Éxodo 18:4 - El Nuevo Testamento y unos libros del Antiguo Testamento

⁴ Te inkai nani Eliezer, chi ni kachi de: “Ni chituu ña maa ia Dios tatao, te ni skaku niꞌnu ña ya nuu yuchi kani Faraón”.

Éxodo 18:4 Iomraidhean Croise

Génesis 49:25

Te Dios tata ron na chituu ña, te ia Dios kaꞌnu, ja ndiꞌi ni ja kuu saꞌa ya, na saꞌa ña ya javii javaꞌa oo ndee andivi, jin javii javaꞌa oo ndee nuu kunu ka nuu kana ndute, jin javii javaꞌa oo ndoso ni jaxin ron vi chii ni ñuꞌu ron.

Salmos 18:1

Kutoo ndevaꞌa ña san jin ni, vi Jitoꞌo san, chi maa ni taa jandakui san.

Salmos 18:48

Maa ia Dios skaku niꞌnu ña nuu ndaꞌa ñayiu ka kaꞌan uꞌu ña jin san, te saꞌa kaꞌnu ña ya nuu ñayiu ka ndakoo siki san. Te maa ya skaku niꞌnu ña nuu ndaꞌa tee inu xeen.

Salmos 34:4

Chi ni ndanduku san Jitoꞌo, te ni onini ya tnoꞌo ni kaꞌan san, te ni skaku ña ya nuu ndiꞌi ja yuꞌu san.

Salmos 46:1

Dios kuu ia jito jini ña, vi taa ya jandakuio, ia chituu ñama ña nuu ka tnaꞌo tnundoꞌo.

Éxodo 10:28

Te jiñaꞌa Faraón nuu Moisés: ―Ndee ni te kuaꞌan ni te koto guaꞌa ni maa ni ja ma kuni uun ka ña ni jin san, chi nani kuu kiuu ja kuni ña ni jin san, te kuu ni ―jiñaꞌa de.

Éxodo 2:15

Te nuu ni jini Faraón ja siun ni saꞌa Moisés, te ni nduku de ja kaꞌni ña de jin. Su ni jino yuꞌu Moisés nuu Faraón, te kuaꞌin ja ni oi nuu ñuꞌu ñayiu Madián.

Éxodo 2:22

Te ni kaku in seyii ña, te ni xnani Moisés jin Gersón, chi ni kachi de: “Jika nuu ndaꞌuo inka ñuu”.

Éxodo 4:20

Yun te ni jaka Moisés ñasiꞌi de vi seꞌe de, te ni skaa de jin yata mentu, te ni ndajiokuiin de kuanoꞌo de Egipto. Te suni yindaꞌa de yutnu maa ia Dios.

Daniel 6:22

Ni tetniuu Dios san, ia jinokuechi nuu ya, ja ni jasi ya yuꞌu ndikaꞌa yaꞌa, nagua ja ma vi saꞌa ña ti ni in jakueꞌe jin san, chi ja jini maa ya ja tu na kuechi tavi san nuu ya, te ni tu na in jakueꞌe saꞌa san nuu ni, vi tata rey ―jiñaꞌi.

Hechos 12:11

Yun te ni ndikuiꞌnu ndaa ini Pedro, te ni ndakani ini de: ―Vitna te jinkuiꞌnu ndaa inio ja Jitoꞌo ni tetniuu in ia jinokuechi nuu ya ja ni skaku niꞌnu ña ya nuu ndaꞌa Herodes vi ni kakuo nuu ndiꞌi jakueꞌe ka kaꞌan ñayiu ñuo judio ja vi saꞌa ñai.

Hechos 7:29

Te nuu ni onini Moisés tnoꞌo yaꞌa, te ni jino yuꞌu de ja ni jino de Madián nuu ni ojika ndaꞌu de. Te yun ni ka jinkoo uu seyii de.

2 Timoteo 4:17

Su ni oo maa Jitoꞌo jin san, te ni taa ya jandakui san ja ni kuu ni kaxtnoꞌo san tnoꞌo vaꞌa ia Dios nuu ndiꞌi ñayiu sava ka ñuu, te ni ka onini. Saa te ni skaku niꞌnu ña Jitoꞌo nuu ndaꞌa tee inu xeen ndevaꞌa, ja ka kuu de na kuinio ndikaꞌa.

Hebreos 11:34

Te sava de ni ka kaku niꞌnu nuu tnundoꞌo ja tu ni ka kai de nuu ñuꞌu xeen ndevaꞌa. Te sava de ni ka kaku niꞌnu ja tu ni ka jaꞌni ña jin yuchi kani. Te sava tee tu inu ndakui, ni ka ndanindee de, ja ni ka nduu ndakui de nuu ni ka jaxin tnaꞌa de, te ni ka kundee de ni ka skunu de jin soldado inka ñuu.

Hebreos 13:6

Nuu saa te ka kukanu inio, te vi kaꞌon: Maa Jitoꞌo kuu ia chindee chituu ña jin san, te ma koyuꞌu san ja nagua vi saꞌa ña ñayiu jin san.