Éxodo 3:7 - El Nuevo Testamento y unos libros del Antiguo Testamento

⁷ Su ni kaꞌan ka ya, te jiñaꞌa ya: ―Ni jini rin tnundoꞌo ka tnaꞌa ñayiu ñuu rin ja ka oo ñuu Egipto, te ni onini rin ja ka kana jai nuu ka saꞌa ndevaꞌa ña tee ka yindaꞌa ña jin. Te ja jini guaꞌa rin tnoꞌo suchi ini ka tnaꞌi.

Éxodo 3:7 Iomraidhean Croise

Génesis 16:11

Te suni jiñaꞌa ia jinokuechi nuu Jitoꞌo: Vitna chi ñuꞌu lulu ron te kiuu na kaku seyii ron te xnani ron jin Ismael chi ni onini Jitoꞌo tnundoꞌo tnaꞌa ron.

Génesis 18:21

Te yun guaa kiꞌin rin vitna ja jinkoto rin, te kuni rin kondioꞌni a ndija ja kuaꞌa ndevaꞌa jakueꞌe ka saꞌa ñayiu ñuu yun, nagua ja ni kenta ndee nuu rin, saa te kutnuni ini rin ―jiñaꞌa ya.

Génesis 21:17

Yun te ni jini ia Dios ja kana jai ndaꞌi, te ni kana ia jinokuechi nuu ya ndee andivi jin Agar, te jiñaꞌa ya: ―¿Nagua ndoꞌo ron Agar? Ma koyuꞌu ron, chi ja ni jini ia Dios ja kana suchi yii jian guaa ndee nuu oi jian.

Génesis 29:32

Yun te ni jinkuꞌun lulu Lea, te suchi yii kui nuu ni kakui, guaa ni xnani ña jin Rubén, chi ni kachi ña: ―Ni jini Jitoꞌo ja kusuchi inio, guaa ni kundaꞌu ini ña ya. Vitna te kokutoo ña yio, chi ni jinkoo seꞌo ―ni kaꞌan ña.

Génesis 31:12

Te ni kachi ya: “Kondiaꞌa guaꞌa te kuni ron ja kiti yii ka tatnaꞌa jin kiti siꞌi yaꞌa, chi ndimaa kiti ka ndee letra yika vi kiti pintu vi kiti saka tnaꞌa teku ka kuu ti, chi ja ni jini ndiꞌi rin nagua saꞌa ña Labán jin ron.

Génesis 31:42

Su nuu suaꞌa te tu ia Dios ndi tata jaꞌnu san Abraham, ia Dios xiin nuu yuꞌu niꞌnu tata yua san Isaac ni ojito ña jin san, chi vi jini ndandaa san ja suaꞌa ni ndaꞌa uun san ndatetniuu ña ni nuu siun. Su ia Dios, chi ni jini ya tnundoꞌo ja ni otnaꞌa san jin tniuu ja ni satniuu san jin ndaꞌa san, te yun guaa ni kaꞌan ya jin ni nuu jakuaa ja masu vatu ka saꞌa ni ―jiñaꞌa de.

Salmos 106:44

Su visi ni saa, te nuu ndiaꞌa ia Dios ja ka kusuchi ini, vi nini ya ja ka kana ndaꞌui ja chituu ña ya,

Salmos 12:6

Te tnoꞌo Jitoꞌo kuu tnoꞌo vii ndevaꞌa, kuu na kuinio kaa kuu plata ja ni nduvii nuu jitnu uja jichi.

Salmos 142:3

Te nuu vini ja tu ka na anu san ja kusuchi ndevaꞌa ini san, su jini maa ni na ichi jika san, vi Dios. Te nuu ichi jika san ni ka tayuꞌu in xeyu ja vi kakuiko ña jin san.

Salmos 145:19

Chi skunkuu ya nagua ka ndioo ini ñayiu ka yuꞌu niꞌnu ya, chi nini ya tnoꞌo ka kaꞌin nuu ka jikantaꞌui nuu ya, te skaku niꞌnu ña ya.

