Éxodo 19:5 - El Nuevo Testamento y unos libros del Antiguo Testamento

⁵ Te vitna nuu ja vi kuantnoꞌo ron tnoꞌo kaꞌan rin, te vi skunkuu ron tratu saꞌa rin jin ron, nuu ja saa te vi kokuu ron ñayiu ñuu maintnoꞌo ni maa rin neꞌu ndiꞌi ñuu ja oo ñuyiu, chi ndiꞌi oo nuu ndaꞌa maa rin.

Éxodo 19:5 Iomraidhean Croise

Génesis 17:9

Te suni jiñaꞌa ka ia Dios nuu Abraham: ―Kuini rin ja skunkuu ron tratu ni saꞌa rin jin ron, te suni saa ni na vi koskunkuu tatatnoꞌo ron vi ndiꞌi ndikin tatai ja kikuei nuu kuee ka.

Salmos 135:4

Chi ni kaji ña Jitoꞌo jin Jacob ja suni kuu Israel, ja vi kokui ñayiu maa ya.

Salmos 24:1

Kuenta maa Jitoꞌo kuu ninii ñuyiu vi ndiꞌi tuꞌu ja oo nuu, vi ndiꞌi ja ka jichi ka kanda.

Salmos 25:10

Te ndiꞌi ichi kuiñi Jitoꞌo kuu ichi ndaa, te kundaꞌu ini ya ñayiu ka tavaꞌa tnoꞌo ni kee yuꞌu ya vi tnoꞌo tatnuni ya.

Éxodo 15:26

Te jiñaꞌa ya: ―Nuu ja vi konini guaꞌa ron tnoꞌo kaꞌan rin ja kuu rin Jitoꞌo Dios ron, te vi saꞌa ndaa ron nuu rin, te vi kuantnoꞌo ron tnoꞌo ja tatnuni rin, te vi tavaꞌa ron ndiꞌi nagua kaꞌan nuu ley rin, te ma tetniuu rin siki ron ni in nuu kueꞌe ja ni tetniuu rin Egipto, chi maa rin kuu Jitoꞌo, ia ndasaꞌa ña jin ron ―jiñaꞌa ya.

Éxodo 23:22

Su nuu ja vi kuantnoꞌo ndija ron tnoꞌo kaꞌan ya, te vi saꞌa ron ndiꞌi nagua tatnuni rin, nuu ja saa, te vi konee uꞌu tnaꞌa maa rin jin ñayiu ka kaꞌan uꞌu ña jin ron, te koo rin siki ñayiu ka ndakoo siki ron.

Éxodo 24:7

Yun te ni tnii de liuru nuu yoso tratu ni saꞌa ia Dios jin ñayiu, te ni kaꞌu de jin nuu ñayiu ñuu, te ka jiñaꞌi: ―Vi kuantnoꞌo te vi saꞌo ndiꞌi nagua ni kaꞌan Jitoꞌo ―ka jiñaꞌi.

Éxodo 6:7

Te ndakuaka ña rin jin ron, ja vi kokuu ron ñayiu ñuu rin, te kokuu maa rin Dios ron. Saa te vi kuni ron ja maa rin kuu Jeovaa Dios ron ja ni ndeneꞌe ña rin nuu tniuu ndee ndevaꞌa ja ni ka otenini ña tee Egipto ni ka osaꞌa ron.

Éxodo 8:22

Te kiuu yun saꞌa siin rin ñuu Gosén nuu ka oo ñayiu ñuu rin, nagua ja vi ni in nuu chiukun ma koo. Saa te kuni ron ja maa rin kuu Jitoꞌo ja oo rin nuu ñuu yaꞌa.

Éxodo 9:29

Te jiñaꞌa Moisés: ―Vi nani ja na ndee kunu san yuꞌu ñuu yaꞌa, te kaneꞌe san ndaꞌa san ichi nuu oo Jitoꞌo, te junkuiin tajan vi ma kuun ka ñiñi, nagua ja saa, te kuni ni ja Jitoꞌo kuu Jitoꞌo ñundeꞌi yaꞌa.

