Éxodo 24:8 - El Nuevo Testamento y unos libros del Antiguo Testamento

⁸ Yun te ni kiꞌin Moisés niñi yun, te ni joso de siki ñayiu ñuu, te jiñaꞌa de: ―Niñi yaꞌa kuu ja saꞌa kutu tratu ja ni saꞌa Jitoꞌo jin in in ni. Te jin yaꞌa kukutu ndiꞌi tnoꞌo yaꞌa ―jiñaꞌa de.

Éxodo 24:8 Iomraidhean Croise

Salmos 78:36

Su masu inu ndijai ja ni ka okaꞌan lui nuu ia Dios, chi chia inu tnoꞌi.

Éxodo 24:6

Te ni kiꞌin Moisés sagua niñi ti, te ni tnaa de nuu koꞌo, te sagua ka niñi ti yun ni joso de nuu altar.

Isaías 52:15

Saa te vi saꞌu kuii ini ñayiu kuaꞌa ñuu nuu vi kuni ñai jin de, te vi kasi yuꞌu tee ka kuu rey nuu de, chi vi kuni de in ja tu na ama ka ndakani nuu de, te vi jinkuiꞌnu ini de in tnoꞌo ja tu saꞌun na ndee ka nini de.

Zacarías 9:11

Te ja jaꞌa maa ron, chi jin niñi ja ni saꞌa rin tratu jin ron, te skaku niꞌnu rin ndikin tata ron nuu inka ñuu nuu kuu na kuinio yau ñuꞌu ja tu na ndute ñuꞌu, ja kuu in vekaa nuu ka ndesi.

San Mateo 26:28

Chi yaꞌa kuu niñi san ja soko san ja kokuu in tratu jaa, te kati ja jaꞌa kuaꞌa ñayiu nagua ja konekaꞌnu ini ia Dios yika kuechi.

San Marcos 14:24

Te jiñaꞌa ya: ―Yaꞌa kuu niñi san ja soko san ja kokuu in tratu jaa, te kati ja jaꞌa kuaꞌa ñayiu nagua ja konekaꞌnu ini ia Dios yika kuechi.

San Lucas 22:20

Te suni saa ni ni saꞌa ya jin vasu nuu ni ndiꞌi ni ka jaxini ya. Ni tnii ya vasu yun, te jiñaꞌa ya: ―Nduxi uva yaꞌa kuu niñi san, ja kati ja jaꞌa in in maa ni, ja kokuu in tratu jaa ja tniuyaꞌu san yika kuechi ni.

1 Corintios 11:25

Te nuu ni ndiꞌi ni ka jaxini ya, te suni ni tnii ya vasu vinu, te jiñaꞌa ya: “Vinu yaꞌa kuu tratu jaa ja ni kukutu jin niñi san, te suaꞌa vi kosaꞌa ni ndiꞌi ni jichi ja ka jiꞌi ni, nagua ja vi kondakaꞌan ña ni jin san”, jiñaꞌa ya.

Efesios 1:7

Te jin niñi Jesukristu ja ni jati nuu ni jiꞌi ya, kuu ja ni tniuyaꞌu ya ja ni ndatau ña ya, te ni jakaꞌnu ini ia Dios yika kuechio, chi kaꞌnu ndevaꞌa ini ya,

Hebreos 10:29

Nuu saa ni kuu, te suni kuaꞌa ka tniuyaꞌu ñayiu jain niꞌnu Seꞌe ia Dios, te skexikoi niñi ya, vi kaneꞌi jin Espíritu ja chindee chituu ña. Te jin niñi yun ni kukutu tratu, te suni suu ni ndasavii ñayiu.

Hebreos 13:20

Te maa ia Dios ja taa ya tnoꞌo mani, kuu ia ni ndaxteku Jitoꞌo Jesukristu neꞌu ndiyi. Te maa Jesukristu kuu na kuinio in tee kuu kaꞌnu ka, ja jito ya ñayiu ka skuaꞌa, ja ka kui na kuinio ndikachi ya, chi jin niñi ya ni saꞌa kutu ya in tratu ja oo nikuii nikani.

1 Pedro 1:2

Te maa ni ja suni ka kuu ni ñayiu ni kaji ña Tata Jaꞌnuo ndee ama ka naxa kuini maa ya, te jin maꞌñu sagua Espíritu ya ni saꞌa ja vi kokuu ni ñayiu maa ya, nagua ja vi kuantnoꞌo ni ya, te vi nduvii ni nuu yika kuechi ni jin niñi ja ni jati nuu ni jiꞌi Jesukristu. Te na kaya ja chindee chituu ña ia Dios vi jamani ya jin in in ni.