Éxodo 23:1 - El Nuevo Testamento y unos libros del Antiguo Testamento

¹ ’Ma kaꞌan ron tnoꞌo tnoꞌo siki inka ñayiu. Ma chituu ron ñayiu kueꞌe ndevaꞌa ja kokuu ron in testiu tnoꞌo.

Éxodo 23:1 Iomraidhean Croise

Génesis 39:17

Yun te vi suni saa ni ni kaꞌan ña, te jiñaꞌa ña: ―Suchi jinokuechi veꞌo ja kuu tatatnoꞌo hebreo ja ni kisiaꞌa ni, ni kii nuu oo san ja saꞌa neꞌe ñai.

Salmos 101:5

Te skasi yuꞌu san in jichi ni jin ñayiu ka kaꞌan kueꞌe siki inka ñayiu, te ma kuandee ini san jin ñayiu inu vixin vi ñayiu inu teyii.

Salmos 120:3

Te maa ni ñayiu kaꞌan tnoꞌo tnoꞌo, ¿nagua niꞌi ka ni, axi nagua vi taa nuu ni ja kaꞌan tnoꞌo ni?

Salmos 15:3

vi ñayiu tu kaꞌan kueꞌe siki inka ñayiu, ni tu saꞌi jakueꞌe siki tnaꞌa kuikin, ni ma kuñaꞌi jakanoo nuu ñayiu oo yatni jin,

Salmos 27:12

Te ma ndasiaꞌa ña ni nuu ndaꞌa ñayiu ka kaꞌan uꞌu ña jin san, ja vi saꞌa ñai nagua ka kuini mai, chi ni ka ndakoo testiu tnoꞌo siki san, te ka kuini ja vi saꞌa ñai jakueꞌe.

Salmos 35:11

Te ka ndakoo testiu kueꞌe ndevaꞌa, te ka jikan tnoꞌo ña tnoꞌo ja tu jini san ja vi skanakau ña.

Éxodo 20:16

’Ma vi kaꞌan tnoꞌo ron siki tnaꞌa kuikin ron.

Éxodo 23:7

’Kujioo te ma koo ron nuu tee netniuu nuu kaꞌan ron tnoꞌo tnoꞌo. Te ma saꞌa ron ja kuu ñayiu tu na kuechi ni ñayiu ndaa, chi ma kaꞌan ruꞌun ja tu na kuechi ñayiu saꞌa jakueꞌe.

Proverbios 10:18

Ñayiu tnoꞌo, chi tayuꞌu tnoꞌi ja kaꞌan uꞌui inka ñayiu. Te ñayiu kaꞌan siki inka ñayiu kui in ñayiu vasa.

Proverbios 12:17

Na in kaꞌan ndaa, te kaꞌin nagua kuu ndija. Su testiu tnoꞌo, chi xndaꞌu ña.

Proverbios 14:5

Testiu ndaa, chi ma kaꞌan tnoꞌo de. Su testiu tnoꞌo, chi ninoꞌo ni tnoꞌo tnoꞌo kaꞌan de.

Proverbios 17:4

Ñayiu kueꞌe vi ñayiu tnoꞌo, chi ka nini tnoꞌo ja ka kaꞌan sava ka ñayiu kueꞌe yun.

Proverbios 19:28

Testiu kueꞌe ndevaꞌa, chi saꞌa kuasuin ñayiu saꞌa ndaa kuechi, te ñayiu saꞌa neꞌe saꞌa yichi, chi ninoꞌo ni tnoꞌo kueꞌe kaꞌin.

Proverbios 19:5

Testiu tnoꞌo, ma kakui, chi tniuyaꞌui jin ja saꞌi, te suni ma kaku ñayiu kaꞌan tnoꞌo tnoꞌo.

Proverbios 19:9

Testiu tnoꞌo, ma kakui, chi tniuyaꞌui jin ja saꞌi. Te ñayiu kaꞌan tnoꞌo tnoꞌo, chi nai.

Proverbios 21:28

Testiu tnoꞌo, chi naa. Su ñayiu jini konini tnoꞌo ndaa, chi siun ni koniꞌi na tnoꞌo kokaꞌin.

Proverbios 24:28

Ma kaꞌan ron tnoꞌo ja masu nagua jini ron siki tnaꞌa kuikin ron, ni ma kaꞌan ron tnoꞌo luu ja kaꞌan tnoꞌo ron ja jaꞌi.