Isaías 41:8

Su roon, ñayiu Israel, chi ñayiu ka jinokuechi nuu maa rin ka kuu ron, chi maa rin ni kaji ña, ja suni ka kuu ron ñayiu tatatnoꞌo Jacob, ja ka kuu ron ndikin tata Abraham, tee ni ondeka tnaꞌa guaꞌa jin rin.

Isaías 43:1

Su vitna te suaꞌa kaꞌan Jitoꞌo, ia ni saꞌa Jacob vi ni saꞌa ya ndikin tata de Israel: “Ma vi koyuꞌu ron, chi maa rin ni ndatau ña nuu tnundoꞌo, te kana sivi ña rin, chi ñayiu maa rin ka kuu ron.

Isaías 56:4

Chi suaꞌa kaꞌan Jitoꞌo: “Tee ni ka nduu kapuu ja ka tavaꞌa de kiuu ndatatu rin, te ka saꞌa de nagua junkuaan ini rin, vi ka oo yutnu de jin tratu ni saꞌa rin,

Malaquías 3:17

Te kachi Jitoꞌo Dios, ia ndakui ndevaꞌa: “Koo in kiuu te vi ndajiokuiin ñayiu yun ja vi ndui ñayiu maa rin ja kutoo ndevaꞌa rin, te konekaꞌnu ini rin ja ni ka osaꞌi, nagua jakaꞌnu ini tata ja saꞌa seꞌe de ja jinokuechi nuu de.

1 Corintios 10:26

Chi kaꞌan nuu tutu ii: “Ja kuenta maa Jitoꞌo kuu ñuyiu vi ndiꞌi tuꞌu ja oo nui”.

1 Corintios 10:28

Su nuu ja ndee in ñayiu kaxtnoꞌo nuu ni, te kachi: “Kuñu yaꞌa, chi ja ni ka soko nuu chuꞌchi kuu”. Nuu saa te ma kaa ni, ja jaꞌa ñayiu ni kaxtnoꞌo yun, nagua ja ma kondiꞌni ja tavi kuechi, chi kuenta maa Jitoꞌo kuu ñuyiu vi ndiꞌi tuꞌu ja oo nui.

Tito 2:14

Te suu maa ya kuu ia ni soko maa ja jaꞌa in ion, nuu ni tniuyaꞌu ya ndiꞌi yika kuechio, te ni ndasavii ña ya ja vi kokuo ñayiu ñuu maa ya, te na vi kondioo ndevaꞌa inio ndiꞌi tniuu guaꞌa ja vi saꞌo.

Hebreos 11:8

Chi ni kandija Abraham, guaa ni jantnoꞌo de nuu ni kana ña ia Dios, te ni kee de ja kuaꞌan de in nuu kuñaꞌa ya ja saꞌa jajin de. Te kuaꞌan de, visi tu ni jini de ndenu kiꞌin de.

Hebreos 8:9

Te ma koo inuu jin nagua oo tratu ja ni saꞌa rin jin tatatnoꞌo ron ndee janaꞌa, kiuu ja ni tnii rin ndaꞌi, te ni ndeneꞌe rin jin ñuu Egipto, chi tu ni ka skunkuu ndai tratu ja ni saꞌa rin jin, yun guaa ni xndendoo ndaꞌu rin jin, kachi Jitoꞌo Dios.

1 Pedro 2:9

Te maa ni, chi ñayiu tatatnoꞌo maa ia Dios ka kuu ni, chi ni ndakaji ña ya jin ni. Te ka kuu ni sutu ja ka jinokuechi ni nuu maa ya ja kuu ya rey. Te ka kuu ni in ñuu vii, in ñuu ja ni niꞌi ya ja ka kuu ni ñayiu maa ya, nagua ja vi ndakani ni ndiꞌi javii javaꞌa saꞌa ya, ia ni ndakana ña ja ni ndekuei ni nuu ichi nee, te ni ndiukuei ni nuu ichi ja yeꞌe niꞌnu maa ya.