Salmos 22:24

Chi tu skexiko ya ni tu ni kukini ini ya tnundoꞌo tnaꞌa ñayiu ndaꞌu, te tu tayuꞌu nuu ya, chi nini ya tnoꞌo kaꞌin nuu jikantaꞌui nuu ya.

Salmos 34:4

Chi ni ndanduku san Jitoꞌo, te ni onini ya tnoꞌo ni kaꞌan san, te ni skaku ña ya nuu ndiꞌi ja yuꞌu san.

Salmos 34:6

Chi ni jikantaꞌu maa sein ja kuu san tee ndaꞌu nuu Jitoꞌo, te ni onini ya tnoꞌo ni kaꞌan san, te ni skaku ña ya nuu ndiꞌi tnoꞌo suchi ini tnaꞌa san.

Salmos 35:22

Su maa ni, chi jini ni, vi Jitoꞌo san, te ma kasi yuꞌu ni, te ni ma kuu jika ni nuu oo san.

Salmos 9:14

nagua ja na ndakani san nuu ñayiu yeꞌe ñuu Jerusalén ja na vi saꞌa kaꞌnu ñai, te kusii ini san, chi ni skaku niꞌnu ña ni jin san”.

Éxodo 1:11

Yun te ni ka jani de tee ni ka otanuni nuu ñayiu Israel, te ni ka otenini ña de ja vi saꞌi tniuu ndee ndevaꞌa nuu ni ka saꞌi ñuu naꞌnu ndevaꞌa ja kuu ñuu Pitón vi Ramesés, nagua ja tavaꞌa rey Faraón yun ndiꞌi ja kee nuu ñundeꞌi.

Éxodo 1:8

Te nuu kuee ka ni oo in rey jaa ñuu Egipto ja tu ni jini saꞌun de José. Te jiñaꞌa de nuu ñayiu ñuu de:

Éxodo 22:23

Chi nuu ja vi kuñaꞌa ron tnoꞌo suchi ini, te vi kana jai nuu rin, te vi jandaa kaꞌan rin ja konini rin tnoꞌo ka kanai.

Éxodo 5:10

Yun te ni kekuei tee ka tatnuni yun vi tee ka jito taka grupo ñayiu kuaꞌankuei de, te ka jiñaꞌa de nuu ñayiu Israel: ―Suaꞌa kaꞌan Faraón: “Ja ma vi taa ka san paja triu ja vi kuantniuu ni.

Éxodo 5:6

Te vi kiuu yun ni tatnuni Faraón nuu tee ka tatnuni vi nuu tee ka jito taka grupo ñayiu ñuu Israel, te jiñaꞌa de:

Isaías 63:9

Te ndiꞌi ni jichi nuu ka kusuchi ini ñayiu, te tnaꞌu ini ya, te ni tetniuu ya in ia jinokuechi ja oo nuu ya ja ni skaku niꞌnu ña, chi ja kutoo ña ya vi ja kundaꞌu ini ña ya, te ni ndatau ña ya, te ni ndoneꞌe ña ya, te ni jito ña ya ndiꞌi ni kiuu ndee jananaꞌa.

Hechos 7:34

Ni jini rin ja kuaꞌa tnundoꞌo ka tnaꞌa ñayiu ñuu rin ja ka oo Egipto, te ni onini rin ja ka kana ka ndaꞌi nuu rin. Te yun guaa vaji rin ja skaku niꞌnu rin. Te vitna neꞌe, chi tetniuu ña rin noꞌo ron Egipto”, jiñaꞌa ya.

Hebreos 4:15

Chi ka nevaꞌo in sutu kuu nijaꞌnu ja kundaꞌu ini ña ya, chi inu vitao, te suni ni tnaꞌa maa ya tnundoꞌo nuu ni ka jito tnuni ña jin ya, nagua ka ndoꞌo yoon, su tu saꞌun ni kanakau ya nuu yika kuechi.