Éxodo 23:12 - El Nuevo Testamento y unos libros del Antiguo Testamento

¹² ’Vi satniuu iñu kiuu, su kiuu kuu uja, te vi ndatatu ron, nagua ja na vi ndatatu isndiki ron vi mentu ron, te suni na vi ndatatu nunuu ñayiu ka jinokuechi nuu ron vi ñayiu inka ñuu ja vi nduu ndakui joo.

Éxodo 23:12 Iomraidhean Croise

Éxodo 16:23

Te jiñaꞌa Moisés: ―Vatuka, chi saa ni tatnuni maa Jitoꞌo: Te xtnee kuu kiuu ndatatu, kiuu ii ja vi chiñuꞌo Jitoꞌo. Te nagua vi chioꞌo ni, te vi chioꞌo ni vitna, te nagua vi skuiso ni, te vi skuiso ni vitna. Te ndiꞌi nagua ndoo, te vi tavaꞌa ni ja na kokuu kiuu xtnee ―jiñaꞌa de.

Éxodo 23:11

Su kuia kuu uja, te ma vi kutu ron. Vi xndendoo ñuꞌu ron na ndatatu, te nagua kee suaꞌa ni, te na vi ndaxtutu ñayiu ka kundaꞌu ñuu ron ja vi kai. Te nagua ka xndendoi, te na vi kaa kiti yuku. Te suni saa ni vi saꞌa ron jin tnu uva ron vi tnu olivo ron.

Isaías 58:3

Te ka kachi: ¿Nau ja vi kondite san, te tu tanuu ni ja ka saꞌa san? ¿Nau ja vi saꞌa ndaꞌu san maa san, te tu ndiꞌni ña ni jin san?, ka kachi. Su kiuu ja ka ondite ron ka nduku ron javaꞌa maa ron, te ka keneꞌe ron xuꞌun yika ndiꞌi tee ka satniuu nuu ron.

San Marcos 2:27

Te suni jiñaꞌa ya nuu de: ―Kiuu ndatatu, chi ni jinkoo ja jaꞌa ñayiu nagua ja vi koo vaꞌi, te masu ni ka jinkoo ñayiu ja koo guaꞌa kiuu ndatatu yun.

San Lucas 13:14

Su ni kiti ini tee kuu nijaꞌnu nuu veꞌe ii sinagoga yun ja siun ni ndasaꞌa Jesús ñaꞌa yun kiuu ndatatu, te jiñaꞌa de nuu ñayiu ka oo yun: ―Iñu kiuu ka nevaꞌo ja vi satniuo, te kiuu yun kikuei ni ja vi kutatna ni. Su kiuu ndatatu, chi ma kuu ―jiñaꞌa de.