Éxodo 20:16 - El Nuevo Testamento y unos libros del Antiguo Testamento

¹⁶ ’Ma vi kaꞌan tnoꞌo ron siki tnaꞌa kuikin ron.

Éxodo 20:16 Iomraidhean Croise

Salmos 15:3

vi ñayiu tu kaꞌan kueꞌe siki inka ñayiu, ni tu saꞌi jakueꞌe siki tnaꞌa kuikin, ni ma kuñaꞌi jakanoo nuu ñayiu oo yatni jin,

Éxodo 23:1

’Ma kaꞌan ron tnoꞌo tnoꞌo siki inka ñayiu. Ma chituu ron ñayiu kueꞌe ndevaꞌa ja kokuu ron in testiu tnoꞌo.

Proverbios 10:18

Ñayiu tnoꞌo, chi tayuꞌu tnoꞌi ja kaꞌan uꞌui inka ñayiu. Te ñayiu kaꞌan siki inka ñayiu kui in ñayiu vasa.

Proverbios 11:13

Ñayiu jika jin kuentu, chi ndiꞌi ni tnoꞌo ndakani. Su ñayiu kukanu inio, chi ndiꞌi ni tnoꞌo tavaꞌi nuu anui.

Proverbios 19:5

Testiu tnoꞌo, ma kakui, chi tniuyaꞌui jin ja saꞌi, te suni ma kaku ñayiu kaꞌan tnoꞌo tnoꞌo.

Proverbios 25:18

Te na kuinio marru axi yuchi kani axi yutnu ndugua, saa kuu tee kaꞌan tnoꞌo siki tnaꞌa kuikin de.

San Mateo 19:18

Te jiñaꞌa de: ͏―͏¿Ndeja kuu? Yun te jiñaꞌa Jesús: ͏―͏Ma kaꞌni ni ndiyi. Ma koskindee tnaꞌa ni. Ma suꞌu ni. Ma kaꞌan tnoꞌo ni siki ñayiu.

San Lucas 3:14

Yun te suni ni ka jikan tnoꞌo ña sava tee ka kuu soldado: ―Te sein, ¿nagua kuu ja vi saꞌa san? ―ka jiñaꞌa de. Te jiñaꞌa Juan: ―Ma vi kindee ni ndatniuu ni in ñayiu ja vi skoto ioo ni jin, te ni ja vi xtavi uun ni jin in kuechi ja tu ni saꞌi. Te vi kuandee ini ni jin joo xuꞌun ja ka jinkunyaꞌu ni ―jiñaꞌa de.

Hechos 6:13

Te ni ka jani de tee ka ndakani tnoꞌo tnoꞌo, te ka jiñaꞌa de: ―Tee yaꞌa, chi vi ndiꞌi kiuu kaneꞌe de siki veñuꞌu vii ñuo vi siki Ley Moisés.

Efesios 4:31

Te vi xndoo ni ndiꞌi ja uꞌu ka oo ini anu ni, vi ja ka jiso niñi ni ja ka kiti ini ni, vi ja ka kana xeen ni, vi ja ka kaneꞌe ni, vi ndiꞌi janeꞌe jayichi ka saꞌa ni.

1 Timoteo 1:10

vi ñayiu ka saꞌa kuechi ñuyiu jin inka ñayiu, vi suni teyii ja ka saꞌa kuechi ñuyiu jin ndisa teyii, vi ñayiu ka suꞌu inka ñayiu ja vi xiko ñai, vi ñayiu ka kaꞌan tnoꞌo tnoꞌo, vi ñayiu ka kee yuꞌu te tu ka skunkui, vi nani kuu inka ja ka saꞌa ñayiu ja tu kintnaꞌa jin tnoꞌo ndaa ja ka kaxtnoꞌo nui.

2 Timoteo 3:3

te ma vi kondaꞌu ini, te ma vi kuakaꞌnu ini, te vi kaꞌan kueꞌi siki inka ñayiu, te ma vi kundei vi kaꞌnu niꞌnui mai, te vi koxeen ndevaꞌi, te vi skexikoi ndiꞌi javaꞌa.

Santiago 4:11

Ñani, kuaꞌa, ma vi kaꞌan kueꞌe ni siki in in ni, chi na in kaꞌan kueꞌe jin in ñani in kuaꞌi, te xtavi kuechi jin ñayiu yun, te suni kaꞌan kueꞌi siki Ley vi xtavi kuechi Ley yun. Te nuu ja xtavi kuechi maa ni Ley, te tu skunkuu ni nagua kaꞌan maa Ley, chi saa suaꞌa saꞌa ndaa ni ja jaꞌa Ley yun.