Proverbios 25:18

Te na kuinio marru axi yuchi kani axi yutnu ndugua, saa kuu tee kaꞌan tnoꞌo siki tnaꞌa kuikin de.

Proverbios 25:23

Tachi ja vaji ichi ndaꞌa kuaꞌo saꞌa ja kuun sau, te yaa ja kaꞌan kueꞌe siki ñayiu saꞌa ja nduxeen nuu ñayiu yun.

Proverbios 6:19

vi testiu kueꞌe ja kaꞌan tnoꞌo tnoꞌo, vi ñayiu nduku ja kiti ini neꞌu tnaꞌa kuikion.

San Mateo 19:18

Te jiñaꞌa de: ͏―͏¿Ndeja kuu? Yun te jiñaꞌa Jesús: ͏―͏Ma kaꞌni ni ndiyi. Ma koskindee tnaꞌa ni. Ma suꞌu ni. Ma kaꞌan tnoꞌo ni siki ñayiu.

San Lucas 19:8

Yun te ni ndakoo Zaqueo, te jiñaꞌa de nuu Jesús: ―Jitoꞌo san, kaꞌnde sagua san ndiꞌi ja nevaꞌa san, te kuñaꞌa san nuu ñayiu ka kundaꞌu. Te nuu ja na in ñayiu ni suꞌu san ja ni jikan javaꞌa ka san xuꞌun, te na ndajioneꞌe san kuun ka jichi saa nagua ni suꞌu san ―jiñaꞌa de.

San Lucas 3:14

Yun te suni ni ka jikan tnoꞌo ña sava tee ka kuu soldado: ―Te sein, ¿nagua kuu ja vi saꞌa san? ―ka jiñaꞌa de. Te jiñaꞌa Juan: ―Ma vi kindee ni ndatniuu ni in ñayiu ja vi skoto ioo ni jin, te ni ja vi xtavi uun ni jin in kuechi ja tu ni saꞌi. Te vi kuandee ini ni jin joo xuꞌun ja ka jinkunyaꞌu ni ―jiñaꞌa de.

San Juan 7:51

―¿A xtavi kuechi ña Ley ka nevaꞌo jin in tee, nuu ja masu xtnañuꞌu ka koninio tnoꞌo kaꞌan de, te kunio nagua ni saꞌa de? ―jiñaꞌa de.

Romanos 3:8

Te nuu ja saa kuu, ¿te nau ja ma vi saꞌa kao jakueꞌe nagua ja na koo ka javaꞌa? Te saa ka xtavi kuechi ña sava ka ñayiu jin san nuu ka kachi ja saa kaxtnoꞌo san. Su ñayiu yun, chi nini kuu ja kiꞌinkuei nuu vi tniuyaꞌui yika kuechi.

Efesios 4:25

Te yun guaa vi xndoo ni tnoꞌo ja ka xndaꞌu tnaꞌa ni, te vi kaꞌan ndaa ni nuu in ñani in tnaꞌa ni, chi in ni ñayiu ka kuu ndiꞌo.

2 Timoteo 3:3

te ma vi kondaꞌu ini, te ma vi kuakaꞌnu ini, te vi kaꞌan kueꞌi siki inka ñayiu, te ma vi kundei vi kaꞌnu niꞌnui mai, te vi koxeen ndevaꞌi, te vi skexikoi ndiꞌi javaꞌa.

1 Pedro 3:16

Te vi ndakani vii vi ndakani vaꞌa ini ni, nagua ja ñayiu ka kaꞌan kueꞌe siki ni ja ñayiu ka saꞌa jakueꞌe ka kuu ni, na vi ndukanoo mai jin ja ka xtavi kuechi ñai nuu na vi kuni ja ka saꞌa guaꞌa ni, chi ka kandija ni Jesukristu.

El Apocalipsis 12:10

Yun te ni onini san in tnoꞌo ja ni kana jaa ichi andivi, te kachi: Vitna te ni kenta kiuu ja skaku niꞌnu ña ia Dios jion, vi ja xneꞌe ya jakaꞌnu ya jin ja tatnuni ya, vi ja ndiso tniuu Kristu, ia ni tetniuu ya. Chi ni keneꞌe ya ja ni okaꞌan kuechi siki taka ñanio, chi nduu vi ñuu ni okaꞌan kuechi nuu ia Dios mao.