Éxodo 4:1 - El Nuevo Testamento y unos libros del Antiguo Testamento

¹ Yun te jiñaꞌa Moisés nuu ia Dios: ―Te ¿naxa saꞌa san nuu ma vi kandija ña de, ni ma vi konini de tnoꞌo kaꞌan san? Te vi kachi de: “Chia xndaꞌu ña ni ja ni kenta Jitoꞌo Dios nuu ni” ―jiñaꞌa de.

Éxodo 4:1 Iomraidhean Croise

Éxodo 2:14

Te jiñaꞌa tee yun: ―¿Na in ni tau ña jin ron ja kotatnuni ron axi ja kokaꞌnde ron kuechi ja jaꞌa in in ruꞌun? ¿Axi kaꞌan ron ja kaꞌni ña ron nagua ni jaꞌni ron tee Egipto yun iku? ―jiñaꞌa de. Yun te ni yuꞌu Moisés, te ni ndakani ini: “Ja ni ka jini ja siun ni saꞌo”.

Éxodo 3:15

Te suni jiñaꞌa ka ia Dios nuu Moisés: ―Suaꞌa kuñaꞌa ron nuu ñayiu Israel: “Jeovaa Dios, ia ka chiñuꞌu tata ni, Dios ni ka oo chiñuꞌu ndi Abraham vi Isaac vi Jacob kuu ia ni tetniuu ña jin san ja vaji san nuu ni”, kuñaꞌa ron. Yaꞌa kuu sivi rin ja oo nikuii nikani, te jin sivi yaꞌa vi kondakakuneꞌe ña ndiꞌi tatatnoꞌo ron nikuii nikani.

Éxodo 3:16

Kuaꞌan te ndaxtutu ron tee ka kuu nijaꞌnu nuu ñayiu Israel te kuñaꞌa ron: “Jeovaa Dios, ia ka chiñuꞌu tata ni, Dios ni ka ochiñuꞌu ndi Abraham vi Isaac vi Jacob kuu ia ni kenta nuu san, te kachi ya: Jandaa ndija ja ni jinkoto rin ñayiu Israel, te ni jini rin ja ndevaꞌa ndetnuni ka saꞌa ña ñayiu Egipto.

Éxodo 3:18

Te vi konini tee ka kuu nijaꞌnu yun tnoꞌo kaꞌan ron, te kiꞌinkuei ron jin de nuu rey ñuu Egipto yun, te suaꞌa vi kuñaꞌa ron: “Ni nukuꞌun ña Jeovaa Dios ñayiu hebreo. Te kuandetu ni joo na kiꞌinkuei san, chi uni kiuu vi kaka san nuu ñuu teꞌa, te saa kentakuei san nuu vi soko san kiti nuu ia Dios san”, vi kuñaꞌa ron.

Éxodo 4:10

Yun te jiñaꞌa Moisés nuu Jitoꞌo: ―Jitoꞌo san, tu kuu niꞌi guaꞌa san tnoꞌo kaꞌan san, ni ndee ama ka, te ni vitna ja kaꞌan ni jin tee jinokuechi nuu ni, chi kuekuee niꞌi san tnoꞌo kaꞌan san, te tu tnaꞌnu yuꞌu san ja kaꞌan san ―jiñaꞌa de.

Éxodo 4:30

Te ni ndakani Aarón ndiꞌi tnoꞌo ni kaꞌan Jitoꞌo nuu ñani de Moisés. Te ni saꞌa de tniuu naꞌnu jin nuu ñayiu ñuu de.

Éxodo 4:31

Te ni ka kandija ñayiu ñuu de nuu ni ka onini ja ndiꞌni Jitoꞌo ja jaꞌi, chi ni jini ya tnundoꞌo ka tnaꞌi. Yun te ni ka chindei xini, te ni ka chiñuꞌi ya.

Éxodo 6:12

Su jiñaꞌa Moisés nuu Jitoꞌo: ―Vi ni maa ñayiu Israel ña ka jain vi konini tnoꞌo kaꞌan san, ¿te naxa konini Faraón tnoꞌo kaꞌan san siaꞌa jinkinee jinkituu ni san kaꞌan san? ―jiñaꞌa de.

Éxodo 6:30

Su jiñaꞌa Moisés nuu Jitoꞌo: ―¿Te naxa konini Faraón tnoꞌo kaꞌan san, te siaꞌa jinkinee jinkituu ni san kaꞌan san? ―jiñaꞌa de.

Hechos 7:25

Chi ni ndakani ini de ja vi junkuiꞌnu ini ñani de yun ja Dios kuantniuu ña jin de ja skaku niꞌnu ña de nuu tnundoꞌo. Su tee yun, chi masu saa ni ka junkuiꞌnu ini de.