Éxodo 19:6 - El Nuevo Testamento y unos libros del Antiguo Testamento

⁶ Te vi kokuu ron sutu nuu tatnuni rin vi in ñuu vii rin.” Ndakani ndiꞌi tnoꞌo yaꞌa nuu ñayiu Israel ―jiñaꞌa ya.

Éxodo 19:6 Iomraidhean Croise

Salmos 114:2

te Judá ni nduu veñuꞌu maa ia Dios, te Israel ni jinkokuu nuu tatnuni ya.

Éxodo 15:26

Te jiñaꞌa ya: ―Nuu ja vi konini guaꞌa ron tnoꞌo kaꞌan rin ja kuu rin Jitoꞌo Dios ron, te vi saꞌa ndaa ron nuu rin, te vi kuantnoꞌo ron tnoꞌo ja tatnuni rin, te vi tavaꞌa ron ndiꞌi nagua kaꞌan nuu ley rin, te ma tetniuu rin siki ron ni in nuu kueꞌe ja ni tetniuu rin Egipto, chi maa rin kuu Jitoꞌo, ia ndasaꞌa ña jin ron ―jiñaꞌa ya.

Éxodo 22:31

’Te vi kokuu ron ñayiu vii nuu maa rin. Te ma vi kaa ron kuñu kiti ja ni skuechi ña kiti xeen nuu yuku, chi vi kuñaꞌa kuñu yun na vi kaa tiꞌina.

Isaías 43:4

Chi ñayiu ka ndee yaꞌu ndevaꞌa ka kuu ron nuu rin, te kanuu ja koo jayiñuꞌu nuu ron, chi kutoo ña rin. Te ja jaꞌa roon, te vi tniuyaꞌu sava ka ñayiu, te ja vi koteku ron, te vi tniuyaꞌu sava ka ñuu.

Isaías 61:6

Te maa ni vi koxnani ña “sutu maa Jitoꞌo” vi “tee ka jinokuechi nuu ia Dios”, te vi kokaa ni jakuika ka nevaꞌa ñayiu sava ka ñuu naꞌnu, te vi kokusii ini ni jin jakuika ka nevaꞌi yun.

Isaías 62:12

Te xnani ña ñayiu jin ron “ñuu ii, ja ni ndatau ña Jitoꞌo”. Te vi xnani ña ñayiu “ñuu ja kutoo ia Dios ja tu ni kendoo ndaꞌu”.

Isaías 66:21

Te kaji rin sava ñayiu yun ja vi kokui sutu rin ja vi kokui tatatnoꞌo Leví”, kachi rin ja kuu rin Jitoꞌo.

Romanos 12:1

Nuu saa, te jikantaꞌu san nuu in in maa ni, vi ñani vi kuaꞌa, ja kundaꞌu ini ña ia Dios jion, vi soko ni maa ni nuu ya, na kuinio in ja soko tekuo nuu ya, in ja vii, ja junkuaan ini ia Dios. Chi yaꞌa kuu ja ka chiñuꞌu ndaa ndija ni ya.

1 Corintios 3:17

Te nuu ja in ñayiu saꞌa tneꞌe veñuꞌu ia Dios, te xnaa ña ya jin ñayiu yun, chi veñuꞌu vii kuu veñuꞌu ia Dios, te suu ka kuu in in maa ni.

1 Tesalonicenses 5:27

Te skuiso siki ña san nuu maa Jitoꞌo ja vi ndakaꞌu ni tutu yaꞌa nuu ndiꞌi ñanio.

1 Pedro 2:5

Te suni saa ni in in maa ni, chi ka kuu ni na kuinio in yuu teku, ja jantniuu ña ia Dios jin ni ja saꞌa ña ya ja vi kokuu ni veꞌe nuu oo Espíritu maa ya. Te vi kokuu ni sutu vii ndevaꞌa maa ya, te jin maꞌñu sagua Jesukristu vi soko ni nagua kuini Espíritu ya ja junkuaan ini maa ia Dios.

1 Pedro 2:9

Te maa ni, chi ñayiu tatatnoꞌo maa ia Dios ka kuu ni, chi ni ndakaji ña ya jin ni. Te ka kuu ni sutu ja ka jinokuechi ni nuu maa ya ja kuu ya rey. Te ka kuu ni in ñuu vii, in ñuu ja ni niꞌi ya ja ka kuu ni ñayiu maa ya, nagua ja vi ndakani ni ndiꞌi javii javaꞌa saꞌa ya, ia ni ndakana ña ja ni ndekuei ni nuu ichi nee, te ni ndiukuei ni nuu ichi ja yeꞌe niꞌnu maa ya.

El Apocalipsis 1:6

Te ni saꞌa ya ja ka kuo rey vi sutu ja ka jinokuechio nuu Tata ya, Dios. Te nuu maa ya na koo jayiñuꞌu vi jakaꞌnu nikuii nikani. Saa na kokuu.

El Apocalipsis 20:6

Te na taꞌu na ndetu ñayiu ka oo vii anui nuu ia Dios, chi xtnañuꞌu kai vi ndateku. Te ma vi kuni uun kai ja vi kui jichi kuu uu, chi ma kundee ka kueꞌe siki ja kaꞌni ña jin, chi saa suaꞌa sutu vi kokui nuu ia Dios vi nuu Jesukristu, te vi kotatnuni jin ya mil kuia.

El Apocalipsis 5:10

Te ni saꞌa ni ja vi kokui rey vi sutu nuu maa ia Dios, te vi kotatnuni nuu ñuyiu.