Éxodo 18:9 - El Nuevo Testamento y unos libros del Antiguo Testamento

⁹ Te ni kusii ini Jetro jin ndiꞌi javii javaꞌa ja ni saꞌa ña Jitoꞌo jin ñayiu Israel, ja ni skaku niꞌnu ña ya nuu ndaꞌa ñayiu Egipto.

Éxodo 18:9 Iomraidhean Croise

Isaías 44:22

Chi ni xnaa rin jakueꞌe ka saꞌa ron na kuinio in viko vi na kuinio viko noꞌo, saa ni xnaa rin yika kuechi ron. Te vi ndajiokuiin nuu maa rin, chi ni ndatau ña rin nuu jakueꞌe”, jiñaꞌa ya.

Isaías 44:23

Vi kata ron ka oo ron andivi ja ka kusii ini ron, chi maa Jitoꞌo ni saꞌa siun. Vi kana jaa ron ka oo ron ndee chii ñuꞌu, roon ja ka kuu ron tinduu vi yuku vi ndiꞌi yutnu ja ka oo nuu yuku. Vi kata yaa nuu ia Dios, chi ni ndatau ña Jitoꞌo Dios jin Jacob, te ni xneꞌe ya jakaꞌnu ya nuu ndikin tata de ja ka kuu ñayiu Israel.

Isaías 63:7

Ndakani san ja ni kundaꞌu ini ña Jitoꞌo, te na vi katao yaa nuu ya ja vi saꞌa kaꞌnuo ya, ja jaꞌa ndiꞌi ja ni saꞌa ya jion vi jin kuaꞌa jaguaꞌa ja ni saꞌa ya jin ñayiu Israel ja kutoo ña ya, vi ni kundaꞌu ndevaꞌa ini ña ya.

Isaías 66:10

“Vi kokusii ini maa ron jin ñuu Jerusalén, te vi kokusii ini ndevaꞌa ndiꞌi ron ja ka kutoo ron ñuu yun. Te ndiꞌi ron ja ni ka ondaꞌi ron ja jaꞌa ñuu yun, vi kanta ja ka kusii ini ndevaꞌa ron.

Romanos 12:10

Vi kaꞌan too tnaꞌa in in maa ni jin in ñani in tnaꞌa ni, te vi konee yiñuꞌu nuu tnaꞌa ni.

Romanos 12:15

Vi kokusii ini ni jin ñayiu ka osii ini, te vi ndaꞌi ni jin ñayiu ka ndaꞌi.

1 Corintios 12:26

Chi nuu ja jatu in ndatniuu oo nuu yiki kuñuo, te suni ndiꞌi ka jatu jin. Te nuu ja jito vaꞌo in ndatniuu oo nuu yiki kuñuo, te ndiꞌi ka kusii ini.