Éxodo 3:1 - El Nuevo Testamento y unos libros del Antiguo Testamento

¹ Te Moisés chi ni ojito de ndikachi tata xiso de Jetro ja suni nani de Reuel, tee ni okuu sutu ñuu Madián. Te in kiuu ni jaꞌan jika ndevaꞌa de jin ti nuu ñuꞌu teꞌa yun, te ni kenta de ndee in yuku nani Horeb nuu kuu yuku maa ia Dios.

Éxodo 3:1 Iomraidhean Croise

Salmos 106:19

Te nuu ni ka oo de yuku Horeb, ni ka saꞌa de in chikeru, ni ka xtute de oro, te ni ka saꞌa de in chuꞌchi, te ni ka chiñuꞌu ñayiu Israel.

Éxodo 17:6

Te ja koo maa rin kondetu ña rin siki kava oo yuku Horeb, te kani ron yika kava yun, te kee ndute kava yun, nagua ja vi koꞌo ñayiu ñuu yaꞌa ―jiñaꞌa ya. Te saa ni saꞌa Moisés jin nuu tee ka kuu nijaꞌnu nuu ñayiu Israel.

Éxodo 18:12

Te ni kiꞌin Jetro, tata xiso Moisés, in kiti ja ni soko de nuu ia Dios, te inka ti ni ka teñuꞌu nuu ya. Yun te ni jaꞌankuei Aarón jin ndiꞌi tee ka kuu nijaꞌnu nuu ñayiu Israel ja vi kaa de xtaa jin tata xiso Moisés jin nuu maa ia Dios.

Éxodo 19:11

Te na vi kotuaꞌi nuu uni kiuu, chi nuu uni kiuu te jaa maa rin ja kuu rin Jitoꞌo siki yuku Sinaí, nuu vi kuni ndiꞌi ñayiu ñuu.

Éxodo 19:2

Chi nuu ni ndekuei Refidim, te ni kentakuei yuku Sinaí, te yun ni ka jakin ñayiu Israel veꞌe saꞌuin jaꞌa yuku yun.

Éxodo 19:3

Te ni kaa Moisés ja nukuntnaꞌa de jin ia Dios, te ndee nuu yuku yun ni kana Jitoꞌo nuu de, te jiñaꞌa ya: ―Suaꞌa kuñaꞌa ron nuu tatatnoꞌo Jacob ja ka kui ñayiu Israel:

Éxodo 2:16

Te nuu ni jinoi, te ni jinkoi yatni nuu oo poso ndute yun. Te yun ni jinokuei ndi uja sesiꞌi ni onevaꞌa sutu kuu tatatnoꞌo Madián, ja vi taui ndute ja vi chitui pila ja vi kuñaꞌi vi koꞌo ndikachi tatai.

Éxodo 2:18

Te nuu ni ndajinokuei suchi siꞌi yun veꞌi nuu oo tatai Reuel, te ni jikan tnoꞌo ña de: ―¿Nau ja vi neꞌe ndevaꞌa ni ndajakuei ron vitna? ―jiñaꞌa de.

Éxodo 2:21

Te ni jantaꞌu Moisés ja kendoo de koo de veꞌe tee yun, te ni jiñaꞌa de sesiꞌi de Séfora ja kondeka Moisés.

Éxodo 24:13

Te ni kekuei Moisés jin Josué, tee chituu ña jin de, te ni kakuei de nuu yuku maa ia Dios.

Éxodo 3:12

Te jiñaꞌa ia Dios: ―Kuaꞌan chi koo maa rin jin ron, te yaꞌa kokuu in seña nuu ron ja maa rin ni tetniuu ña jin ron: Nuu ndeneꞌe ron ñayiu ñuu rin Egipto yun, te ndikuei ndiꞌi ron nuu yuku yaꞌa vi chiñuꞌu ña ron ―jiñaꞌa ya.

Éxodo 3:5

Te jiñaꞌa ya: ―Ma kii ka ron. Keneꞌe ndija ron, chi ñuꞌu ii kuu nuu jain ron jian.

Éxodo 4:18

Yun te ni ndee Moisés te kuanoꞌo de, te ni ndajino de veꞌe tata xiso de Jetro, te jiñaꞌa de: ―Vitna te kuini san noꞌo san ñuu Egipto nuu ka oo tnaꞌa kuikin san, nagua ja kuni san a ka teku ni ―jiñaꞌa de. Te jiñaꞌa tata xiso de: ―Kutaꞌu san, kuanoꞌo ni nuu saa, koto kuee ni, te saa kaꞌon ―jiñaꞌa de.

Éxodo 4:27

Yun te jiñaꞌa Jitoꞌo nuu Aarón: ―Kuaꞌan ndee nuu ñuꞌu teꞌa yun manutnaꞌa ñani ron Moisés ―jiñaꞌa ya. Te ni jaꞌan Aarón ndee yuku ia Dios, te yun ni nukuꞌun de ñani de Moisés. Te ni chitu de nuu ñani de.

Malaquías 4:4

“Vi ndakaꞌan Ley Moisés, tee ni ojinokuechi nuu rin, ja ni jiñaꞌa rin nuu yuku Horeb, chi yun yoso Ley rin vi tnoꞌo tatnuni rin nuu ndiꞌi ñayiu Israel.

San Lucas 2:8

Yatni ñuu Belén ka oo tee ka jito ndikachi ja ka ndee de ti jakuaa yun.

Hechos 7:30

’Te nuu ni yaꞌa uu xiko kuia, te ni jaꞌan de in nuu ñuꞌu teꞌa yuku Sinaí. Te yun ni kenta in ia jinokuechi nuu Dios nuu oo in yutnu ndoko ja oo iñu tnu ja jaꞌnu jaꞌnu yañuꞌu kai tnu.