Éxodo 18:11 - El Nuevo Testamento y unos libros del Antiguo Testamento

¹¹ Vitna te jini kaji san ja Jitoꞌo kuu ia kaꞌnu ka saa nuu ndiꞌi chuꞌchi, chi nuu ni ka saꞌa ñayiu jakueꞌe siki ñayiu ñuu maa ya, te ni ndakoo ya siki ñayiu ka saꞌa jakueꞌe yun ―jiñaꞌa de.

Éxodo 18:11 Iomraidhean Croise

Salmos 119:21

Chi tetniuu ni tnundoꞌo ka tnaꞌa ñayiu ka saꞌa teyii maa, vi ñayiu ni ka tau tniaꞌa, ja ka kujioo nuu tnoꞌo tatnuni ni.

Salmos 135:5

Chi jini guaꞌa san ja ia kaꞌnu kuu Jitoꞌo, te kaꞌnu ndevaꞌa ka, kuu ia Dios mao saa ndiꞌi chuꞌchi.

Salmos 31:23

Ndiꞌi maa ni ja ka kuu ni ñayiu maa ia Dios, vi kokutoo ni Jitoꞌo, chi jito jini maa ya ñayiu ndaa, su tetniuu ya tnundoꞌo ka ndaniꞌi ka ndatnaꞌa maa ñayiu ka saꞌa teyii mai.

Salmos 95:3

Chi maa Jitoꞌo kuu ia Dios kaꞌnu ndevaꞌa, te maa ya kuu rey kaꞌnu ka saa ndiꞌi chuꞌchi.

Salmos 97:9

Chi ia oo ndee sukun yun kuu ni, vi Jitoꞌo san, te tatnuni ni siki ndiꞌi ñuyiu, vi kaꞌnu ndevaꞌa ka kuu ni saa ndiꞌi chuꞌchi.

Éxodo 1:10

Te yun kuu ja vi koo ndichi inio siki, nagua ja ma vi kaya kuaꞌi, chi kana saa ndakoo in ñuu sikio ja vi kaxin tnaꞌa jion, te vi ndachituu tnaꞌi ja vi kaxin tnaꞌo jin, te ndekuei ñuo kiꞌinkuei ―jiñaꞌa de suaꞌa.

Éxodo 1:16

―Nuu ka jito ni ñaꞌa hebreo nuu ka kaku lulu ña, te vi kondiaꞌa ni jin, a chiyii axi chisiꞌi kui. Te nuu ja chiyii kui, te vi kaꞌni ni jin, su nuu ja chisiꞌi kui, te na koteku mai ―jiñaꞌa de.

Éxodo 1:22

Yun te ni tatnuni Faraón yun nuu ndiꞌi ñayiu ñuu de, te jiñaꞌa de suaꞌa: ―Vi tnaa ni ndiꞌi chiyii kueli hebreo inka ni ka kaku nuu ndute yute Nilo, te vi kuandetu ni vi koteku ndiꞌi maa suchi siꞌi kueli yun ―jiñaꞌa de.

Éxodo 10:3

Yun te ni jaꞌankuei Moisés vi Aarón nuu Faraón, te ka jiñaꞌa de: ―Suaꞌa kaꞌan Jitoꞌo Dios ñayiu hebreo: “¿Nasaa ka kiuu te saa nuu soꞌo ron nuu rin? Kuandetu na kiꞌinkuei ñayiu ñuu rin, nagua ja na vi chiñuꞌu ñai jin rin.

Éxodo 12:12

Te jakuaa yun yaꞌa rin nii ñuu Egipto, te kaꞌni rin ndiꞌi seꞌe xtnañuꞌu ñayiu Egipto vi seꞌe xtnañuꞌu kiti, te tetniuu rin tnundoꞌo vi tnaꞌa ndiꞌi chuꞌchi ka oo Egipto. Te maa rin kuu Jitoꞌo ja kaꞌan rin tnoꞌo yaꞌa.

Éxodo 14:18

Saa te vi kuni ñayiu Egipto ja maa rin kuu Jitoꞌo, nuu na saꞌa kaꞌnu rin maa rin jin maꞌñu sagua Faraón vi carreta de vi ñayiu ka yoso kuai de ―jiñaꞌa ya.

Éxodo 14:8

Te ni saꞌa ndee Jitoꞌo ini anu Faraón, rey Egipto, te ni sondikin de ñayiu Israel, visi ni ndekuei ñayiu Israel ñuu yun jin jakaꞌnu maa ia Dios.

Éxodo 15:11

Tu na inka ia na kuinio maa ni, vi Jitoꞌo, neꞌu chuꞌchi. Te ni tu na in ia ii vi ia kaꞌnu na kuinio maa ni. Chi saꞌa ni tniuu ja ioo ndevaꞌa kaa, vi tniuu ja luu ndevaꞌa kaa.

Éxodo 5:2

Te jiñaꞌa Faraón: ―¿Te na in kuu Jitoꞌo ja konini san tnoꞌo kaꞌan, te kokuandetu san ja kiꞌinkuei ñayiu Israel? Tu jini san na in kuu Jitoꞌo, te ni ma kuandetu san ja kiꞌinkuei ñayiu Israel ―jiñaꞌa de.

Éxodo 5:7

―Ndee vitna jin kiuu kuaꞌan ka yun ma vi kuñaꞌa ka ni paja triu nuu ñayiu Israel ja vi saꞌi adobe nagua vajikueio ka saꞌo, chi na kiꞌinkuei mai vi jinxtutui paja ja vi kuantniui.

Daniel 4:37

Te vitna ndakuantaꞌu maa san, ja kuu san Nabucodonosor, vi chiñuꞌu san vi saꞌa kaꞌnu san ia kuu rey ndee andivi, chi ndiꞌi tniuu saꞌa ya kuu tniuu ndaa, te ichi ndaa kuu ichi ya, te kuu saꞌa ndaꞌu ya ñayiu ka saꞌa teyii mai ―jiñaꞌa de suaꞌa.

San Lucas 1:51

Ni saꞌa ya tniuu naꞌnu jin jakaꞌnu ya. Te ni kindee ya taka tniuu kueꞌe ka ndakani ini ñayiu inu teyii ndevaꞌa.

Santiago 4:6

Su ni kaꞌan ndaꞌu ni kaꞌan kee ña ia Dios, te yun guaa kaꞌan nuu tutu ii: “Ndakoo ia Dios siki ñayiu saꞌa teyii mai, su kaꞌan ndaꞌu kaꞌan kee ña ya jin ñayiu saꞌa ndaꞌu mai”.

1 Pedro 5:5

Te suni saa ni maa ni ja ka kuu ni tee kuechi, vi kuanyuꞌu vi kuandetu ni nuu tee nijaꞌnu. Te ndiꞌi ni vi saꞌa ndaꞌu vi saꞌa kee ni nuu in in ni, te vi kuantnoꞌo nuu tnaꞌa ni, chi yoso nuu tutu ii: Ndakoo ia Dios siki ñayiu ka saꞌa teyii mai, te kaꞌan ndaꞌu kaꞌan kee ña ya jin ñayiu ka saꞌa ndaꞌu mai. Kachi tutu ii.