Éxodo 18:8 - El Nuevo Testamento y unos libros del Antiguo Testamento

⁸ Te yun ni ndakani Moisés nuu tata xiso de ndiꞌi tniuu ni saꞌa Jitoꞌo jin Faraón vi ñayiu Egipto ja jaꞌa ñayiu Israel, vi ndiꞌi tnundoꞌo ja ni ka tnaꞌa de nuu ichi vi naxa ni skaku niꞌnu ña Jitoꞌo nuu tnundoꞌo yun.

Éxodo 18:8 Iomraidhean Croise

Génesis 44:34

chi ¿naxa ndajiokuiin sein nuu tata san nuu ja ma ndajino san jin? Ma noꞌo san nagua ja ma kuni san tnundoꞌo ja tnaꞌa tata yua san ―jiñaꞌa de.

Salmos 106:10

Te ni skaku niꞌnu ña ya nuu ndaꞌa ñayiu ka kaꞌan uꞌu ña, vi nuu ndaꞌa ñayiu ka skexiko ña.

Salmos 106:8

Su ni skaku niꞌnu ña ya nagua ja na koo jayiñuꞌu nuu maa ya, saa te ni xneꞌe ya jakaꞌnu ya.

Salmos 107:2

Te na vi kaꞌan ñayiu ni ndatau Jitoꞌo ja ia guaꞌa kuu ya, ñayiu ni ndatau ya ja ni ka oi nuu ndaꞌa ñayiu ka kaꞌan uꞌu ña,

Salmos 66:16

Neꞌekuei ndiꞌi ni ja ka yuꞌu niꞌnu ni ia Dios, te vi konini ni. Na ndakani san naxa ni saꞌa ya jin san.

Salmos 81:7

Te nuu ni ka tnaꞌa ron tnoꞌo suchi ini, ni ka kana ron nuu rin, te ni skaku niꞌnu ña rin, te ndee nuu viko tnutnuu yun oo rin, te ni onini rin tnoꞌo ka kaꞌan ron, te ni jito tnuni ña rin nuu ñuꞌu ndute nuu nani Meriba.

Éxodo 15:16

Te na vi kisi ñayiu ja ka yuꞌu ndevaꞌi. Te jin jakaꞌnu maa ni, te na vi kendoo titiꞌi na kuinio yuu, guaa ndee na vi yaꞌa ñayiu ñuu ni, vi Jitoꞌo, guaa ndee na vi yaꞌa ñayiu ñuu yaꞌa ja ni skaku niꞌnu maa ni.

Éxodo 15:6

Te nuu ndaꞌa kuaꞌa ni, vi Jitoꞌo, oo jandakui ni vi jakaꞌnu ni. Te jin ndaꞌa kuaꞌa ni, vi Jitoꞌo, te ni xnaa ni ñayiu ka kaꞌan uꞌu ña.

Éxodo 16:3

Te ka jiñaꞌa ñayiu Israel: ―Vaa nuu suaꞌa te ni jaꞌni ña Jitoꞌo ndee nuu ni ka oo ka san ñuu Egipto nuu ni ka ojinkoo san yika kisi ndei kuñu, te ni ka ojaa san xtaa ndee ni ka ondutu chii san. Su ni ka ndeneꞌe ña ni ja vajikueio nuu ñuꞌu teꞌa yaꞌa ja vi kaꞌni ni ndiꞌi ñayiu yaꞌa jin soko ―ka jiñaꞌi.

Éxodo 18:1

Te ni jini soꞌo Jetro sutu ñuu Madián, tata xiso Moisés, ndiꞌi ja ni saꞌa ia Dios jin Moisés vi jin ñayiu Israel, vi naxa ni ndeneꞌe ña Jitoꞌo jin ñayiu Israel ñuu Egipto.

Éxodo 2:25

Te ni ndiaꞌa ia Dios tnundoꞌo ka tnaꞌa ñayiu Israel, te ni kundaꞌu ini ña ya.

Éxodo 23:23

Chi ia jinokuechi nuu rin koxnoꞌo nuu ron kiꞌinkuei ron, te junchiꞌi ña ya ñuu ñayiu amorreo vi ñayiu heteo vi ñayiu ferezeo vi ñayiu cananeo vi ñayiu heveo vi ñayiu jebuseo. Ñuu yaꞌa ka kuu ja xnaa ndiꞌi rin.

Éxodo 4:23

Te ja ni kaꞌan rin ja kuandetu ron na kiꞌinkuei maa seꞌe rin ja vi chiñuꞌu ñai jin rin. Su ja siun tu kuini ron ja siaa ron jin kiꞌinkuei, yun kuu ja kaꞌni rin seꞌe xtnañuꞌu ron, kachi ya”, kuñaꞌa ron ―jiñaꞌa ya nuu Moisés.

Éxodo 7:4

Te visi ni saa, te ma konini Faraón tnoꞌo ka kaꞌan ron. Su yun te kuantniuu rin ndiꞌi jakaꞌnu rin siki Egipto, te jin tniuu naꞌnu saꞌa rin tetniuu rin tnundoꞌo ja jaꞌa jakueꞌe ka saꞌi yun. Te ndeneꞌe rin ñayiu ñuu rin Israel nuu ñuu Egipto, te ndee yukun kani kuiti kiꞌin jin rin.

Éxodo 7:5

Saa te vi kuni ñayiu Egipto ja maa rin kuu Jitoꞌo, nuu vi kuni jakaꞌnu rin ja ndeneꞌe rin ñayiu Israel neꞌu maa ñayiu Egipto ―jiñaꞌa ya.