Éxodo 3:19 - El Nuevo Testamento y unos libros del Antiguo Testamento

¹⁹ Su ja maa rin, chi ja jini rin ja rey Egipto yun, chi ma siaa ña de ja kiꞌinkuei ron nuu ja ma vi tenini ron jin de jin jakaꞌnu rin.

Éxodo 3:19 Iomraidhean Croise

Éxodo 10:20

Su maa Jitoꞌo ni saꞌa ndee ini anu Faraón, te tu ni jandetu de ja ndekuei ñayiu Israel kiꞌinkuei.

Éxodo 11:10

Te visi ni ka saꞌa Moisés vi Aarón ndiꞌi tniuu naꞌnu yaꞌa jin nuu Faraón, su maa Jitoꞌo ni saꞌa ndee ini anu Faraón, te tu ni jandetu de ja ndekuei ñayiu Israel ñuu de.

Éxodo 11:9

Yun te jiñaꞌa Jitoꞌo nuu Moisés: ―Ma konini Faraón tnoꞌo ka kaꞌan ron, su saa nagua ja saꞌa kuaꞌa ka rin tniuu naꞌnu nuu ñuu Egipto ―jiñaꞌa ya.

Éxodo 13:15

chi na ni saꞌa ndee Faraón ini anu de ja tu ni jandetu de ja ndekuei rin ñuu yun, te ni jaꞌni Jitoꞌo ndiꞌi seyii xtnañuꞌu ñayiu Egipto vi ndiꞌi seꞌe xtnañuꞌu kiti ñayiu ñuu yun. Te ja jaꞌa yun guaa ka soko rin nuu Jitoꞌo ndiꞌi kiti yii ja ka kaku xtnañuꞌu ti, vi ka soko rin in kiti nuu ya ja ka skaku niꞌnu rin seyii xtnañuꞌu rin”, vi kuñaꞌa ni nuu seꞌe ni.

Éxodo 4:21

Yun te jiñaꞌa Jitoꞌo nuu Moisés: ―Nuu ndajino ron Egipto, te konaꞌa ron ja saꞌa ron nuu Faraón ndiꞌi tniuu naꞌnu ja ni taa rin nuu ron ja saꞌa ron. Su maa rin saꞌa ndee ini de, te ma kuandetu de ja ndekuei ñayiu ñuu rin.

Éxodo 5:2

Te jiñaꞌa Faraón: ―¿Te na in kuu Jitoꞌo ja konini san tnoꞌo kaꞌan, te kokuandetu san ja kiꞌinkuei ñayiu Israel? Tu jini san na in kuu Jitoꞌo, te ni ma kuandetu san ja kiꞌinkuei ñayiu Israel ―jiñaꞌa de.

Éxodo 6:1

Te jiñaꞌa Jitoꞌo Dios nuu Moisés: ―Vitna te kuni ron nagua kuu ja saꞌa rin jin Faraón, chi jin jakaꞌnu rin, te siaa ña de ja kiꞌinkuei ron, te jin jakaꞌnu rin te keneꞌe ña maa de ja kekuei ron nuu ñuu de kiꞌinkuei ron.

Éxodo 8:28

Te jiñaꞌa Faraón: ―Kuandetu san ja kiꞌinkuei ni ndee nuu ñuꞌu teꞌa ja vi soko ni kiti nuu Jitoꞌo Dios ni, su ma kiꞌinkuei jika ndevaꞌa ni. Su vi kakantaꞌu ni ja jaꞌa san nuu ia Dios ―jiñaꞌa de.

Éxodo 9:35

Te ni saꞌa ndee ini Faraón, te tu ni jandetu de ja kiꞌinkuei ñayiu Israel, nagua ja ni kaꞌan Jitoꞌo jin maꞌñu sagua Moisés.

Éxodo 9:7

Yun te ni tetniuu Faraón tee ni ka jinkoto kiti ñayiu Israel, te ni ka jini de ja ni invaa kiti ñayiu Israel tu na kiti jiꞌi. Su ni saꞌa ndee ini Faraón, te tu ni jandetu de ja ndekuei ñayiu Israel kiꞌinkuei.