌo ja ni kaꞌan san nuu in in maa ni.

Efesios 6:19

Te suni vi kondakuatu ni ja jaꞌa maa san, nagua ja na taa ia Dios tnoꞌo kaꞌan san nuu kaxtnoꞌo san, nagua ja ma yuꞌu san ndakani san tnoꞌo ni yiyuꞌu ja oo nuu tnoꞌo vaꞌa Jesús.