Éxodo 19:16 - El Nuevo Testamento y unos libros del Antiguo Testamento

¹⁶ Te nuu neꞌe kiuu kuu uni, te vi jandute, te kaꞌndi kani tajan, te nee ñuñuꞌu ni jinkoo in viko nuu yuku yun. Te vi xenxeen ndaꞌi trompeta, te vi suaꞌa ka niꞌi ndiꞌi ñayiu ka oo yun ja ka yuꞌi.

Éxodo 19:16 Iomraidhean Croise

Salmos 50:3

Kii ya, te ma kasi yuꞌu ya, te yoxnoꞌo in ñuꞌu ja teñuꞌu ndiꞌi, te xiin xiin ya kuun xeen sau tachi vi yeꞌe te kani tajan.

Salmos 77:18

Te vi jiso kuiti kaꞌndi saꞌa ni nuu yiꞌi tikacha andivi, te nii kuiti ñuyiu yeꞌe ja kuun tajan, te ni kisi ñuꞌu ja ni tnaa.

Salmos 81:8

’Te maa ron ja ka kuu ron ñayiu ñuu rin, vi konini tnoꞌo ja na kaꞌan rin nuu ron, vaa nuu suaꞌa te vi konini ron ñayiu Israel tnoꞌo kaꞌan rin.

Salmos 97:4

Te yeꞌe niꞌnu ja kuun tajan ya nuu ñuyiu, te nuu jini ñuꞌu, te kisi.

Éxodo 19:11

Te na vi kotuaꞌi nuu uni kiuu, chi nuu uni kiuu te jaa maa rin ja kuu rin Jitoꞌo siki yuku Sinaí, nuu vi kuni ndiꞌi ñayiu ñuu.

Éxodo 19:15

Te jiñaꞌa Moisés nuu ñayiu ñuu: ―Vi saꞌa tuaꞌa ni maa ni nuu uni kiuu, te ma vi nitnaꞌa ni jin ñasiꞌi ―jiñaꞌa de.

Éxodo 19:17

Yun te ni keneꞌe ña Moisés jin ñayiu ñuu veꞌe saꞌun nuu ka oi yun, te kuaꞌankuei ja vi nukuntnaꞌi jin ia Dios, te ni ka junkuiin jaꞌa yuku yun.

Éxodo 19:9

Yun te jiñaꞌa Jitoꞌo nuu Moisés: ―Jaa rin nuu oo ron in maꞌñu nuu ndututu nee viko, nagua ja na vi konini ñayiu ñuu nuu kaꞌan rin jin ron. Te saa nagua ja siun ni vi kokandijai nuu ron ―jiñaꞌa ya. Te ni ndakani tuku Moisés nuu Jitoꞌo nagua ni ka kaꞌan ñayiu ñuu.

Éxodo 20:18

Te ndiꞌi ñayiu Israel ni ka jini ja vi yeꞌe te kuun tajan, vi ja ndaꞌi trompeta, vi kana ñuaꞌa yuku yun. Te nuu ni ka jini ñayiu ñuu ja siun kuu, te vi suaꞌa ka niꞌi ja ka yuꞌu ndevaꞌi, te jika ni ka oi ka ndiaꞌi.

Éxodo 20:21

Te ni ka oo jika ni ñayiu ñuu, te ni jintnaꞌa Moisés nuu oo nee viko nuu oo maa ia Dios.

Éxodo 9:23

Te ni skata Moisés yutnu tuu de ichi andivi, te ni saꞌa Jitoꞌo ja ni kuun ñiñi, te vi yeꞌe, te kani tajan ninii ñuu Egipto ja kuun ñiñi.

San Mateo 24:31

Te tetniuu san ia ka jinokuechi nuu maa Dios nuu vi xndaꞌi jajaa ya trompeta ndee ndi kuun lado ñuyiu ja vi ndaxtutu ya ñayiu ni kaji ia Dios, te vi ndee in lado nuu jinkituu andivi jin ndee inka lado.

Hebreos 12:21

Te ioo ndevaꞌa kaa ja ka ndiaꞌi yun ja vi ndee Moisés jiñaꞌa: “Vi suaꞌa niꞌi san ja yuꞌu ndevaꞌa san”, jiñaꞌa de.

El Apocalipsis 1:10

Te ni oo san jin Espíritu ia Dios in kiuu maa Jitoꞌo, te ni skuni ña ya jin san. Te ni jini san ja ni kana jaa ichi yata san na kuinio ja ndaꞌi in trompeta.

El Apocalipsis 11:19

Yun te ni ndanune yeꞌe veñuꞌu ia Dios ja oo andivi, te ni jini san katuu jatnu tratu ia Dios ini veñuꞌu yun. Te ni jandute vi ni ka kana vi ni kani tajan, te ni tnaa xeen ndevaꞌa vi ni kuun ndevaꞌa ñiñi.

El Apocalipsis 4:1

Yun te ni skuni ña ia Dios jin san, te ni jini san ja nune in yeꞌe ichi andivi, te tnoꞌo xtnañuꞌu ja ni onini san kaꞌan ya jin san kuu na kuinio ja ndaꞌi in trompeta, te kachi ya: ―Neꞌe, makaa yaꞌa, te na xneꞌe rin taka ja kokuu kiuu kuaꞌon suaꞌa ―kachi ya.

El Apocalipsis 4:5

Te ndee nuu mesa nuu tatnuni yun jandute vi niꞌi vi kaꞌndi kani tajan, te nuu mesa nuu tatnuni yun ka kai uja iti ja kuu ndi uja espíritu ia Dios.

El Apocalipsis 8:5

Yun te ni kiꞌin ia yun koꞌo suja yun, te ni tnaa chitu ya ñuꞌu tikayi ja oo nuu altar, te ni skunta ya nuu ñuyiu. Te ni saꞌa ja ni kani tajan vi ni niꞌi vi ni jandute vi ni oo ñutnaa.