Éxodo 17:7 - El Nuevo Testamento y unos libros del Antiguo Testamento

⁷ Te ni xnani de yun Meriba, chi yun ni ka tee ña ñayiu Israel jin de. Te suni ni xnani de Masah, chi yun ni ka jito tnuni ñai jin Jitoꞌo, te ni ka kachi: “¿A oo Jitoꞌo neꞌuo axi tuu?”, ni ka kachi.

Éxodo 17:7 Iomraidhean Croise

Salmos 106:32

Te suni ni ka skiti ini ia Dios yuꞌu ndute nuu nani Meriba, te vi ja kuechi ñayiu yun, te ni kendoo kueꞌe Moisés nuu ia Dios.

Salmos 78:18

Chi ni ka kii ini de ja ni ka jito tnuni de ia Dios, te ni ka jikan de ja vi kaa de vi nagua ka junkuaan ini maa de.

Salmos 81:7

Te nuu ni ka tnaꞌa ron tnoꞌo suchi ini, ni ka kana ron nuu rin, te ni skaku niꞌnu ña rin, te ndee nuu viko tnutnuu yun oo rin, te ni onini rin tnoꞌo ka kaꞌan ron, te ni jito tnuni ña rin nuu ñuꞌu ndute nuu nani Meriba.

Salmos 81:8

’Te maa ron ja ka kuu ron ñayiu ñuu rin, vi konini tnoꞌo ja na kaꞌan rin nuu ron, vaa nuu suaꞌa te vi konini ron ñayiu Israel tnoꞌo kaꞌan rin.

Salmos 95:8

Ma vi saꞌa ndee ron ini anu ron, nagua ni ka saꞌa ñayiu nuu ni ka oi nuu nani Meriba, vi nagua ni ka saꞌi in kiuu nuu suni nani Masah nuu ñuꞌu teꞌa yun,

Éxodo 17:2

Te ni ka jinkondee ñayiu ñuu ka tee ñai jin Moisés, te ka jiñaꞌi: ―Taa ni ndute na vi koꞌo san. Te jiñaꞌa Moisés: ―¿Nau ja ka tee ña ni jin san? ¿Nau ja ka jito tnuni ni Jitoꞌo? ―jiñaꞌa de.

San Juan 1:14

Te tnoꞌo yun ni kuu teyii, te ni oo ya neꞌu yoon, te ni ka jini san ja yeꞌe tajan ya, chi nuu maa Tata Jaꞌnuo vaji ja yeꞌe tajan ya, chi invaa maa ya kuu Seꞌe ia Dios. Te nuu maa Seꞌe ya oo tnoꞌo ndaa vi kaꞌan ndaꞌu kaꞌan kee ña ya, chi saa oo maa ya.